Nehemia 8:12 - Mukanda Wa Zambi 1970

¹² Mba atu eswe yaahilwoka ku mazuwo jo, yaahaha, yaanwanwa ni uwahililo, yaalianyino yakulia yo ni yiswale, mumu evwile kanawa ulumbunwiso wa maliji waze.

MUKANDA USANDU WA ZAMBI 1975

¹² Mba atu eswe yaya akalie, akanwe, akatume yawana, akalikwize chikolo mumu maliji aze haambulwila yaalumbunuka.

Nehemia 8:12 Iomraidhean Croise

1 Sango Ja Mianangana 29:22

Ha tangwa lize yaalia, yaanwa ni uwahililo ku meso ja Mwene Zambi. Mba chisuho cha muchaali yambujola ngwo: “Solomone kali mwanangana.” Yamuwayisa maji mu jina lia Mwene Zambi abwe mwanangana ni Zadoke abwe hako.

Nehemia 8:10

Haliabwila hiyeenu ku mazuwo jenu, nulie kanawa. Nulianyine yakulia ni vinyu ni waze keeshi nayo. Mumu musono lili tangwa lia chijila lia Mwene Zambi yetu, kashika kanda nunenganyana. Uwahililo uze Mwene Zambi ananwehe muunutakamisa.”

Nehemia 8:11

Alevi yaaholesa atu ngwo: “Holenu, kanda nulinyenga, mumu tangwa lino lili lia chijila.”

Nehemia 8:13

Muze hikwacha, miata ja majimo, hamwe ni mahako ni Alevi, yaaya kuli hako Ezra ni kulilongesa je Shimbi.

Estere 9:22

Wano yaabwa matangwa ja Ayuda muze alilamwinyine kuli akwa kole jo. Mwe kakweji wa chinyengo walumukine wa chiseke, ni kulila chalumukine uwahililo. Mordekai yasoneka ngwenyi, chatamba kufunga matangwa wano, akabwe matangwa a kulia ni a kuwahilila, ni a kuliaha yawana ya yakulia, ni a kukwasa yiswale.

Jobe 23:12

Nakufunga kanawa Shimbi jenyi, nakusweka maliji jenyi ngwe ubite Ubema mu mbunge yami.

Miaso (Masamu) 119:111

Longeso lie lili nihami ndoo ku miaka yeswe, kuliakunguwahilisa.

Miaso (Masamu) 119:127

Nakuzanga Shimbi je kuhiana oru, kuhiana oru yibema.

Miaso (Masamu) 119:130

Longeso lie liakupangulwisa, kuliakuhana mana kuli waze keeshi mana.

Miaso (Masamu) 119:14

Nakuwahilila ni kukaula Shimbi je, hi ubite ko.

Miaso (Masamu) 119:16

Nakuwahilila ni yiyulo ye, chichi kuyivulama.

Miaso (Masamu) 119:171

Mungukuchichimieka matangwa eswe, mumu wakungulongesa yiyulo ye.

Miaso (Masamu) 119:174

Aa Mwene Zambi, nakwivwa usona wa ulamwino we; nakuwahilila mu Shimbi je.

Miaso (Masamu) 119:72

Shimbi jize wanguhele ngunajizange, kuhiana ubite weswe wa hashi.

Miaso (Masamu) 119:97

Nakuzanga Shimbi je kuhiana! Nakujibukuna tangwa heswe.

Jeremia 15:16

Hiwanguhanjikisa, ni yami hinevwa maliji je eswe. Mwene Zambi Mukwa Ndundo Jeswe, nguli niwe, kashika maliji je haanguwahisa.

Luka 24:32

No yaalihanjikisa ngwo: “Mbunge jetu kujevwile kahia muchima lietu muze te anatuhanjikisa mu jila ni kutulumbunwina Mukanda wa Zambi, nyi?”

A-ROMA 7:18

Ngunanyingika ngwami, yibema kuyishimo muli yami—kafwa ngwe mu uutu wami. Mumu chibwe ngunazange kulinga yibema, hindu chahashile kuyilinga.

Usolwelo 11:10

Akwa hashi maakawahilila ha kufwa cha yela waze aali. Kumaakalinga yiteleka, maakaliaha yawana, mumu akwa munanyi waze amwesene akwa hashi lamba linji.