Nehemia 9:4 - Mukanda Wa Zambi 1970

⁴ Kwabwile chitamba cha Alevi. Yeshua, ni Bani, ni Kadmiele, ni Shebania, ni Buni, ni Sherebia, ni Bani, ni Kenani yaamana ho, yaalemba kuli Mwene Zambi, Zambi yo, ni liji linene.

MUKANDA USANDU WA ZAMBI 1975

⁴ Henaho kwamanyine ha ukandukilo amwe A-Levi: Yeshua, ni Mbani, ni Kamiele, ni Shebania, ni Buni, ni Sherebia, ni Mbani, ni Chenani. Yalemba ni liji linene kuli Yehova Zambi yo.

Nehemia 9:4 Iomraidhean Croise

2 Sango Ja Mianangana 20:19

Alevi a ku majimo ja Kohate ni Kora yaamana kikilii, yaakololoka ni kuchichimieka Mwene Zambi, Zambi ya Aisraele.

Nehemia 12:8

Alevi: Wano e abwile akwa lutwe ja njimba waze te akwimba miaso ya kusakwilila Zambi, Yeshua, ni Binwi, ni Kadmiele, ni Sherebia, ni Yuda, ni Matania.

Nehemia 3:17

Alevi wano yaatungulula yimwe yipinji ya chipanga cha mawe chize chasulile ko: Rehume mwana wa Bani yatunga Chipinji chize chasulile ko. Hashabia, mukwa kuyula wa Chihanda cha chota cha Keila, yatunga Chipinji chize chasulile ko mumu ha chifuchi chenyi.

Nehemia 8:4

Hako Ezra te kanamana ha chitamba cha mitondo chize alulikile mumu ha tangwa lize. Atu wano yaamanyina ku kwoko lia chindume: Matitia, ni Shema, ni Anaya, ni Uria, ni Hilkia, ni Maseya. Ku kwoko lienyi lia chimeso yikubwa: Pedaya, ni Mishaele, ni Malkija, ni Hashume, ni Hashbadana, ni Zakaria, ni Meshulame.

Nehemia 8:7

Mba yaakatuka, yaamana kikilii homa lio. Alevi wano yaalumbunwina Shimbi ja Zambi: Yeshua, ni Bani, ni Sherebia, ni Jamine, ni Akube, ni Shabetai, ni Hodia, ni Maseya, ni Kelita, ni Azaria, ni Jozabade, ni Hanane, ni Pelia.

Nehemia 9:5

Alevi wano yaakatwisa atu hanga awayile: Yeshua, ni Kadmiele, ni Bani, ni Hashabneya, ni Sherebia, ni Hodia, ni Shebania, ni Petahia. Yaamba ngwo: “Katukenu nufumanyise Mwene Zambi, Zambi yenu; mufumanyisenu ndoo ku miaka yeswe ni miaka yeswe! Mutu mweswe afumanyise jina lienyi ha uhenya, chibwe uhaliso wetu kuwazukile.”

Miaso (Masamu) 130:1

Mwene Zambi, mu lamba liami heswe ngunakutambika.

Miaso (Masamu) 3:4

Nakuteta ku meso ja Mwene Zambi hanga angukwase, neye ha mulundu wenyi wa chijila kakungukumbulula.

Miaso (Masamu) 77:1

Ngunatete chikolo kuli Zambi, ngunatete kuhiana, neye kanangwivu.

Lungungu 3:8

Ngunakololoka angukwase, alioze Zambi kangubanjikile.

Yoano 11:43

Muze hamba maliji wano, yakololoka ni liji linene ngwenyi: “Lazaru, tuhuka mo!”

Yilinga 7:60

Mba yasa makungunwa hashi nikukololoka ni liji linene ngwenyi: “Mwene, kanda walula kama mulonga uno alinga.” Muze te hamba maliji wano, yafwa kwenyi.