Nehemia 9:10 - Mukanda Wa Zambi 1970

¹⁰ Yiulinga yilayi ya kukomwesa ulimike ni mwanangana wa Egiptu; ulimike ni akwa kuyula ni atu a mu chifuchi chenyi, mumu yiunyingika chize ahungumionene atu je. Jina lie yilifumana, kuliafumana ndoo ni musono.

MUKANDA USANDU WA ZAMBI 1975

¹⁰ Walingile yilayi ni yikomokeso hali Falau ni hali ngamba jenyi eswe, ni hali atu eswe a chifuchi chenyi mumu wanyingikine chize alivwimbile kulimika ni ana je. Jina lie liafumanyine ngwe linafumana tangwa lia musono.

Nehemia 9:10 Iomraidhean Croise

Nehemia 9:16

Alioze tushakulu twetu yaalengumuka, yaakwata pami, kaafungile ko Shimbi je.

Nehemia 9:29

Yiwaakanyamisa ha kwononokena longeso lie, alioze mu kulengumuka cho yaalituna Shimbi je, chibwe Shimbi jize jakupwisa atu ni mwono. Akwa pami kanda akwa kukolema yaalituna kwoononoka.

Miaso (Masamu) 83:18

Anyingike ngwo, yena wika uli Mwene Zambi, uli mwanangana wa akwa hashi eswe.

Kutuhuka 18:11

Haliabwila mba hinanyingika ngwami, Mwene Zambi kanahiana mazambi akwo eswe, mumu halamwina atu jenyi Aisraele, chibwe shili ya akwa Egiptu yahianyine naye.”

Kutuhuka 3:20

Alioze mungukalamba akwa Egiptu ni ndundo, ni kwalweza yilayi yize mungukalinga ko. Mba mwanangana makanwecha nukaye.

Kutuhuka 5:2

Mwanangana ngwenyi: “Mwe Mwene Zambi kali iya? Mumu yika Changutamba kumwivwa ni kwecha Aisraele kuya? Mwene Zambi yoze, yami chamunyingikine, chahashile kwaha Aisraele jila ha kuya.”

Kutuhuka 7:1

Mwene Zambi ngwenyi: “Ngunakupwisa ngwe Zambi ku meso ja mwanangana, mba yayenu Arone makahanjika nenyi ngwe mukwa munanyi we.

Kutuhuka 9:16

Alioze nakwechele ni mwono hanga umone ndundo jami, hanga lufuma wami akafumane hashi heswe.

Izaya 42:20

Israele, hiwamona yuma yinji, alioze kuwayibalile. Ukwete matwi akuvwila, alioze kuwabanjikile.”

Izaya 63:12

Yolihi Mwene Zambi, yoze walingile yuma yinji ya ndundo ya kukomwesa ni kwoko lia Mose? Wahandunwine meya a kalunga lwiji, ni kusongwela atu jenyi azauke. Wafumanyishine jina lienyi ku miaka yeswe.” Mwene Zambi, yaasongwela, kashika yiliato yo yabwile ngwe ya tuvwalu, kaatalingile ko nichimwe.

Izaya 63:14

Ngwe chize atu akusongwela ngombe ku chikulo cha chinuno, Chenacho Mwiku wa Mwene Zambi wahwimishine atu jenyi. Yasongwela atu jenyi nikufumanyisa jina lienyi.

Jeremia 32:20

Ku shakulu walingilie yilayi ni yikomokeso mu Egiptu; kuwakuyilinga ndoo ni musono uno mu Israele ni mukachi ka mavungu akwo. Kashika haliabwila atu haakunyingika kweswe.

Ezekiel 20:9

Alioze chachilingile, mumu Chazangile ko kukolesa jina liami sonyi, mumu ku meso ja atu waze aabichile yingulweza Israele ngwami, mungwatuhwisa mu Egiptu.

Daniel 4:37

“Haliabwila yami, Nebukanezore, ngunachichimieka ni kufumanyisa Mwanangana wa Mwilu. Yuma yeswe yize akulinga yili yamwenemwene ni yinalite. Mahasa kuhetamisa mweswawo wakwenda ni kulengumuka.”

Daniel 5:23

Yinulimika ni Mwene Zambi ya Mwilu muze nwanehene misenge ni yenga yize achijile mu zuwo lienyi ku Yerusaleme. Yenu, ni alemu jenu, ni miazovu jenu, ni mapwo akwo yinunwina mo, ni kufumanyisa mazambi jenu akulinga ni oru, ni prata, ni unengu, ni utale, ni mitondo, ni mawe, waze keeshi kuhasa kumona chibwe kubanjika, ni waze kaanyingikine nichimwe. Alioze kunwalemesene ko Zambi yoze wakunubatwila kubwa ni mwono hanji kufwa, ni yoze wakunuyula mu yuma yeswe yize nwakulinga.

Daniel 9:15

“Aa Mwene Zambi, Zambi yetu, wasolwele ndundo je muze watuhwishile atu je mu Egiptu, twakujiwuluka ndoo ni musono. Twavulumwine, twalingile yibi.

Yilinga 7:36

Mwenawo mwe watuhwishile nikulinga yipupu ni yilayi mu Egiptu, ni mu kalunga lwiji Muchila, ni mu puya miaka makumi awana.

A-ROMA 9:17

Mu Mukanda wenyi, Zambi yambila mwanangana wa Egiptu ngwenyi: “Hingunakupwisa mwanangana ha kusolola ndundo jami muli yena, nawa hanga jina liami alinyingike hashi heswe.”

Shimbi 4:34

Kwali umwe zambi yoze haneseka kama kuchiza atu mukachi ka chifuchi chikwo ni kwapwisa atu jenyi mwene, ngwe chize Mwene Zambi, Zambi yenu, anuchijile mu Egiptu, nyi? Yasolola ndundo jenyi ku meso jenu, yamwesa atu lamba ni misongo yikalu ni jita, yalinga yikomokeso, ni yilayi, ni yuma ya kuvwisa mwongo.

Shimbi 7:19

Iwulukenu misongo yibi ya akwa Egiptu, ni yilayi, ni yikomokeso, ni ndundo ja Mwene Zambi, Zambi yenu, jize anutuhwishile najo. Ngwe chize anongesele akwa Egiptu, Chenacho nawa makanongesa atu wano nunevwila woma musono.

1 Petulu 5:5

Chimuwika nawa, ni yenu akweze, Zeyelenu kuli makulwana jenu. Ni yenu eswe likehesenu ha kulilingila ni akwenu. Mumu Mukanda wa Zambi unambe ngwo: “Zambi kakulimika ni akwa kulengumuka, alioze kakulweza utu kuli akwa kulikehesa.”