Nehemia 9:25 - Mukanda Wa Zambi 1970

²⁵ Atu je yaakumba membo akukoleka, chifuchi cha chinuno, ni mazuwo waze te haazala ni yikumba, ni mashima akutota, ni mitondo ya olive, ni ya vinyu, ni ya mihuko. Yaalia yeswe yize azangile, yaatohwa. Yaawahilila ni yuma yibema yize waahele.

MUKANDA USANDU WA ZAMBI 1975

²⁵ Atambwile yihunda ya yipanga-ya-mawe, ni chifuchi cha chinuno. Azukile mazuwo a tò ni yuma yeswe yipema—mashima a kutota mu liwe, ni minda ya uva, ni minda ya olevwe, ni mitondo ya ngolo ya mihuko. Chocho alile, akuchile, atohele, ni kuwahilila mu upeme we unene.

Nehemia 9:25 Iomraidhean Croise

1 Yitanga Ya Mianangana 14:9

Yena walinga chibi kuhiana waze akuliangilile. Hiunangulitunu ni kunguvwisa ufwatulo ni kufula mahamba a mazambi eka.

1 Yitanga Ya Mianangana 8:66

Ha tangwa lia muchinake, mwanangana yashika Aisraele. No eswe yaamuchichimieka, mba yaaya ku membo jo ni uwahililo mumu te Mwene Zambi hawahisa kavumbi kenyi David ni atu jenyi Aisraele.

Nehemia 9:35

Yena yiuwahisa mianangana waze ayulile atu je, yiwaaha chifuchi chinene cha chinuno atwame mo, alioze keehukile ko yitanga yo yibi, kaakulingilile ko.

Miaso (Masamu) 105:44

Zambi yaaha yifuchi ya mavungu akwo, yaatayiza kutambwola minda yo.

Miaso (Masamu) 65:11

Ku utu we wakwimisa mbuto yinji! Kweswako mwoya mihuko yinji yakubwa ko.

Yishima 30:9

Nyi nabwa ni yuma yinji, tangwa likwo mungulituna yena. Alioze nyi nabwa chiswale tangwa likwo mungwiya yuma ni kuvwisa yena Zambi sonyi.

Izaya 6:10

Mba yangwamba ngwenyi: “Kalisa mbunge ja atu wano, matwi jo ajike, meso jo afukiwe, hanga achine kumona, hanji kwivwa, chibwe kunyingika. Nyi ka, matewuluka kuli yami ngwawuke.”

Izaya 63:7

Mungwambujola zango lia Mwene Zambi lize kulishi kuhwa, mungumuhalisa ha yuma yeswe yize hanatulingila. Hanawahisa vungu lia Israele mumu ha keke yenyi ni zango lize kulishi kuhwa.

Jeremia 2:7

Yingwaneha mu chifuchi cha chinuno, ni kuwahilila ni mihuko yami ni yuma yikwo yibema. Alioze chifuchi chize naahele; yaachibihisa, yaachipwisa chamokomoko.

Jeremia 31:14

Mungukayukisa mahako ni yakulia ya maji, atu jami maakuta ni yakulia yami yibema. Yami Mwene Zambi nachamba.”

Jeremia 32:23

Alioze muze haanjila mo, haachizuka, kononokene ko ku Shimbi je hanji kufunga longeso lie; kaalingile ko nichimwe cha yuma yize waalwezele. Kashika yiwaamwesa lamba lino lieswe.

Ezekiel 20:6

Ha tangwa lize nalishingile ni kwatuhwisa mu Egiptu, ni kwatwala ku chifuchi chize naatongwelele, chifuchi chibema chahiana cha ubite ni chinuno.

Daniel 11:24

Makanjila mu chimwe chifuchi cha ubite unji ni kwatungumuna, makalinga yuma yize tushakulu twenyi kaalingile ko. Mba makapangila yuma yize abubile mu jita ni atu jenyi. Makalulika kutambula membo akukoleka, alioze matangwa jenyi maakahwa nikawashi.

Hosea 13:6

Alioze muze hinwanjila mu chifuchi chibema, hinwalia, hinwakuta, henaho yinubutuka kulengumuka ni kunguvulama.

Hosea 3:5

Alioze tangwa kumulikeza lize Aisraele maakahiluka nawa kuli Mwene Zambi, Zambi yo, ni kuli umwe wa ku vungu lia David mwanangana wo. Mba maakalemesa Mwene Zambi ni kutambula yawana yenyi yibema.

A-ROMA 2:4

Hanji unalelesa kulumbama cha utu wa Zambi, ni uhumikizo ni uhomboloji wenyi, nyi? Kuwanyingikine ngwe, utu wa Zambi unatambe kukutwala ku kwalumuka cha mbunge ye, nyi?

Shimbi 3:5

Membo wano eswe abwile akukoleka ni yipanga yisuku, ni yajilo ni mitondo ya kuyikashila nayo. Yitutambula nawa yihunda yikwo yinji yize kuyishi yipanga.

Shimbi 32:13

“Yatayiza kutwama ha milundu, no yaalia yize yakutatuka mu minda. Yaawana wuchi wa mu yambu mu mawe. Mitondo yo ya olive yiima kanawa ha mavu a mawe.

Shimbi 32:14

Ngombe jo ni pembe jo yaabwa ni yamwa yinji; yaabwa ni mapanga, ni pembe, ni ngombe abema kuhiana, ni tiriku ni vinyu yibema yihiana.

Shimbi 32:15

“Atu ja Mwene Zambi yaabwa pichi, alioze yaabwa yihulia. Yaatohwa mumu ha kulia chinji. Yeehuka Zambi tangi yo, yaalituna chilamwina cho mukwa ndundo.