Nehemia 9:16 - Mukanda Wa Zambi 1970

¹⁶ Alioze tushakulu twetu yaalengumuka, yaakwata pami, kaafungile ko Shimbi je.

MUKANDA USANDU WA ZAMBI 1975

¹⁶ Alioze o tulamba twetu alengumukine; akwachile pami; kapanjikile ku shimbi je.

Nehemia 9:16 Iomraidhean Croise

1 MIANANGANA 17:14

Alioze koononokene ko; yaakalisa mbunge jo ngwe chize alingile tushakulu two, waze kafulielele ko Mwene Zambi, Zambi yo.

2 Sango Ja Mianangana 29:6

Tushakulu twetu avulumwine, yaalinga chize te Mwene Zambi, Zambi yetu, keshi kuzanga. Yaamwehuka, yoomba nyima kuma kuze te atwama Mwene Zambi.

2 Sango Ja Mianangana 30:8

Kanda nubwa akwa pami ngwe chize abwile ayo. Likunjikenu kuli Mwene Zambi. Tweyenu ku zuwo lia Zambi mu Yerusaleme, lize Mwene Zambi, Zambi yenu, hanalipwisa lia chijila ndoo ku miaka yeswe. Wayilenu Mwene Zambi, Zambi yenu, hanji machiza kama ufwatulo wenyi.

2 Sango Ja Mianangana 36:13

Zedekia yakatukila mwanangana Nebukanezore, yoze wamushingishile ni jina lia Zambi kumulingila kanawa. Yakwata pami, yalituna kuhiluka kuli Mwene Zambi, Zambi ya Israele.

Nehemia 9:10

Yiulinga yilayi ya kukomwesa ulimike ni mwanangana wa Egiptu; ulimike ni akwa kuyula ni atu a mu chifuchi chenyi, mumu yiunyingika chize ahungumionene atu je. Jina lie yilifumana, kuliafumana ndoo ni musono.

Nehemia 9:29

Yiwaakanyamisa ha kwononokena longeso lie, alioze mu kulengumuka cho yaalituna Shimbi je, chibwe Shimbi jize jakupwisa atu ni mwono. Akwa pami kanda akwa kukolema yaalituna kwoononoka.

Miaso (Masamu) 106:6

Twavulumwine ngwe chize alingile tushakulu twetu, tuli lume kwetu atu abi, yingulungulu.

Miaso (Masamu) 81:8

Yenu atu jami banjikenu ku kukanyamisa chami; yenu Aisraele ngwivwenu kama.

Kutuhuka 15:26

Yaamba ngwenyi: “Nyi mununguvwila yami Mwene Zambi yenu, ni kulinga chize chinalite ku meso jami, ni kufunga ni kutayiza yiyulo yami yeswe, chichi kunwaha yikola yize nahele akwa Egiptu. Nguli Mwene Zambi yenu, yoze wakunuwuka.”

Kutuhuka 32:9

Mwene Zambi yambila nawa Mose ngwenyi: “Atu wano ngunaanyingika, haabwa ni mbunge jikalu.

Yishima 29:1

Nyi wakukalisa mbunge tangwa lieswe lize akukukanjisa, limwe tangwa susumuku, makuwonda, kuuchi kuhinduka nawa nichimwe.

Izaya 48:18

“Mala! Nyi nwabanjikile kama Shimbi jami! Kachi nanuwahishile kuhiana ngwe lwiji yoze keshi kuma. Kachi nwakumbile kuhiana, ngwe chize miavu ya tachi yakulamba ku mbumbulu ya kalunga lwiji.

Izaya 48:4

Te hingunanyingika ngwami, yenu munubwa akwa pami, atu akalu lume.

Izaya 63:10

alioze yaamukatukila, yeevwisa Mwiku wenyi chinyengo. Kashika Mwene Zambi yalumuka mukwa kole yo, yalimika no.

Jeremia 19:15

maliji ja Mwene Zambi Mukwa Ndundo Jeswe, Zambi ya Aisraele, ngwenyi: “Munguneha lamba heswe lize nambile ha limbo lino ni ha membo eswe akusulangana, mumu nuli akwa pami, kunushi kubanjika ku maliji jami.”

Jeremia 2:31

Yenu Aisraele, banjikenu ku liji liami. Kuma hinabwa ngwe muya kuli yenu, ngwe chifuchi cha milima ni cha utoji, nyi? Mumu yika mba nwakwamba ngwenu, munulinga cheswacho chinanuwahila, kunuchikahiluka nawa nichimwe kuli yami?

Jeremia 7:26

Chibwe chocho, niumwe hanabanjika hanji hanakanyama, alioze hinunabu yihulia ni akwa pami kuhiana tushakulu twenu.

Ezekiel 5:6

Alioze akwa Yerusaleme haakolema Shimbi jami, haalisolola yingulungulu kuhiana mavungu akwo. Haabwa yihulia kuhiana akwa yifuchi waze aajingilika. Akwa Yerusaleme kaatayijile kufunga yiyulo yami, haalituna kwononokena Shimbi jami.

Yilinga 7:51

“Yenu akwa pami. Mu kunyonga chenu ni kwivwa chenu nuli ngwe waze kaanyingikine Zambi. Matangwa eswe nwakulituna Mwiku wa Linanga, ngwe tushakulu twenu.

A-ROMA 2:5

Alioze mbunge yikalu ukwete. Kuusolo kwalumuka. Kashika wakulitulikila lamba liahiana ha tangwa lize Zambi makasolola utenu wenyi wa ululi,

Shimbi 31:27

Ngunanyingika pami jo ni kukolema cho. Haanalimika ni Mwene Zambi ha matangwa eswe a mwono wami, kumaakalimika nenyi kuhiana muze hinafwa.

Shimbi 32:15

“Atu ja Mwene Zambi yaabwa pichi, alioze yaabwa yihulia. Yaatohwa mumu ha kulia chinji. Yeehuka Zambi tangi yo, yaalituna chilamwina cho mukwa ndundo.

Shimbi 5:29

Nyi matangwa eswe maalinga kama ngwe chino nikufunga Shimbi jami jeswe, kachi ayo ni vungu lio, kumaakawaha ku miaka yeswe.

Shimbi 9:13

“Mwene Zambi yangwamba nawa ngwenyi: ‘Tala hinamona atu wano, kaali atu akalu.

Shimbi 9:27

Iwuluka tuvumbi twe Abrahama, ni Isake, ni Yakoba. Kanda walula kama uhulia, ni ungulungulu, ni shili ya Aisraele.

Shimbi 9:6

Kashika nyingikenu ngwenu, Mwene Zambi kechi kunwaha chifuchi chino cha chinuno mumu nuli akwa ululi. Ka, nuli akalu.

Hebreu 3:13

Alioze tangwa ha tangwa litakamisenu ni akwenu, hanga shili kuyichi kwonga niumwe hakachi kenu, kuchina makalisa mbunge yenyi. Matangwa eswe muze munwivwa ngwo: “musono,” chanutamba kulishinjila ni akwenu.

Hebreu 3:15

“Musono, nyi munwivwa liji liami, kanda nukalisa mbunge jenu ngwe chize nwalingile hatangu muze nwalitunyine yami, Chenacho anambe Zambi.”