Nehemia 9:33 - Mukanda Wa Zambi 1970

³³ Yena walingile kanawa ha kutumwesa lamba. Yena uli mukwa ululi, chibwe yetu twavulumwine.

MUKANDA USANDU WA ZAMBI 1975

³³ Alioze mu yuma yino yeswe hiyatushata uli mukwa ululi mumu hiwalinga ni umwenemwene; yetu hitwalinga ni ungulungulu.

Nehemia 9:33 Iomraidhean Croise

Ubutukilo 18:25

Kuwahashile kwonona akwa ululi hamwe ni yitanganyanyi. Kuwahashile kuchilinga nichimwe! Nyi wachilinga, kafwa ngwe, washiha akwa ululi hamwe ni yitanguke. Kuchahashile kubwa. Yena ngaji wa akwa hashi eswe, chakutamba kubatula ni ululi.”

Ezra 9:15

Mwene Zambi, Zambi ya Aisraele, yena uli mukwa ululi, hiwatutayiza yetu kutwama ni mwono. Tunashikisa milonga yetu; te kutwalitele kuheta ku meso je.”

Nehemia 9:34

Tushakulu twetu, ni mianangana jetu, ni miata jetu, ni mahako jetu, kaafungile ko Shimbi. Kaabanjikile ko ku yiyulo ye ni longeso lie.

Nehemia 9:8

Yiumumona ngwe kali mukwa mbunge yibema, yiukolesa nenyi Usendo. Yiumulakenya kumwaha chifuchi cha Akanana, ni cha Ahite, ni cha Aamore, ni cha Aperize, ni cha Ajebuse, ni cha Agirgashe, chikabwe chifuchi cha vungu lienyi akatwame mo. Hiwalinga nikulita ni chilakenyo che, mumu uli mukwa kushishika.

Jobe 33:27

Mutu yoze mamba ku meso ja atu ngwenyi: “Hingunavulumuna. Nahengesele Shimbi, alioze Zambi kangumwesene ko lamba nikulita ni shili yami.

Jobe 34:23

Zambi kali ni chiyulo cha kutongola tangwa lia kubatwila atu milonga yo.

Miaso (Masamu) 106:6

Twavulumwine ngwe chize alingile tushakulu twetu, tuli lume kwetu atu abi, yingulungulu.

Miaso (Masamu) 119:137

Mwene Zambi yena uli mukwa ululi, ni Shimbi je jili ja ululi.

Miaso (Masamu) 145:17

Mwene Zambi kali mubema ni mukwa keke mu yuma yeswe yize akulinga.

Kutuhuka 32:31

Mose yahiluka kuli Mwene Zambi, yamba ngwenyi: “Aa Mwene Zambi, atu wano havulumuna kuhiana. Haalinga zambi yo ya oru.

Jeremia 12:1

Mwene Zambi, nyi munguhamika ni yena, kachi yena muungukununa. Chibwe chocho ngunakuhula yihula hakutwala ku ululi. Mumu yika yingulungulu akuwaha? Mumu yika akwa uhenge akuyuka?

Jeremia 44:3

mumu atu jamo alingile yibi, yaanguvwisa ufwatulo. Yaalambula milambu kuli mazambi eka, yaalingila mazambi waze chibwe yenu chibwe tushakulu twenu kanda awayila kama.

Lungungu 1:18

“Mwene Zambi halinga ni ululi mumu yami namukolemene. Yenu mavungu eswe, ngubanjikenu; talenu kama lamba lize nguli nalio. Akweze jami a malunga ni a mapwo haatwala mu undungo.

Ezekiel 11:12

Mba mununyingika ngwenu, yami nguli Mwene Zambi, nawa ngwenu, muze te nwakufunga Shimbi ja enyembo jenu mavungu akwo, te nwakukolema Shimbi jami ni yiyulo yami.”