Nehemia 9:15 - Mukanda Wa Zambi 1970

¹⁵ “Muze evwile zala, yiwaaha mbolo ya mwilu, muze evwile pwila, yiwaaha meya a mu liwe. Yiwaalweza atambule chifuchi chize waalakenyene.

MUKANDA USANDU WA ZAMBI 1975

¹⁵ Mwilu waatumine mbolo ha zala yo; ku liwe waachijile meya ha pwila yo. Waatumine anjile nikutambula chifuchi chize yena hiwalishinga kwaaha.

Nehemia 9:15 Iomraidhean Croise

Ubutukilo 14:22

Alioze Abrama ngwenyi: “Ni Zambi Mwilu Mwahiana, yoze watangile yuma yeswe,

Nehemia 9:20

Mu utu ye yiwaalweza chize chaatamba kulinga; yiwalisa mana, yiwaaha meya a kunwa.

Miaso (Masamu) 114:8

Zambi yoze wakwalumuna mawe abwe yitende ya meya ni njiji.

Kutuhuka 16:4

Mwene Zambi yambila Mose ngwenyi: “Haliabwila mungununokesela mbolo ya kwilu. Tangwa ha tangwa akatuhwoka ni kwanda yakulia yinalite ni tangwa limuwika. Mba mungweseka ngwatale nyi maafunga Shimbi jami.

Kutuhuka 17:3

Alioze atu yeevwa pwila yinji, yaaketeka Mose ngwo: “Mumu yika watutuhwishile mu Egiptu? Watunehene muno hanga tufwe ni pwila, ni ana jetu, ni yimuna yetu, nyi?”

Kutuhuka 17:6

Mungumana kulutwe lie ha limwe liwe ha mulundu wa Sinai. Muumulamba ha liwe, mba meya maatuhuka, hanga atu anwe.” Mose yalinga Chenacho ku meso ja miata ja Aisraele.

Kutuhuka 6:8

Mungunutwala mu chifuchi chize nalakenyene Abrahama, ni Isake, ni Yakoba. Mungukanwaha cho, kumuchikabwa nichenu. Yami nguli Mwene Zambi.’ ”

Izaya 48:21

Muze atwalile mu puya keevwile ko pwila, yaasela meya mu liwe; yabula liwe, mba meya yaapukumuka.

Jeremia 32:23

Alioze muze haanjila mo, haachizuka, kononokene ko ku Shimbi je hanji kufunga longeso lie; kaalingile ko nichimwe cha yuma yize waalwezele. Kashika yiwaamwesa lamba lino lieswe.

Ezekiel 20:15

Mba muze mu puya yingwolola kwoko liami nikulishinga ngwami, chichi kaatwala mu chifuchi chize naahele, chifuchi chibema chahiana cha ubite ni chinuno.

Kwalula 14:30

Hingunanulakenya ha kutwama mo, alioze niumwe wa kuli yenu makatwama mo shina lume Kaleba ni Yoshua.

Shimbi 1:8

Chino cheswe chili chifuchi chize yami Mwene Zambi nalakenyene tushakulu twenu Abrahama, ni Isake, ni Yakoba, ni kuli mavungu jo. Yeenu nukachihinge.’ ”

Shimbi 8:3

Yanuhombola, yanuvwisa zala, yanwaha mana ha kulia, yakulia yize yenu chibwe tushakulu twenu haanga te kanda nuchiyilia kama. Yachilinga ha kunulongesa ngwenyi, mutu kahashile kubwa ni mwono ku mbolo wika, alioze ku maliji eswe waze akuhanjika Zambi.