Nehemia 9:14 - Mukanda Wa Zambi 1970

¹⁴ Yiwaalweza ha kufunga matangwa je a kuhwima a chijila, yiwambila kavumbi ke Mose alweze atu Shimbi je.

MUKANDA USANDU WA ZAMBI 1975

¹⁴ Waanyingikishine Sambata ye yisandu; waatuminyine maliji, ni yiyulo, ni shimbi ku kwoko lia Mose kavumbi ke.

Nehemia 9:14 Iomraidhean Croise

Ubutukilo 2:3

Neye yawahisa tangwa lize, yalipwisa lia chijila, mumu ha tangwa lize yanama ku milimo yenyi.

Nehemia 1:8

Iwuluka kama liji lize wambile kuli Moze ngwe: ‘Nyi yenu Aisraele mununguvulumuna, yami mungunumwangina mukachi ka mavungu eka.

Nehemia 10:32

Mutubwa nikuhana grame jitano ja mbongo ja prata milambu ya mu zuwo lia Zambi mwaka ha mwaka.

Kutuhuka 16:23

Mba Mose ngwenyi: “Mwene Zambi hamba chino: ‘Hamene lili tangwa lia kuhwima, tangwa lia chijila lia Mwene Zambi. Musono ochenu yakulia yize nunazange kwocha, ni telekenu yize nunazange kuteleka. Yize muyisala, nuyitulike ya kulia hamene.’ ”

Kutuhuka 16:29

Nyingikenu ngwenu, yami Mwene Zambi hinanwaha tangwa lia kuhwima. Kashika, ha tangwa lia muchisambano nakunwaha yakulia ya matangwa aali. Mutu mweswe akatwame ku zuwo ha tangwa lia muchishimbiali, kanda akahichika zuwo lienyi.”

Kutuhuka 24:12

Mwene Zambi yambila Mose ngwenyi: “Kanduka kuli yami ha mulundu, hanga ngukwehe mawe waze hinasoneka Shimbi ja kulongesa atu jami.”

Ezekiel 20:11

Yingwaha Shimbi jami ni yiyulo yami, yize yakupwisa ni mwono mweswawo wakuyononokena.

Ezekiel 20:12

Yingwaha matangwa a kuhwima abwe chilayi hakachi ka yami ni ayo, ha kwewuluka ngwami, kuma yami Mwene Zambi naapwishile akwa kulinanga.

Ezekiel 20:20

Tangwa lia kuhwima lipwisenu lia chijila, hanga chibwe chilayi cha Usendo uze twakolesele, ni kunwiwulula ngwo, yami nguli Mwene Zambi yenu.’

Alevi 19:3

Mweswe wa kuli yenu alemese tato ni naye, chatamba kufunga tangwa lia kuhwima lize nanuhele Shimbi. Yami nguli Mwene Zambi, Zambi yenu.

Alevi 27:34

Jino jili Shimbi jize Mwene Zambi ahanyine kuli Mose, ha mulundu wa Sinai, mumu hali Aisraele.

Yoano 1:17

Zambi hanatwehe Shimbi ku kwoko lia Mose, alioze utu ni umwenemwene hiyineza muli Yesu Kristu.

Shimbi 4:45

Chino chabwile muze haanatuhuka kulu mu chifuchi cha Egiptu, te kaali mu chikulo cha lwiji Yordau ku sali lia chivumbuko, hatalanganyi ni limbo lia Betepeore, mu chifuchi cha mwanangana Sihone wa Aamore, yoze te wakuyula mu limbo lia Heshbone. Mose ni Aisraele yaamukumba muze atuhukile mu Egiptu.

Shimbi 4:5

“Kutala! Nanulongesele Shimbi jeswe, ngwe chize Mwene Zambi, Zambi yami, angulwezele. Nujifunge mu chifuchi chize nunambe kunjila ni kuchizuka.

Shimbi 5:31

Alioze yena Mose, sala hano ni yami, hanga ngukwehe Shimbi ni yiyulo yami yeswe. Yilongese kuli atu, hanga ayifunge mu chifuchi chize ngunaahe.’