Nehemia 8:6 - Mukanda Wa Zambi 1970

⁶ Hako Ezra yachichimieka Mwene Zambi, mwe Zambi munene. Atu eswe yaazundula moko jo helu, yaamba ngwo: “Chibwe kama Chenacho! Chibwe kama Chenacho!” Yaafulamana hashi, yaawayila Mwene Zambi.

MUKANDA USANDU WA ZAMBI 1975

⁶ Ezera yahalisa Yehova mwe Zambi munene, ni atu eswe yakumbulula ngwo, Amene! Amene! nikuzundula moko jo. Yahetamisa mitwe yo nikuwayila Yehova nikufulamana hashi.

Nehemia 8:6 Iomraidhean Croise

Ubutukilo 14:22

Alioze Abrama ngwenyi: “Ni Zambi Mwilu Mwahiana, yoze watangile yuma yeswe,

Ubutukilo 24:26

Mwe lunga yahetama, yawayila Mwene Zambi

1 Sango Ja Mianangana 16:36

Chichimiekenu Mwene Zambi, Zambi ya Aisraele! Muchichimiekenu chize musono ndoo ku miaka yeswe! Mba atu eswe yaamba ngwo: “Chibwe kama Chenacho.” Yaahalisa Mwene Zambi.

1 Sango Ja Mianangana 29:10

Mwanangana David yasakwilila Zambi kulutwe lia Chikungulwila cheswe, ngwenyi: “Mwene Zambi, Zambi ya kashakulu ketu Yakoba, atu akuchichimieke ku miaka yeswe ni miaka yeswe!

1 Sango Ja Mianangana 29:20

Mba mwanangana David yambila atu ngwenyi: “Chichimiekenu Mwene Zambi, Zambi yenu!” Ni e atu eswe yaachichimieka Mwene Zambi, Zambi ya tushakulu two, yaafulamana, yaalemesa Mwene Zambi ni mwanangana.

2 Sango Ja Mianangana 20:18

Mba mwanangana Yehosafate, yakuka huma hashi, ni atu eswe yaafulamana hamwe nenyi, yaawayila Mwene Zambi.

2 Sango Ja Mianangana 29:10

“Haliabwila hinabatula kukolesa usendo ni Mwene Zambi, Zambi ya Aisraele, hanga kechi katuvwila nawa ufwatulo.

2 Sango Ja Mianangana 29:30

Mba mwanangana ni miata a chifuchi yaahana nawa Shimbi kuli Alevi ngwo, achichimieke Mwene Zambi ni miaso yize asonekene mwanangana David ni mukwa munanyi Asafe. Kashika eswe yeemba miaso ni uwahililo, yaasa makungunwa hashi, yaawayila.

2 Sango Ja Mianangana 6:4

Yaamba ngwenyi: “Chichimiekenu Mwene Zambi, Zambi ya Aisraele! Hafunga chilakenyo chenyi chize alakenyene tata David muze amwambile ngwenyi:

Nehemia 5:13

Mba yingulikukumuna hina lize te ngunazala mu zalilo yami ni kulizula. Yingwalweza ngwami: “Chenacho makalinga Zambi kuli yenu nyi kunuchi kufunga chilakenyo chenu. Zambi makatambula mazuwo jenu ni yuma yenu yeswe, makanukatwisa mokomoko.” Atu eswe waze te anamana ko yaamba ngwo: “Chibwe kama Chenacho!” Mba yachichimieka Mwene Zambi. Miata yaafunga yilakenyo yo.

Nehemia 8:7

Mba yaakatuka, yaamana kikilii homa lio. Alevi wano yaalumbunwina Shimbi ja Zambi: Yeshua, ni Bani, ni Sherebia, ni Jamine, ni Akube, ni Shabetai, ni Hodia, ni Maseya, ni Kelita, ni Azaria, ni Jozabade, ni Hanane, ni Pelia.

Miaso (Masamu) 134:2

Zundulenu moko jenu ni kuwayila mu zuwo lienyi, chichimiekenu Mwene Zambi!

Miaso (Masamu) 141:2

Tayiza kama kulemba chami ngwe mulambu wa yuma ya vumba libema, kuzunduka cha moko jami ngwe mulambu wa chingoloshi.

Miaso (Masamu) 28:2

Ngubanjike muze ngunatete, ungukwase muze ngunolola moko jami ku zuwo lie lia chijila.

Miaso (Masamu) 41:13

Tuhalisenu Mwene Zambi, Zambi ya Aisraele! Muchichimiekenu chize musono ndoo ku miaka yeswe! Chibwe kama Chenacho! Chibwe kama Chenacho!

Miaso (Masamu) 63:4

Mungukusakwilila matangwa eswe a mwono wami, munguzundwola moko jami ni kukuwayila.

Miaso (Masamu) 95:3

Mumu Mwene Zambi kali Zambi wa ndundo, kanahiana mazambi akwo eswe.

Kutuhuka 12:27

Nukaakumbulula ngwenu: ‘Uno uli mulambu wa chiwanyino cha Kubalika ha kulemesa Mwene Zambi, mumu yabalika mazuwo jetu, yatulamwina muze ashihile akwa Egiptu.’ ” Aisraele yaafulamana hashi, yaawayila Mwene Zambi.

Kutuhuka 4:31

E atu yaafuliela. Muze heevwa ngwo, Mwene Zambi heza ni kwanangisa ni hamona lamba lize akwa Egiptu anaamwesa, yaafulamana, yaawayila Zambi.

Jeremia 28:6

“Chamwenemwene, ni yami mwene che ngunazange. Yami nawa ngunazange Mwene Zambi achilinge. Ahilwise kama atu eswe atwalile mu undungo ku Babilonia ni yuma yeswe ya mu zuwo lia Zambi.

Lungungu 3:41

Tuhanenu mbunge jetu kuli Zambi mwilu ni kulemba ngwetu:

Alevi 9:24

Susumuku Mwene Zambi yatuma kahia, yikocha mulambu wa kwocha ni maji ha chilumbilo, yiuwema upu. Ha kuchimona, atu eswe yaakololoka, yaafulamana.

Mateu 26:39

Mba Yesu yasenya kulutwe, yafulamana hashi, yalemba ngwenyi: “Tata, nyi muchilita, unguchize kama musenge uno wa lamba. Hindu kanda chibwa ngwe chize ngunazange yami, alioze ngwe yena unazange.”

Mateu 6:13

Kanda ututwala kama ku yeseko yikalu, alioze tufunge kama kuli mwe Mubi’. (Mumu we Wanangana, ni je tachi, ni we uhenya, yeswe niye ndoo ku miaka yeswe. Chibwe kama Chenacho.)

1 Korintu 14:16

Muze unasakwila Zambi ni mbunge wika, ngwe kuchi yoze kanyingikine yize unahanjika mahasa kwamba ngwenyi: “Chibwe kama Chenacho,” ku kusakwila che? Kahashile kunyingika chize unambe.

Efesu 1:3

Tusakwililenu Zambi kanda Tato ya Mwene wetu Yesu Kristu! Hanatuwahisa mu kulinunga chetu ni Kristu ni kutwaha yiwape yeswe ya mwilu ya uzambi.

1 Timoteu 2:8

Ngunazange ngwami, malunga kweswe abwe ni kulemba, nikuzundwola moko ni kulemba ni mbunge ya kulinanga, hi ni utenu ko hanji hi ni mbunge ya kuyambashana ko.

1 Petulu 1:3

Tusakwilenu Zambi kanda Tato ya Mwene wetu Yesu Kristu! Ku keke yenyi yinji, yatwaha mwono walia ku uhindukilo wa Yesu Kristu ku kufwa. Kashika twakusa mbunge ku chihinga,

Usolwelo 7:11

Tunganda a mwilu eswe te kaanajingilika chitwamo cha wanangana, ni makulwana, ni akwa mwono awana. Mba yaafulamana kulutwe lia chitwamo cha wanangana, ni kuwayila Zambi.