Nehemia 9:26 - Mukanda Wa Zambi 1970

²⁶ “Alioze atu je yaabwa ni pami, yaakukolema, yaalituna Shimbi je. Yaashihashiha akwa munanyi waze aakanyamishine, waze aalongesele hanga atewuluke kuli yena. Yaakushililika tangwa ha tangwa,

MUKANDA USANDU WA ZAMBI 1975

²⁶ Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Nehemia 9:26 Iomraidhean Croise

1 Yitanga Ya Mianangana 14:9

Yena walinga chibi kuhiana waze akuliangilile. Hiunangulitunu ni kunguvwisa ufwatulo ni kufula mahamba a mazambi eka.

1 Yitanga Ya Mianangana 18:13

Aa mwene wami, kanulwezele muze mwazovu Jezebele ashihile akwa munanyi ja Mwene Zambi, chize naswekele akwa munanyi kulakaji, ku mbunga ja makumi atano atano mu yivwenge, ni chize naalishile ni naanwishine, nyi?

1 Yitanga Ya Mianangana 18:4

Muze mwazovu wa mwanangana ashihile akwa munanyi ja Mwene Zambi, Obadia yalamwina akwa munanyi kulakaji ni kwasweka mu mbunga ya makumi atano atano mu yivwenge. Kwenako te akwatwalila yakulia ni kunwa.)

1 Yitanga Ya Mianangana 19:10

Neye yakumbulula ngwenyi: “Mwene Zambi, Mukwa Ndundo Jeswe, matangwa eswe hinakulingila yena wika. Alioze Aisraele haashiha Usendo uze wakolesele no, haabuzula yilumbilo ye ya milambu, haashiha akwa munanyi je eswe. Yami hinasala ukawami, ni kaanafupu kungushiha nawa.”

1 MIANANGANA 21:10

Mwene Zambi yambila tuvumbi twenyi akwa munanyi ngwenyi:

1 MIANANGANA 21:11

“Mwanangana Manase halinga yuma yino ya kuzelwokesa, yuma yibi yahiana ya Akanana. Ni mahamba jenyi hashinjika Ayuda kulinga yibi.

2 Sango Ja Mianangana 36:16

Alioze ayo yaasaula e tunganda twa Zambi, yaalelesa maliji jenyi, yaaseha akwa munanyi jenyi. Mba ha kusula Mwene Zambi yevwila atu jenyi ufwatulo kuhiana, ni e mana a kuuchina kaabwile ko.

Nehemia 9:18

Yaalinga hamba wa kuji a ngombe, yaamba ngwo: ‘Yono kali zambi yoze watutuhwishile mu Egiptu!’ Mwene Zambi yaakusaula kuhiana!

Nehemia 9:29

Yiwaakanyamisa ha kwononokena longeso lie, alioze mu kulengumuka cho yaalituna Shimbi je, chibwe Shimbi jize jakupwisa atu ni mwono. Akwa pami kanda akwa kukolema yaalituna kwoononoka.

Nehemia 9:30

Yiulihumikiza no mwaka ha mwaka. Yiutuma akwa munanyi je aalongese, hindu kaabanjikile ko, mba yiwaakunjika mu moko ja yilambala.

Miaso (Masamu) 50:17

Ngwami, nwakulituna kufumba chami, nwakwehuka Shimbi jami.

Jeremia 16:11

Mba muwakumbulula ngwe, Mwene Zambi kanambe ngwenyi: ‘Tushakulu twenu angumbile nyima, yaakombelela mahamba ni kwalingila, yaangwehuka ni kulituna longeso liami.

Jeremia 2:30

Hingunakumwesa lamba, hindu ngwe Chuma chamokomoko, kuushi kuzanga ngukufumbe. Hiunashihi akwa munanyi je ngwe chize akulinga tambwe.

Jeremia 2:7

Yingwaneha mu chifuchi cha chinuno, ni kuwahilila ni mihuko yami ni yuma yikwo yibema. Alioze chifuchi chize naahele; yaachibihisa, yaachipwisa chamokomoko.

Jeremia 32:23

Alioze muze haanjila mo, haachizuka, kononokene ko ku Shimbi je hanji kufunga longeso lie; kaalingile ko nichimwe cha yuma yize waalwezele. Kashika yiwaamwesa lamba lino lieswe.

Jeremia 42:19

Yingwamba nawa ngwami: “Mwene Zambi hanwamba yenu waze nwasala mu Yuda ngwenyi, kanda nuya ku Egiptu. Chenacho ngunanukanyamisa haliabwila

Lungungu 3:42

“Hitwavulumuna, hitwakukolema. Yena Mwene Zambi, kuwatukonekenene.

Ezekiel 20:21

“Alioze vungu lize yaangukatukila, yaakolema Shimbi jami, kaafungile ko yiyulo yami, yize yakuhana mwono kuli waze akuyononokena. Yaalelesa tangwa lia kuhwima. Yingunyonga ngwami, mungwalweza ndundo ja ufwatulo wami muze mu puya ni kwoonona eswe.

Mateu 21:35

Alioze e njimi yaakwata tuvumbi waze, yaalamba umwe, yaashiha mukwo, ni mukwo yaamwasa mawe.

Yilinga 7:52

Hakachi ka akwa munanyi a Zambi, iya tushakulu twenu kaahungumionene ko kama? Yaashiha akwa munanyi waze ambujolele shimbu kanda hakutwala ku kwiza cha Mukwa Ululi. Ni haliabwila hinunamukunjika kuli akwa kole jenyi, hinunamushihi.

Shimbi 32:14

Ngombe jo ni pembe jo yaabwa ni yamwa yinji; yaabwa ni mapanga, ni pembe, ni ngombe abema kuhiana, ni tiriku ni vinyu yibema yihiana.

Shimbi 32:15

“Atu ja Mwene Zambi yaabwa pichi, alioze yaabwa yihulia. Yaatohwa mumu ha kulia chinji. Yeehuka Zambi tangi yo, yaalituna chilamwina cho mukwa ndundo.

Akwa Kuyula 10:6

Aisraele yaavulumuna nawa Mwene Zambi, yaawayila mahamba Bale ni Astarte, ni mazambi ja Asiria, ni akwa Sidone, ni Amoabe, ni Aamone, ni Afilistia. Yeehuka Mwene Zambi yo, yaalitwantina kumuwayila.