Nehemia 8:4 - Mukanda Wa Zambi 1970

⁴ Hako Ezra te kanamana ha chitamba cha mitondo chize alulikile mumu ha tangwa lize. Atu wano yaamanyina ku kwoko lia chindume: Matitia, ni Shema, ni Anaya, ni Uria, ni Hilkia, ni Maseya. Ku kwoko lienyi lia chimeso yikubwa: Pedaya, ni Mishaele, ni Malkija, ni Hashume, ni Hashbadana, ni Zakaria, ni Meshulame.

MUKANDA USANDU WA ZAMBI 1975

⁴ Mba mukwa kusonyeka Ezera wamanyine ha chitamba cha mitondo hatunga ha milimo yenayo. Kwamanyine hamuwika nenyi Matitia, ni Shema, ni Anaia, ni Uriya, ni Hilekia, ni Maseia, ha chindume chenyi. Ha chimeso chenyi kwamanyine Pedaia, ni Mishaele, ni Malekia, ni Hashume, ni Hashabadana, ni Zekaria, ni Meshulame.

Nehemia 8:4 Iomraidhean Croise

2 Sango Ja Mianangana 6:13

Mwanangana te halinga kamenga ka unengu ni hamusa mukachi ka yiize. Kusuhwa chenyi metro jaali ni sentimetro makumi aali, unene wenyi metro jaali ni sentimetro makumi aali, chizundamo chenyi metro yimuwika ni sentimetro makumi atatu. Yanyina ha kamenga yoze, yasa makungunwa hashi ku meso ja atu eswe, mba yolola moko jenyi kwilu.)

Ezra 10:29

Jimo lia Bani: Meshulame, ni Maluke, ni Adaya, ni Jashube, ni Sheale, ni Jeremote.

Ezra 10:33

Jimo lia Hashume: Matenia, ni Matata, ni Zabade, ni Elifelete, ni Jeremai, ni Manase, ni Shimei.

Nehemia 11:5

Maseya, mwana wa Baruke, mujikulu wa Kolhoze. Tushakulu twenyi akwo: Hazaya, ni Adaya, ni Joyaribe, ni Zakaria, a ku vungu lia Shela mwana wa Yuda.

Nehemia 11:7

Akwa vungu lia Benjamine: Salu, mwana wa Meshulame, mujikulu wa Joede. Tushakulu twenyi akwo: Pedaya, ni Kolaya, ni Maseya, ni Itele, ni Jeshaya.

Nehemia 8:3

Kwe ku lwaze hehi ni chikolo Ezra yaatangila we mukanda wa Shimbi, chize ku chichamene ndoo ni tangwa ha muchima. Eswe yaabanjika kanawa.

Nehemia 8:5

Muze te hako Ezra anamana ha chitamba chisuku ku meso ja atu, ayo eswe yaamuhulikila meso. Muze habakula mukanda, ayo eswe yaakatuka.

Nehemia 9:3

Akwa lutwe yaatangila Aisraele Shimbi ja Mwene Zambi, Zambi yo, ola jitatu. Mba atu yaashikisa milonga yo ni kuwayila Mwene Zambi, Zambi yo, ola jikwo jitatu.

Nehemia 9:4

Kwabwile chitamba cha Alevi. Yeshua, ni Bani, ni Kadmiele, ni Shebania, ni Buni, ni Sherebia, ni Bani, ni Kenani yaamana ho, yaalemba kuli Mwene Zambi, Zambi yo, ni liji linene.

Mateu 23:2

“Alongeshi a Shimbi ni Afariseu haanatambula yilemu ya kulumbununa Shimbi ja Mose.