Nehemia 8:17 - Mukanda Wa Zambi 1970

¹⁷ Atu eswe waze akatukile mu undungo yaatunga yikulika, yaatwama mo. Chino chabwile chisuho chitangu afungile chiwanyino chize, chize ku matangwa ja Yoshua mwana wa Nune. Atu eswe yaawahilila kuhiana.

MUKANDA USANDU WA ZAMBI 1975

¹⁷ Chikungulwila cha waze eswe hanakatuka ku unjize yatunga yisakila nikutwamamo, mumu chize ku matangwa a Yeshua mwana Nune ndo tangwa lienalio A-Izalele kachilingile. Kwapwile kulikwiza chinji.

Nehemia 8:17 Iomraidhean Croise

1 Sango Ja Mianangana 29:22

Ha tangwa lize yaalia, yaanwa ni uwahililo ku meso ja Mwene Zambi. Mba chisuho cha muchaali yambujola ngwo: “Solomone kali mwanangana.” Yamuwayisa maji mu jina lia Mwene Zambi abwe mwanangana ni Zadoke abwe hako.

2 Sango Ja Mianangana 30:26

Mu Yerusaleme yimubwa uwahililo unji, mumu te kanda mubwa kama chiwanyino ngwe chize, chize ku matangwa ja mwanangana Solomone, mwana wa David.

2 Sango Ja Mianangana 35:18

Te kanda abwa kama ni chiwanyino cha kubalika ngwe chize mu Israele, chize ku matangwa ja mukwa munanyi Samuel. Mwanangana mukwo niumwe kalingile ko chiwanyino ngwe chize alingile mwanangana Josia, ni mahako, ni Alevi, ni Ayuda ni Israele, ni akwa Yerusaleme.

2 Sango Ja Mianangana 8:13

Yalambula milambu ya kwocha nikulita ni Shimbi ja Mose ha tangwa heswe lia chijila: ha matangwa a kuhwima, ni ha yiwanyino ya Kakweji Mwaha; ni ya mwaka ha mwaka: yiwanyino ya Mbolo Yize Kuyishi Yitumbo, ni ya Kubatula Mbuto, ni ya Yikulika.

Ezra 3:4

Yaalinga chiwanyino cha Yikulika nikulita ni Shimbi; tangwa ha tangwa yaalambula milambu yize yinalite.

Yoano 1:14

Lie Liji yilialumuka mutu, yatwama mukachi ketu, mukwa utu ni umwenemwene. Yitumona uhenya wenyi unji, uhenya uze mwe Mwana hanatambula kuli Tato.

Shimbi 16:15

Nukalemesa Mwene Zambi, Zambi yenu, ha chiwanyino chino ha matangwa shimbiali homa hamuwika ha kuwayila. Nukawahilila mumu Mwene Zambi hanawahisa kwoka cha mbuto yenu ni milimo yenu.

Hebreu 11:13

Atu waze eswe yaafwafwa ni ufulielo. Kaatambwile ko yiwape yize aalakenyene Zambi, alioze yaayimona, yaayifuliela, muze te yichili kusuku. Yaamba ngwo: “Tuli kwetu lume yilambala ni njize hano hashi.”

Hebreu 11:9

Ku ufulielo yatwama ngwe njize mu chifuchi chize amulakenyene Zambi. Te kaakubomba mu zuwo liakutunga ni makubu; ni tata Isake ni tata Yakoba nawa chizechene. Zambi yaalakenya chilakenyo chimuwika.

Hebreu 4:8

Mumu, nyi Yoshua wahetesele Aisraele mu chifuchi cha uhwimino, kachi kulutwe Zambi kahanjikile ko nawa hakutwala ku tangwa likwo lia uhwimino.

Yoshua 1:1

Muze Mose, kavumbi ka Mwene Zambi, hafwa, Mwene Zambi yambila Yoshua, mwana wa Nune, chikwashi cha Mose, ngwenyi: