Nehemia 8:16 - Mukanda Wa Zambi 1970

¹⁶ Chenacho atu ayile ni kubatwola mitango, yaatunga yikulika ha mafulumba ja mazuwo jo, ni mu maaze jo, ni mu yiize ya zuwo ha Zambi, ni mu malwaza hehi ni chikolo cha Meya ni chikolo cha Efraime.

MUKANDA USANDU WA ZAMBI 1975

¹⁶ Chocho e atu yatuhuka, yayineha, yalitungila yisakila mutu mweswe ha fulumba lia zuwo lienyi, ni mu yize yenyi, ni mu yize ya zuwo lia Zambi, ni ha lwaza ku chikolo cha meya, ni ha lwaza ku chikolo cha Eframe.

Nehemia 8:16 Iomraidhean Croise

2 Samuel 11:2

Limwe tangwa ha chingoloshi, mwanangana yakatuka ha muhela wenyi, yakanduka ha fulumba. Muze te anendangana ho, yamona umwe pwo kanasane. Te mubema kuhiana.

1 MIANANGANA 14:13

Jehoashe yakwata Amazia, yaya nenyi ku Yerusaleme. Kwenako yabuzula chipanga cha limbo, chize ku chikolo cha Efraime ndoo ku chikolo cha Mbango, kusuhwa metro ngwe 200.

2 Sango Ja Mianangana 20:5

Ayo ni akwa Yerusaleme yaakunguluka mu yiize yaha ya zuwo lia Zambi. Mwanangana Yehosafate yamana kulutwe lio,

2 Sango Ja Mianangana 33:5

Mu maaze aali a zuwo lia Mwene Zambi yatunga mo yilumbilo ya kuwayila matongonoshi.

Nehemia 12:37

Ku chikolo cha Shima lia Meya, yaanyina ha ukandukilo wa ku Limbo lia David, yaahiana zuwo lia mwanangana David ndoo ni ku chikolo cha Meya ku chivumbuko cha limbo.

Nehemia 12:39

Katu kwenako yituhiana chikolo cha Efraime, ni cha Jeshana, ni cha Yishi, ni zuwo lisuku lia kukoleka lia Hananele, ni lia Kulakaji, ni ndoo ku chikolo cha Mapanga. Kwenda chetu yichisulila ku chikolo cha zuwo lia Zambi.

Nehemia 8:1

Ha kakweji wa muchishimbiali Aisraele eswe te haatwama kulu mu membo jo. Mba ha tangwa litangu lia kakweji ayo eswe yakunguluka mu limbo lia Yerusaleme, mu lwaza hehi ni chikolo cha Meya. Yaahula hako Ezra anehe mukanda wa Shimbi jize Mwene Zambi ambilile Mose alweze Aisraele.

Nehemia 8:3

Kwe ku lwaze hehi ni chikolo Ezra yaatangila we mukanda wa Shimbi, chize ku chichamene ndoo ni tangwa ha muchima. Eswe yaabanjika kanawa.

Jeremia 19:13

Mazuwo ja Yerusaleme ni ja Ayuda, ni mazuwo eswe haze akwochela yitumbo ya vumba libema ku matongonoshi ni haze akuzujila vinyu ya milambu kuli mazambi eka, ayo eswe kumaakabwa ngwe Tofete.”

Jeremia 32:29

ni kuliocha kahia. Kumaaliocha hamwe ni mazuwo ja waze haanangwihi ha kwochela Bale yuma ya vumba libema ha mafulumba, ni kuzujila vinyu kuli mazambi eka.

Shimbi 22:8

“Muze nunatungu zuwo haha, nukanyama ha kujingilika chipanga ha fulumba. Mba kunuchi kubwa ni mulonga nyi umwe makaholoka hanji makafwa.