Nehemia 9:24 - Mukanda Wa Zambi 1970

²⁴ Yaakumba chifuchi cha Kanana; yiuzeyesa atu waze abwile mo. Atu je yiwaaha tachi jakulinga ni atu ni mianangana a mu Kanana yize apalile.

MUKANDA USANDU WA ZAMBI 1975

²⁴ Chocho e ana anjilile ni kuzuka chifuchi, ni yena wazeyesele enya chifuchi kumeso jo, ngwami, A-Kanana; waakunjikile mu moko jo hamwe ni mianangana jo ni mavungu a chifuchi akalinge no cheswacho azangile.

Nehemia 9:24 Iomraidhean Croise

1 Sango Ja Mianangana 22:18

Yamba ngwenyi: “Mwene Zambi, Zambi yenu, kali hamwe ni yenu, hanwaha uhwimino sali ni sali. Hanangukwasa kukumba atu eswe a mu chifuchi chino, haliabwila haabwa yilolo jenu ni ja Mwene Zambi.

Estere 9:5

Chenacho Ayuda alingile kuli akwa kole jo chize cheswe chaabemenene. Yaashiha ni mikwale, yaanongesa.

Kwalula 14:31

Hinunambe ngwenu, ana jenu maakabwa funge, alioze mungukaatwala mu chifuchi chize hinunehuka. Muchikabwa chifuchi cho.

2 Timoteu 2:26

Mba maakatewuluka ku manyonga abema ni kukondolwela muheto wa Sakwonga, yoze waakwachile ni waabinjishile ha kulinga upale wenyi.

Yoshua 10:40

Yoshua yatambula chifuchi cheswe ni mianangana eswe: ku milundu, ni mu yana ya ku chivumbuko, ni ku mikandu ya ku chitokelo, ni mu chifuchi cha ku sude. Kukwasalile niumwe, yaashiha atu eswe, nikulita ni Shimbi ya Mwene Zambi, Zambi ya Aisraele.

Yoshua 11:23

Yoshua yatambula chifuchi cheswe ngwe chize Mwene Zambi ambile Mose Yoshua yachihana kuli Aisraele kubwa nicho, yaatetela cho kubwa chihinga cho, Chihanda chimuwika ku vungu ni vungu. Mba mu chifuchi yimuhola lume kuluu.

Yoshua 18:1

Muze te haakumba chifuchi, Chikungulwila cheswe cha Aisraele yaalikungulula ku limbo lia Shilo, yaajika ko zuwo lia Zambi lia makubu

Yoshua 21:43

Chenacho Mwene Zambi ahele Aisraele chifuchi chize alakenyene tushakulu two. Muze haachizuka, yaatunga mo.

Yoshua 21:45

Mwene Zambi yamanununa yilakenyo yeswe yize alakenyene Aisraele.

Akwa Kuyula 4:23

Ha tangwa lize Zambi yakwasa Aisraele kukumba Jabine, mwanangana wa Kanana;