Nehemia 8:8 - Mukanda Wa Zambi 1970

⁸ Yaatanga zwalala mukanda wa Shimbi ja Mwene Zambi, yaaulumbununa hanga atu evwe kanawa.

MUKANDA USANDU WA ZAMBI 1975

⁸ Yatanga mu mukanda, mu shimbi ja Zambi zwa, nikulumbununa hanga kutanga chikaalumbunuke.

Nehemia 8:8 Iomraidhean Croise

1 MIANANGANA 23:2

No yaaya ku zuwo lia Zambi, hamwe ni mahako ni akwa munanyi ja Zambi ni atu akwo eswe pichi ni yiswale. Ku meso ja atu mwanangana yatanga mukanda weswe wa Usendo uze te haawana mu zuwo lia Zambi.

Ezra 4:18

“Mukanda uze nunakatuma haangutangila wo ni haangulumbunwina wo.

Nehemia 8:12

Mba atu eswe yaahilwoka ku mazuwo jo, yaahaha, yaanwanwa ni uwahililo, yaalianyino yakulia yo ni yiswale, mumu evwile kanawa ulumbunwiso wa maliji waze.

Nehemia 8:7

Mba yaakatuka, yaamana kikilii homa lio. Alevi wano yaalumbunwina Shimbi ja Zambi: Yeshua, ni Bani, ni Sherebia, ni Jamine, ni Akube, ni Shabetai, ni Hodia, ni Maseya, ni Kelita, ni Azaria, ni Jozabade, ni Hanane, ni Pelia.

Nehemia 8:9

Muze atu heevwa ulumbunwiso wa mukanda wa Shimbi, eswe yaabutuka kulila. Kashika mwe mukwa kuyula Nehemia, ni hako Ezra kanda longeshi ya Shimbi, ni Alevi waze alumbunwine we mukanda yaamba ngwo: “Akwetu, lino lili tangwa lia chijila lia Mwene Zambi, kashika kuchanutambile kunenganyana ni kulila.

Nehemia 9:3

Akwa lutwe yaatangila Aisraele Shimbi ja Mwene Zambi, Zambi yo, ola jitatu. Mba atu yaashikisa milonga yo ni kuwayila Mwene Zambi, Zambi yo, ola jikwo jitatu.

Ezekiel 46:10

Mwe mwanangana mukwa kuyula chamutamba kunjilila muze atu maakanjilila, ni kutuhuka muze ayo maakatuhukila.

Habakuke 2:2

Mba Mwene Zambi yangukumbulula ngwenyi: “Usolwelo uze hinakulweza usoneke ha tujolo (briki) ya mavu, mba hanga ahase kuutanga kanawa.

Luka 24:27

Mba Yesu yaalumbunwina Mukanda wa Zambi weswe hakutwala kuli iye mwene, butu ku Mikanda ya Mose ndoo ku mikanda yeswe ya akwa munanyi a Zambi.

Luka 24:32

No yaalihanjikisa ngwo: “Mbunge jetu kujevwile kahia muchima lietu muze te anatuhanjikisa mu jila ni kutulumbunwina Mukanda wa Zambi, nyi?”

Luka 24:45

Mba yaakwasa hanga anyingike Mukanda wa Zambi,

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.