Nehemia 9:34 - Mukanda Wa Zambi 1970

³⁴ Tushakulu twetu, ni mianangana jetu, ni miata jetu, ni mahako jetu, kaafungile ko Shimbi. Kaabanjikile ko ku yiyulo ye ni longeso lie.

MUKANDA USANDU WA ZAMBI 1975

³⁴ Chipwe mianangana jetu, ni alemu jetu, ni asasendote, ni tulamba twetu kafungile shimbi je, kapanjikile ku maliji je ni Shindakenyo ye yize waámbile.

Nehemia 9:34 Iomraidhean Croise

1 MIANANGANA 17:13

Mwene Zambi te haanatumina tunganda twenyi ni akwa munanyi jenyi akakanyamise Aisraele ni Ayuda ngwenyi: “Ehukenu ndako jenu jibi, nufunge Shimbi jami, jize nahanyine kuli tushakulu twenu ni jize nahanyine kuli tuvumbi twami akwa munanyi akajilongese.”

1 MIANANGANA 17:15

Yaalituna kwononoka ku longeso lienyi, kaafungile ko Usendo uze akolesele ni tushakulu two, yaalelesa kukanyamisa chenyi, yaakombelela mahamba amokomoko, yaalipwisa amokomoko ayo ene, yeembulula ndako ja mavungu waze te anaajingilika, yaakolema Shimbi ja Mwene Zambi ha kweembulula.

2 Sango Ja Mianangana 29:6

Tushakulu twetu avulumwine, yaalinga chize te Mwene Zambi, Zambi yetu, keshi kuzanga. Yaamwehuka, yoomba nyima kuma kuze te atwama Mwene Zambi.

Ezra 9:10

“Aa Zambi, alioze haliabwila, kuchi mutwamba hakutwala ku yuma yino yeswe? Hitunakolema Shimbi,

Nehemia 9:30

Yiulihumikiza no mwaka ha mwaka. Yiutuma akwa munanyi je aalongese, hindu kaabanjikile ko, mba yiwaakunjika mu moko ja yilambala.

Nehemia 9:33

Yena walingile kanawa ha kutumwesa lamba. Yena uli mukwa ululi, chibwe yetu twavulumwine.

Nehemia 9:35

Yena yiuwahisa mianangana waze ayulile atu je, yiwaaha chifuchi chinene cha chinuno atwame mo, alioze keehukile ko yitanga yo yibi, kaakulingilile ko.

Jeremia 29:19

Yenayo muyikabwa hali ayo mumu keeshi kwononokena maliji jami waze naatuminyine kuli tuvumbi twami akwa munanyi. Haanalitunu kwabanjika.

Jeremia 44:17

Mutulinga yeswayo tunazange. Mutulambula milambu kuli zambi yetu, mwanangana wa pwo wa kwilu, mutumuzujila milambu ya vinyu, ngwe chize twalingile yetu ni tushakulu twetu, ni mwanangana wetu ni miata jetu, mu membo ja Yuda ni mu majila ja Yerusaleme. Ha matangwa aze yitubwa ni yakulia yinji, yituyuka kuhiana, kutwamwene ko lamba.

Jeremia 44:4

Nanutuminyine tuvumbi twami akwa munanyi, waze te akunulongesa ngwo, kuchatambile kulinga Chuma chino chibi chize nakuvutwokela.

Ezekiel 5:6

Alioze akwa Yerusaleme haakolema Shimbi jami, haalisolola yingulungulu kuhiana mavungu akwo. Haabwa yihulia kuhiana akwa yifuchi waze aajingilika. Akwa Yerusaleme kaatayijile kufunga yiyulo yami, haalituna kwononokena Shimbi jami.

Daniel 9:6

Kutwabanjikile ko kuli tuvumbi twe akwa munanyi, waze ahanjikile mu jina lie kuli mianangana ni akwa kuyula jetu, ni tushakulu twetu, ni vungu lietu Heswe.

Shimbi 31:21

Lamba linji maakamona. Alioze mwaso uno maakawimbamba. Muukabwa chinyingi cha kwakumika. Chibwe haliabwila, shimbu kanda nguchahetesa mu chifuchi chize naalakenyene, ngunanyingika manyonga jo.”