Nehemia 8:2 - Mukanda Wa Zambi 1970

² Mba hako Ezra yawanda, yauneha ku meso ja atu eswe: malunga, ni mapwo, ni akweze waze haakola.

MUKANDA USANDU WA ZAMBI 1975

² Sasendote Ezera yaneha shimbi kumeso ja chikungulwila, ni malunga ni mapwo, hanga eswe akevwe ni kusa chinyingi he ha tangwa litangu lia kakweji wamuchishimbiali.

Nehemia 8:2 Iomraidhean Croise

Nehemia 10:29

hitwalichinga hamwe ni miata jetu ha chikuma chino. Twalishinga ngwetu, mutufunga Shimbi ja Zambi, jize Zambi alwezele kavumbi kenyi Mose atulweze: Ngwetu: mutwononokena longeso lieswe lize Mwene Zambi, Zambi yetu matwamba: mutufunga Shimbi jenyi jeswe ni yiyulo yenyi yeswe.

Nehemia 13:1

Ha matangwa waze yaatanga Shimbi ja Mose ku meso ja atu eswe, yaatanga maliji wano ngwo, mukwa Amone ni mukwa Moabe niumwe mahasa kunjila mu Chikungulwila cha Zambi ndoo ku miaka yeswe.

Nehemia 8:18

Chize ku tangwa litangu lia chiwanyino ndoo ku tangwa ha kusula te kaakutanga Chihanda cha Shimbi ja Zambi. Yaafunga chiwanyino matangwa shimbiali. Mba ha tangwa ha muchinake yaalikungulula ha kumanununa chiwanyino, ngwe chize chasonewene.

Nehemia 8:9

Muze atu heevwa ulumbunwiso wa mukanda wa Shimbi, eswe yaabutuka kulila. Kashika mwe mukwa kuyula Nehemia, ni hako Ezra kanda longeshi ya Shimbi, ni Alevi waze alumbunwine we mukanda yaamba ngwo: “Akwetu, lino lili tangwa lia chijila lia Mwene Zambi, kashika kuchanutambile kunenganyana ni kulila.

Nehemia 9:1

Ha kakweji yoze mwene ha tangwa ha makumi aali ni awana, Aisraele yaakunguluka ni kulitwamina kulia nikusolola chinyengo cha milonga yo. Te haanalihandununa kulu kuli yilambala eswe. Yaazala mianji ni kulimwangina uto ha mitwe yo nikusolola yinyengo yo. Mba yaakatuka, yaabutuka kushikisa milonga yo ni yize ya tushakulu two.

Izaya 28:9

Kaakungunyenyeta. Kaakwamba ngwo: “Mutu yono kananyongo kulongesa iya? Iya unazange maliji jenyi? Shina lume ana akemba waze haasumuka!

Malaki 2:7

Milimo ya mahako yili kulongesa yinyingi yamwenemwene ya Zambi. Atu chaatamba kuya kuli ayo hanga aalongese upale wami, mumu mahako kaali tunganda twa yami Mwene Zambi Mukwa Ndundo Jeswe.

Kwalula 29:1

Ha tangwa litangu lia kakweji wa muchishimbiali chatamba kulikungulula ha kuwayila, kanda nukalinga ho mulimo niumwe. Ha lie tangwa alio lili tangwa lia kwimba yitavwi.

Yilinga 15:21

Mumu, chize ku miaka yikulu, atu kaakwambujola Shimbi ja Mose mu limbo ni limbo, kaakujitanga mu mazuwo ja kuwayila mu matangwa a kuhwima.’ ”

Shimbi 17:18

Muze habutuka kulinga milimo ya wanangana, akasoneka mukanda wa Shimbi ni longeso lia Zambi nikulita ni mukanda uze akufunga mahako ja Alevi.

Yoshua 8:35

Yoshua yatanga Shimbi jeswe ja Mose ku meso ja atu. Mu mbunga yimubwa mapwo, ni ana, ni njize waze te atwama mukachi ko.