Nehemia 9:17 - Mukanda Wa Zambi 1970

¹⁷ Koononokene ko, keewulukile ko yilayi yeswe yize walingile hakachi ko. Mu kulengumuka cho yaatongola umwe tetekeli aahilwise nawa mu undungo mu Egiptu. Alioze yena uli Zambi yoze wakukonekena atu; uli mukwa utu ni zango, kuushi kutenuka nikawashi. Keke ye yili yinji, kuweehukile ko.

MUKANDA USANDU WA ZAMBI 1975

¹⁷ Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Nehemia 9:17 Iomraidhean Croise

1 Yitanga Ya Mianangana 6:13

Mungutwama mukachi ka Aisraele mu zuwo lino hiwatunga, chichi keehuka.”

1 Yitanga Ya Mianangana 8:57

Mwene Zambi, Zambi yetu, abwe hamwe ni yetu ngwe chize abwile hamwe ni tushakulu twetu, kanda atwehuka, kanda atuhichika nilimwe tangwa.

2 Sango Ja Mianangana 36:13

Zedekia yakatukila mwanangana Nebukanezore, yoze wamushingishile ni jina lia Zambi kumulingila kanawa. Yakwata pami, yalituna kuhiluka kuli Mwene Zambi, Zambi ya Israele.

Ezra 9:9

Twabwile ndungo, alioze yena kuwatayijile yetu kubwa no matangwa eswe. Yiulembejeka mwanangana atuvwile keke hanga tutwame ni mwono ni kutungulula zuwo lie lize abuzwile, ni kubwa mu uhwimino mu Yuda ni mu Yerusaleme.

Nehemia 9:31

Chibwe chocho mumu ha keke ye yinji, yena kuweehukile ko, chibwe kwoonona. Yena uli Zambi ya utu ni keke!

Miaso (Masamu) 106:13

Alioze yaavulama nikawashi yitanga yenyi, kaashimbwilile ko kuyula chenyi.

Miaso (Masamu) 106:7

Tushakulu twetu mu Egiptu kaanyingikine ko ulumbunwiso wa yikomokeso ya Zambi; yaavulama zango lize aalwezele yisuho yinji; mba ku kalunga lwiji Muchila yaakatukila Mwene Zambi, Mukwa Ndundo Jeswe.

Miaso (Masamu) 130:4

Alioze wakutukonekena milonga yetu, hanga tukulemese.

Miaso (Masamu) 78:10

Kafungile ko Usendo uze akolesele ni Zambi, yaakolema Shimbi jenyi.

Miaso (Masamu) 78:11

Yaavulama kwo yuma yize Zambi aalingilile, ni yitanga yenyi ya kukomwesa.

Miaso (Masamu) 78:38

Alioze Zambi yevwila atu jenyi keke. Yaakonekena shili yo, koonwene ko. Yalihumikiza no yisuho yinji, keevwilile ko ufwatulo.

Miaso (Masamu) 86:15

Alioze yena Mwene Zambi, uli Zambi ya keke ni zango; kuushi kutenuka nikawashi, alioze wakulweza atu utu, wakumanununa yeswe yize wakwamba.

Miaso (Masamu) 86:5

Mwene Zambi, yena wakutulinga kanawa, wakutukonekena; zango lie kulishi kuhwa kuli waze akukuwayila.

Kutuhuka 32:9

Mwene Zambi yambila nawa Mose ngwenyi: “Atu wano ngunaanyingika, haabwa ni mbunge jikalu.

Yishima 1:24

Hinanutambika, hinolola moko jami, alioze yenu kunusolo kubanjika.

Jeremia 18:15

Alioze atu jami haananguvulama; kaakwochela yitumbo ya vumba libema ku mahamba. Haanatalinga mu jila yize chaatamba kuya. Keeshi kwenda nawa mu majila akulu; alioze kaakwenda mu majila ja ayo ene mu milambo.

Jeremia 19:15

maliji ja Mwene Zambi Mukwa Ndundo Jeswe, Zambi ya Aisraele, ngwenyi: “Munguneha lamba heswe lize nambile ha limbo lino ni ha membo eswe akusulangana, mumu nuli akwa pami, kunushi kubanjika ku maliji jami.”

Jeremia 7:26

Chibwe chocho, niumwe hanabanjika hanji hanakanyama, alioze hinunabu yihulia ni akwa pami kuhiana tushakulu twenu.

Ezekiel 5:6

Alioze akwa Yerusaleme haakolema Shimbi jami, haalisolola yingulungulu kuhiana mavungu akwo. Haabwa yihulia kuhiana akwa yifuchi waze aajingilika. Akwa Yerusaleme kaatayijile kufunga yiyulo yami, haalituna kwononokena Shimbi jami.

Daniel 9:9

Yena wakutuvwila keke, wakutukonekena, chibwe yetu hitunakukatukila.

Joele 2:13

Kanda nutanuna mahina jenu; alioze Sololenu yinyengo ya mu mbunge.” Hilukenu kuli Mwene Zambi, Zambi yenu, mukwa utu ni mukwa keke. Kali chihumikiji, kakumanununa yilakenyo yenyi; matangwa eswe kakululika kukonekena, hi kumwesa ko lamba.

Alevi 26:44

Alioze chibwe chocho, muze achili mu chifuchi cha akwa kole jo, chichi keehuka liakulu hanji kwoonona. Nyi munguchilinga, mungushiha Usendo wami hamwe no, yami nguli Mwene Zambi, Zambi yo.

Nahume 1:3

Mwene Zambi keshi kutenuka nikawashi, alioze kali mukwa ndondo, keshi kusambisa waze anahi, nihakepe. Kuze anendela Mwene Zambi, kwakubalika chijimbi; malelwa kaakubwa fufuta ku yiliato yenyi!

Kwalula 14:11

Mwene Zambi yambila Mose ngwenyi: “Ndoo matangwa angahi atu wano maalitwamina kungukatukila? Shimbu lika atu wano maangufuliela? Hingunalingi yilayi yinji mukachi ko, hindu kenu.

Kwalula 14:41

Alioze Mose ngwenyi: “Mumu yika nwakukolemena Mwene Zambi? Talenu, kunuchi kaakumba!

Kwalula 16:14

Kuwatuhetesele mu chifuchi cha chinuno. Kuwatuhele minda ya mbuto ni ya vinyu kubwa chihinga chetu. Ni haliabwila unazange kutwonga. Kutuchi kwiza ko!”

Yilinga 7:39

“Alioze tushakulu kaatayijile ko kumuzeyela, yaalituna ye, yaazanga kuhiluka ku Egiptu,

A-ROMA 9:15

Mumu hanambila Mose ngwenyi: “Munguvwila keke yoze munguvwila keke. Munguvwila utu yoze munguvwila utu.”

Hebreu 12:25

Kanyamenu, kanda nulituna yoze unahanjika. Atu waze alitunyine yoze te wakwalweza liji lia Zambi hano hashi, yaamwesa lamba. Nyi Chenacho, tunyingikenu ngwetu, nyi mutwehuka Mukwa Mwilu yoze unatuhanjikila, ni yetu makatumwesa lamba liahiana.

1 Samuel 12:22

Mwene Zambi kechi kanwehuka yenu atu jenyi, mumu ha jina lienyi linene. Hananutongola ni kunupwisa atu jenyi mwene.