Nehemia 9:29 - Mukanda Wa Zambi 1970

²⁹ Yiwaakanyamisa ha kwononokena longeso lie, alioze mu kulengumuka cho yaalituna Shimbi je, chibwe Shimbi jize jakupwisa atu ni mwono. Akwa pami kanda akwa kukolema yaalituna kwoononoka.

MUKANDA USANDU WA ZAMBI 1975

²⁹ Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Nehemia 9:29 Iomraidhean Croise

1 MIANANGANA 17:13

Mwene Zambi te haanatumina tunganda twenyi ni akwa munanyi jenyi akakanyamise Aisraele ni Ayuda ngwenyi: “Ehukenu ndako jenu jibi, nufunge Shimbi jami, jize nahanyine kuli tushakulu twenu ni jize nahanyine kuli tuvumbi twami akwa munanyi akajilongese.”

1 MIANANGANA 17:14

Alioze koononokene ko; yaakalisa mbunge jo ngwe chize alingile tushakulu two, waze kafulielele ko Mwene Zambi, Zambi yo.

2 Sango Ja Mianangana 24:19

Neye yaatumina akwa munanyi ni kwakanyamisa hanga atu ahiluke kuli iye, alioze kaabanjikile ko.

2 Sango Ja Mianangana 33:10

Chibwe Mwene Zambi yakanyamisa mwanangana Manase ni atu jenyi, hindu kaamubanjikile ko.

2 Sango Ja Mianangana 36:15

Mwene Zambi, Zambi ya tushakulu two, te kaakwatumina akwa munanyi akaakanyamise, mumu yazanga kwafunga ni lie zuwo lienyi.

Nehemia 13:15

Ha matangwa waze yingumona amwe Ayuda te kaanakame vinyu ha tangwa lia kuhwima, akwo te kaanakasakasa mbuto, ni vinyu, ni mihuko ya vinyu, ni ya mikuyu, ni yuma yikwo hali yimbulu ni kuyitwala ku Yerusaleme. Yingwakanyamisa ngwami, kanda alanjisa yuma yo ha tangwa lia kuhwima.

Nehemia 9:10

Yiulinga yilayi ya kukomwesa ulimike ni mwanangana wa Egiptu; ulimike ni akwa kuyula ni atu a mu chifuchi chenyi, mumu yiunyingika chize ahungumionene atu je. Jina lie yilifumana, kuliafumana ndoo ni musono.

Nehemia 9:16

Alioze tushakulu twetu yaalengumuka, yaakwata pami, kaafungile ko Shimbi je.

Nehemia 9:26

“Alioze atu je yaabwa ni pami, yaakukolema, yaalituna Shimbi je. Yaashihashiha akwa munanyi waze aakanyamishine, waze aalongesele hanga atewuluke kuli yena. Yaakushililika tangwa ha tangwa,

Nehemia 9:30

Yiulihumikiza no mwaka ha mwaka. Yiutuma akwa munanyi je aalongese, hindu kaabanjikile ko, mba yiwaakunjika mu moko ja yilambala.

Kutuhuka 10:3

Mba Mose ni Arane yaaya maha mwanangana, yaamulweza ngwo: “Mwene Zambi, Zambi ya Ahebreu, kanambe ngwenyi: ‘Tangwa lika mukalikehesa ku meso jami? Echa atu jami aye akanguwayile.

Jeremia 17:23

Tushakulu two kaangubanjikile ko hanji kaakanyamine ko. Kaangusele ko mbunge, alioze yaabwa akwa pami; kaangwononokenene ko chibwe kwivwa longeso liami.

Jeremia 19:15

maliji ja Mwene Zambi Mukwa Ndundo Jeswe, Zambi ya Aisraele, ngwenyi: “Munguneha lamba heswe lize nambile ha limbo lino ni ha membo eswe akusulangana, mumu nuli akwa pami, kunushi kubanjika ku maliji jami.”

Jeremia 42:19

Yingwamba nawa ngwami: “Mwene Zambi hanwamba yenu waze nwasala mu Yuda ngwenyi, kanda nuya ku Egiptu. Chenacho ngunanukanyamisa haliabwila

Jeremia 43:2

Mba Azaria mwana wa Hoshaya ni Johanane mwana wa Karea ni akwa kulengumuka eswe akwo yaangwamba ngwo: “Mahuza je. Mwene Zambi, Zambi yetu, kakutumine ko ni kutulweza ngwenyi, kanda tuya tukatwame mu Egiptu.

Jeremia 44:10

Alioze ndoo ni musono kunusolo kulikehesa. Kunusolo kungulemesa chibwe kufunga Shimbi jeswe jize nanuhele yenu ni tushakulu twenu.

Jeremia 7:26

Chibwe chocho, niumwe hanabanjika hanji hanakanyama, alioze hinunabu yihulia ni akwa pami kuhiana tushakulu twenu.

Ezekiel 20:11

Yingwaha Shimbi jami ni yiyulo yami, yize yakupwisa ni mwono mweswawo wakuyononokena.

Daniel 5:20

Alioze muze mwe tatenu halizata, halengumuka, habwa chitanganyanyi, Zambi yamuchiza ha chitwamo chenyi cha wanangana, neye yatokesa muhela wenyi wa vumbi.

Hosea 6:5

Kashika hingunanutumina akwa munanyi ni maliji jami a ubatwilo ni a kwonona. Chize ngunazange Chinasoloka mwazu ngwe pangu.

Alevi 18:5

Fungenu Shimbi jami ni yiyulo yami. Nyi nwachilinga, munulamwina mwono wenu. Yami nguli Mwene Zambi.”

Mateu 19:17

Yesu ngwenyi: “Kuchi unanguhula hakutwala ku chibema? Umuwika lume mubema. Nyi unazange kubwa ni mwono, funga Shimbi.”

Luka 10:28

Yesu ngwenyi: “Wakumbulula kanawa. Linga Chenacho, mba ubwe ni mwono.”

A-ROMA 10:5

Mose hanasoneka chino hakutwala ku chikuma cha kupwisa mutu mukwa ululi, ha kwononokena Shimbi. Ngwenyi: “Yoze wakulinga yize Shimbi jinambe, makabwa ni mwono ku Shimbi.”

Galashia 3:12

Alioze Shimbi hi ya ku ufulielo ko. Mumu Mukanda wa Zambi unambe ngwo: “Mutu yoze wakufunga Shimbi jeswe, mabwa ni mwono ku jiyo.”

Shimbi 31:21

Lamba linji maakamona. Alioze mwaso uno maakawimbamba. Muukabwa chinyingi cha kwakumika. Chibwe haliabwila, shimbu kanda nguchahetesa mu chifuchi chize naalakenyene, ngunanyingika manyonga jo.”

Shimbi 31:27

Ngunanyingika pami jo ni kukolema cho. Haanalimika ni Mwene Zambi ha matangwa eswe a mwono wami, kumaakalimika nenyi kuhiana muze hinafwa.

Shimbi 4:26

Lilu ni hashi yili yela jami musono ha kulimika ni yenu. Nyi kunwafungile Shimbi jami, akwa kole maakanuhanga nikawashi mu chifuchi. Kunuchi katwama miaka yinji mu chifuchi chize nunambe kuzuka musali lia Yordau, mumu makanwonona liakulu.

Akwa Kuyula 6:10

Yingunwamba ngwami, yami nguli Mwene Zambi. Zambi yenu, kanda nuwayila mazambi ja Amore, a mu chifuchi chize nunatwama. Alioze kunwangubanjikile ko.”