Nehemia 8:7 - Mukanda Wa Zambi 1970

⁷ Mba yaakatuka, yaamana kikilii homa lio. Alevi wano yaalumbunwina Shimbi ja Zambi: Yeshua, ni Bani, ni Sherebia, ni Jamine, ni Akube, ni Shabetai, ni Hodia, ni Maseya, ni Kelita, ni Azaria, ni Jozabade, ni Hanane, ni Pelia.

MUKANDA USANDU WA ZAMBI 1975

⁷ Mba Yeshua nawa, ni Mbani, ni Sherebia, ni Yamine, ni Akube, ni Shabetai, ni Hodia, ni Maseia, ni Kelita, ni Azaria, ni Jozabade, ni Hanane, ni Pelaia, ni A-Levi, o yalumbununa shimbi kuli e atu. Atu te kanamana kuma kwo.

Nehemia 8:7 Iomraidhean Croise

1 Yitanga Ya Mianangana 8:14

Muze te Aisraele anamana, Solomone yatewuluka kuli ayo, yaawahisa.

2 Sango Ja Mianangana 30:22

Mwanangana yachichimieka Alevi mumu ha mana jo ni kuwayila Mwene Zambi. Muze haalambula milambu matangwa shimbiali nikuchichimieka Mwene Zambi, Zambi ya tushakulu two,

2 Sango Ja Mianangana 35:3

Alevi, alongeshi ja Israele, waze te haakunjika kuli Mwene Zambi, yaaha Shimbi jino ngwenyi: “Senu mushete wa Usendo wa chijila mu zuwo lia Mwene Zambi lize atungile kuli mwanangana Solomone, mwana wa David. Hi kunuchikubwa nawa ni kututumba nawo, alioze chanutamba kulingila Mwene Zambi, Zambi yenu, ni atu jenyi Aisraele.

Ezra 8:18

Mba nikulita ni utu wa Zambi, yaatutumina umwe mukwa mana, Sherebia, Kalevi wa ku jimo lia Mali, hamwe ni ana jenyi ni usoko wenyi kumi ni nake.

Nehemia 11:16

Shabetai ni Jozabade, Alevi a lufuma, akwa milimo ku zuwo lia Zambi.

Nehemia 11:19

Tufunga twa zuwo lia Zambi: Akube, ni Talmone, ni e usoko wo, eswe 172.

Nehemia 12:33

Yikusula mahako wano aakawile nikwimba yitavwi; Azaria, ni Ezra, ni Meshulame, ni Yuda, ni Benjamine, ni Shemaya, ni Jeremia. Yikubwa nawa Zakaria, mwana wa Jonatane, mujikulu wa Shemaya. (Tushakulu twenyi akwo: Matania, ni Mikaya, ni Zakure wa ku jimo lia Asafe.)

Nehemia 3:17

Alevi wano yaatungulula yimwe yipinji ya chipanga cha mawe chize chasulile ko: Rehume mwana wa Bani yatunga Chipinji chize chasulile ko. Hashabia, mukwa kuyula wa Chihanda cha chota cha Keila, yatunga Chipinji chize chasulile ko mumu ha chifuchi chenyi.

Nehemia 3:19

Ezere mwana wa Jeshua, mukwa kuyula Mizpa, yatunga chize chasulile ko kulutwe lia zuwo lia yitwa ya jita, ndoo ku mbango ja che chipanga.

Nehemia 3:23

Benjamine ni Hashube yaatunga Chipinji chize chasulile ko, chize chabwile kulutwe lia mazuwo jo. Azaria, mwana wa Maseya mujikulu wa Anania, yatunga Chipinji chize chasulile ko, kulutwe lia zuwo lienyi.

Nehemia 8:12

Mba atu eswe yaahilwoka ku mazuwo jo, yaahaha, yaanwanwa ni uwahililo, yaalianyino yakulia yo ni yiswale, mumu evwile kanawa ulumbunwiso wa maliji waze.

Nehemia 8:4

Hako Ezra te kanamana ha chitamba cha mitondo chize alulikile mumu ha tangwa lize. Atu wano yaamanyina ku kwoko lia chindume: Matitia, ni Shema, ni Anaya, ni Uria, ni Hilkia, ni Maseya. Ku kwoko lienyi lia chimeso yikubwa: Pedaya, ni Mishaele, ni Malkija, ni Hashume, ni Hashbadana, ni Zakaria, ni Meshulame.

Nehemia 8:6

Hako Ezra yachichimieka Mwene Zambi, mwe Zambi munene. Atu eswe yaazundula moko jo helu, yaamba ngwo: “Chibwe kama Chenacho! Chibwe kama Chenacho!” Yaafulamana hashi, yaawayila Mwene Zambi.

Nehemia 8:8

Yaatanga zwalala mukanda wa Shimbi ja Mwene Zambi, yaaulumbununa hanga atu evwe kanawa.

Nehemia 9:3

Akwa lutwe yaatangila Aisraele Shimbi ja Mwene Zambi, Zambi yo, ola jitatu. Mba atu yaashikisa milonga yo ni kuwayila Mwene Zambi, Zambi yo, ola jikwo jitatu.

Nehemia 9:4

Kwabwile chitamba cha Alevi. Yeshua, ni Bani, ni Kadmiele, ni Shebania, ni Buni, ni Sherebia, ni Bani, ni Kenani yaamana ho, yaalemba kuli Mwene Zambi, Zambi yo, ni liji linene.

Alevi 10:11

Chanutamba kulongesa Aisraele Shimbi jeswe jize nahanyine kuli Mose.”

Malaki 2:7

Milimo ya mahako yili kulongesa yinyingi yamwenemwene ya Zambi. Atu chaatamba kuya kuli ayo hanga aalongese upale wami, mumu mahako kaali tunganda twa yami Mwene Zambi Mukwa Ndundo Jeswe.

Shimbi 33:10

Maakalongesa ana je ha kufunga Shimbi je. Maakalambula milambu ha chilumbilo che.