Nehemia 9:19 - Mukanda Wa Zambi 1970

¹⁹ Alioze chibwe chocho muze mu puya kuweehukile ko, mumu ha keke ye yinji. Lelwa ni kahia yize yalifwa ngwe nguji kuwayichijile ko, yiwaasongwela ha mwalwa ni ufuku.

MUKANDA USANDU WA ZAMBI 1975

¹⁹ hindu mu keke ye yeka ni yeka kwaehukile mu puya. Nguji lia lelwa kuliaakatukile ha mwalwa mukwasongwela mu jila; chipwe nguji lia kahia ha ufuku mukwapangulwisa, ni kwalweza jila yize chaatamba kuya.

Nehemia 9:19 Iomraidhean Croise

Nehemia 9:12

Ha mwalwa yiwasongwela ni nguji lia lelwa ha ufuku yiwatemwina ni nguji lia kahia.

Nehemia 9:27

kashika yiutayiza akwa kole jo kwakumba ni kwayula. Mu lamba lio yaateta kuli yena, yena mwilu yiwaakumbulula. Ni keke ye yinji yiwaatumina miata waze aalamwinyine kuli akwa kole jo.

Nehemia 9:31

Chibwe chocho mumu ha keke ye yinji, yena kuweehukile ko, chibwe kwoonona. Yena uli Zambi ya utu ni keke!

Miaso (Masamu) 106:45

Yanyonga Usendo uze akolesele no, yalumuna mbunge yenyi mumu ha zango lienyi liahiana.

Miaso (Masamu) 136:16

Yasongwela atu jenyi mu puya, zango lienyi kulishi kuhwa nichimwe.

Kutuhuka 40:36

Aisraele te kaakukatuka ha musumba ni kuya, muze lelwa hiliazunduka ha zuwo lia Zambi.

Kutuhuka 40:38

Ufuku ni mwalwa Aisraele lelwa lize yaalimona ngwo: “Kuma Zambi kali mukachi ketu.” Ha mwalwa te liakusoloka ngwe lelwa helu lia zuwo lia Zambi. Ha ufuku mulibwa ngwe kahia. Chenacho chabwile mu wenyi wo weswe.

Izaya 44:21

Mwene Zambi ngwenyi: “Israele, iwuluka chino; iwuluka ngwe, yena uli kavumbi kami. Nakutangile kubwa kavumbi kami, chichi kakuvulama nichimwe.

Lungungu 3:22

Zango lia Mwene Zambi ni keke yenyi kuyishi kuhwa,

Ezekiel 20:14

Alioze chachilingile, mumu Chazangile ko kukolesa jina liami sonyi mukachi ka mavungu waze amwene chize nasongwelele Aisraele ni kwatuhwisa mu Egiptu.

Ezekiel 20:17

“Hindu yingwevwila keke; chaashihile muze mu puya.

Ezekiel 20:22

Alioze chachilingile, mumu Chazangile ko kukolesa jina liami sonyi hakachi ka mavungu waze amwene chize natuhwishile Aisraele mu Egiptu.

Daniel 9:18

Aa Zambi, tubanjike kama, tutale kama; umone yibikalo yize tuli nayo, ni lamba lia mu limbo lize alukile jina lie. Tunakulembe mumu yena uli mukwa keke, hi mumu ko twakulinga ni ululi.

Daniel 9:9

Yena wakutuvwila keke, wakutukonekena, chibwe yetu hitunakukatukila.

Malaki 3:6

“Yami nguli Mwene Zambi, Chishi kwalumuka. Kashika yenu vungu lia Yakoba, chanunongesene ko liakulu.

Kwalula 14:14

kumaachambulula kuli akwa chifuchi chino. Mumu Akanana haanevu kulu ngwo, yena Mwene Zambi uli hamwe ni yetu, twakukumona zwalala muze lelwa lie liakumana hali yetu. Haanevu nawa ngwo, yena wakutetekela kulutwe lietu mu lelwa lialifwa ngwe nguji ha mwalwa, ni mu kahia kalifwa ngwe nguji ha ufuku.

Shimbi 8:2

Iwulukenu ngwe chize Mwene Zambi, Zambi yenu anusongwelele mu wenyi uno miaka makumi awana mu puya hanga anuhombole, anweseke ni lamba lieka ni lieka, mba hanga anyingike mbunge jenu, nyi munufunga Shimbi jenyi, nyi ka.

1 Samuel 12:22

Mwene Zambi kechi kanwehuka yenu atu jenyi, mumu ha jina lienyi linene. Hananutongola ni kunupwisa atu jenyi mwene.