Nehemia 9:11 - Mukanda Wa Zambi 1970

¹¹ Yiumisa kalunga lwiji kulutwe lio yiwasongwela ndusu mu kalunga lwiji hashi homu. Yiukonga waze aakawile mu meya asuku ngwe liwe mu meya a tachi.

MUKANDA USANDU WA ZAMBI 1975

¹¹ Wapulile kalunga-lwiji kulutwe lio, chocho apalikile ndusu mu kalunga-lwiji hashi homu. Akwa kwakaula waanyashine mu meya asuku ngwe kakumbila liwe mu meya a tachi.

Nehemia 9:11 Iomraidhean Croise

Miaso (Masamu) 66:6

Yomisa meya, mba tushakulu twetu yaazauka hashi homu. Kwenako twawahililile mumu ha yize alingile.

Miaso (Masamu) 78:13

Yahandununa meya a kalunga lwiji, yaazawisa, yalumbika meya ngwe chipanga.

Kutuhuka 14:14

Mwene Zambi mwe manwashila jita, yenu kunuchi kulinga nichimwe.”

Kutuhuka 14:25

Yakalisa molu ja matemba jo, hanga eche kwenda kanawa. Akwa Egiptu yaamba ngwo: “Tuchinenu Aisraele, mumu Mwene Zambi kanaashila jita.”

Kutuhuka 14:29

Alioze Aisraele yeenda hashi homu ha kuzauka kalunga lwiji, meya yaabwa ngwe yipanga sali ni sali.

Jeremia 32:20

Ku shakulu walingilie yilayi ni yikomokeso mu Egiptu; kuwakuyilinga ndoo ni musono uno mu Israele ni mukachi ka mavungu akwo. Kashika haliabwila atu haakunyingika kweswe.

1 Korintu 10:1

Akwetu, ngunazange nwiwuluke sango ja tushakulu twetu, waze te akukaula Mose. Eswe yaafunga mushi lia lelwa. Eswe yaazauka kalunga lwiji Muchila.

Hebreu 11:29

Ku ufulielo Aisraele yaazauka kalunga lwiji Muchila hashi homu. Muze Aegiptu esekele kwakaula, eswe yaafwa mu meya.

Usolwelo 18:21

Mba kanganda ka mwilu umuwika yanda liwe linene liahiana, yalimbila mu kalunga lwiji, ngwenyi: “Chenacho makanyasa limbo linene Babilone hashi ni tachi, kulichi kamoneka nawa nichimwe.