Nehemia 9:32 - Mukanda Wa Zambi 1970

³² “Aa Zambi, Zambi yetu, yena uli munene! Uli kola woma, mukwa ndundo! Wakufunga yilakenyo ya Usendo we. Chize ku matangwa waze te akutuhungumiona kuli mianangana ja Asuria ndoo ni musono uno, twakumona lamba linji, mianangana jetu, ni miata jetu, ni mahako jetu, ni akwa munanyi jetu, ni tushakulu twetu, ni atu jetu eswe. Iwuluka kama lamba lize hitwamona!

MUKANDA USANDU WA ZAMBI 1975

³² Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Nehemia 9:32 Iomraidhean Croise

1 Yitanga Ya Mianangana 8:23

yalemba ngwenyi: “Mwene Zambi, Zambi ya Aisraele, kukushi Zambi mukwo niumwe ngwe yena, chibwe mwilu chibwe hashi! Wakufunga Usendo ni atu je. Wakwalweza utu we muze akukwononokena ni mbunge jo jeswe.

1 MIANANGANA 15:19

Tiglate Pilesere, mwanangana wa Asuria, yanjila mu Israele. Mba Menaheme yamwaha mbongo ja prata kilo 34,000 hanga amukwase mu wanangana.

1 MIANANGANA 15:29

Ha matangwa ja Peka mwanangana wa Israele, Tiglate Pilesere mwanangana wa Asuria, yatambula membo ja Ijone, ni Abele Bete Maka, ni Janoa, ni Kedeshe, ni Hazore, ni yifuchi ya Gileade, ni Galilea, ni Naftali, yaakwata atu, yaatwala funge mu chifuchi cha Asuria.

1 MIANANGANA 17:23

ndoo ni kuze Mwene Zambi waahumine ku meso jenyi liakulu, ngwe chize aakanyamishine kuli tuvumbi twenyi akwa munanyi. Kashika Asiraele aatwalile mu undungo mu Asuria, kwenako atwama ndoo ni musono.

1 MIANANGANA 17:3

Mwanangana Shalmanezere wa Asuria yasa jita ni Hoshea; Hoshea yalumuka chilolo cha Shalmanezere ni kumulambula milambu mwaka ha mwaka.

1 MIANANGANA 17:6

we mwaka wa muchilivwa wa kuyula cha Hoshea, mwanangana wa Asuria yakumba Samaria, yatwala Aisraele funge ku Asuria, amwe ku limbo lia Hala, akwo hehi ni lwiji Habore mu chifuchi cha Gozane, ni akwo mu membo a mu chifuchi cha Media.

1 MIANANGANA 23:29

Muze te Josia kali mwanangana, mwanangana Neko wa ku chifuchi cha Egiptu yatwala tujita twenyi ku lwiji Ufrateze akwase mwanangana wa Asuria. Mwanangana Josia yeseka kukwika tujita twa Egiptu ku limbo lia Megido, alioze yaamushiha mu jita.

1 MIANANGANA 25:7

Yaashiha ana ja Zedekia a malunga ku meso jenyi, yaalokola meso ja Zedekia, yaamukasa mu ngoji ja utale, yaamutwala ku Babilone.

Ezra 4:10

hamwe ni atu akwo waze mwanangana munene ni wa tachi Ashurbanipale akatwishile ku mahio ni anehene ku limbo lia Samaria ni membo akwo ku chitokelo cha lwiji Ufrateze!”

Ezra 4:2

No yaaya kuli Zerubabele ni miata ja majimo ni kwamba ngwo: “Tutayizenu kama hanga tulichinge ni yenu tutunge zuwo lia Zambi. Twakuwayila Zambi umuwika, ni twakumulambula milambu chize kuze mwanangana Esarhadone wa Asuria atutumine ni kutwama kuno.”

Ezra 9:13

Tunanyingika ngwetu, yena Zambi yetu, chibwe twakuvulumwine kuhiana, hindu kuwatumwesene lamba linji, alioze yiutwecha kutwama ni mwono.

Nehemia 1:5

“Mwene Zambi, Zambi ya mwilu! Yena uli munene, twakukuvwila woma. Yena wakufunga Usendo ni waze akukuzanga ni kulinga chize unapale.

Miaso (Masamu) 47:2

Mwene Zambi Mukwa Mwilu Wahiana kanda Kola Woma, kali mwanangana munene, kakuyula akwa hashi eswe.

Miaso (Masamu) 66:3

Lwezenu Zambi ngwenu: “Wakulinga yuma ya kukomwesa kuhiana! Uli ni ndundo jinji! Kashika akwa kole je akuhetama ku meso je ni woma.

Miaso (Masamu) 66:5

Tweyenu numone yuma yize alingile Zambi, hanalingi yuma ya kukomwesa mukachi ka atu.

Kutuhuka 18:8

Mose yamwambulwila sango jeswe jize Mwene Zambi alingile ni mwanangana wa Egiptu ni atu jenyi mumu hali Aisraele. Yamulweza lamba lize amwene mu jila, ni chize Mwene Zambi waapulwile.

Izaya 9:6

Kuli yetu hikwasemuka mwana! Mwana lunga hatwaha yo! Kumakabwa mukwa kutuyula. Kumaakamuvuluka ngwo: “Mukwa Kukomwesa,” “Mukwa Kukanyamisa,” “Zambi Mukwa Ndundo,” “Tata wa Miaka Yeswe,” “Mwanangana wa Uhwimino.”

Daniel 9:4

Yingulemba kuli Mwene Zambi ni kushikisa milonga ya atu jami. Yingwamba ngwami: “Mwene Zambi, yena uli munene, twakukulemesa. Uli wamwenemwene hakutwala ku Usendo we. Wakulweza zango lie lize kulishi kuhwa kuli waze akukuzanga ni kufunga Shimbi je.

Daniel 9:6

Kutwabanjikile ko kuli tuvumbi twe akwa munanyi, waze ahanjikile mu jina lie kuli mianangana ni akwa kuyula jetu, ni tushakulu twetu, ni vungu lietu Heswe.

Daniel 9:8

Mianangana ni akwa kuyula jetu, ni tushakulu twetu hitunalingi yuma ya sonyi, hitunakuvulumuna yena Mwene Zambi.

Alevi 26:18

“Chibwe mungunumwesa lamba ngwe lize, hindu kunuchi kungwononokena, mungukanumwesa lamba yisuho shimbiali.

Alevi 26:21

“Hindu, nyi nwalimika lume ni yami, ni kulituna kungwononokena, mungukanumwesa lamba yisuho shimbiali.

Alevi 26:24

mungukalimika ni yenu ni kunumwesa nawa lamba yisuho shimbiali.

Alevi 26:28

mba mu ufwatulo wami mungukalimika ni yenu. Mungukanumwesa nawa lamba yisuho shimbiali.

Shimbi 7:12

“Nyi nwabanjika ku Shimbi jino ni kujifunga kanawa, mba Mwene Zambi, Zambi yenu, makafunga Usendo uze akolesele ni yenu ni kunulweza zango lienyi hahiana, ngwe chize alakenyene tushakulu twenu.

Shimbi 7:13

Makunuzanga ni kunuwahisa, hanga nukoke ni kubwa ni ana anji. Makawahisa mihuko yenu ya mu minda hanga nukabwe ni mbuto, ni vinyu, ni maji a olive. Makanuwahisa ha kunwaha ngombe ni mapanga anji. Makanwaha yiwape yino yeswe mu chifuchi chize hanalakenya kuli tushakulu twenu.

Shimbi 7:21

Kashika kanda nuvwila atu wano woma. Mwene Zambi, Zambi yenu, kali hamwe ni yenu, kali Zambi munene, kola woma.

Shimbi 7:9

Kashika iwulukenu ngwenu, Mwene Zambi, Zambi yenu, kali Zambi wika, kali mukwa kushishika. Kumakafunga Usendo wenyi uze akolesele ni Aisraele ni kulweza zango lienyi kuli tununu twa yisemuko a kuli waze akumuzanga ni akufunga Shimbi jenyi.