Nehemia 8:11 - Mukanda Wa Zambi 1970

¹¹ Alevi yaaholesa atu ngwo: “Holenu, kanda nulinyenga, mumu tangwa lino lili lia chijila.”

MUKANDA USANDU WA ZAMBI 1975

¹¹ Chocho A-Levi yaholesa atu eswe ngwo, Holenu, mumu tangwa lino lisandu. Kanda nulinyenga.

Nehemia 8:11 Iomraidhean Croise

Nehemia 8:10

Haliabwila hiyeenu ku mazuwo jenu, nulie kanawa. Nulianyine yakulia ni vinyu ni waze keeshi nayo. Mumu musono lili tangwa lia chijila lia Mwene Zambi yetu, kashika kanda nunenganyana. Uwahililo uze Mwene Zambi ananwehe muunutakamisa.”

Nehemia 8:12

Mba atu eswe yaahilwoka ku mazuwo jo, yaahaha, yaanwanwa ni uwahililo, yaalianyino yakulia yo ni yiswale, mumu evwile kanawa ulumbunwiso wa maliji waze.

Kwalula 13:30

Kaleba yaholesa waze te analinyenge kuli Mose, yaamba ngwenyi: “Tuyenu haliabwila hanga tukase no jita, tukatambule chifuchi. Tunahase kwakumba.”