Nehemia 8:10 - Mukanda Wa Zambi 1970

¹⁰ Haliabwila hiyeenu ku mazuwo jenu, nulie kanawa. Nulianyine yakulia ni vinyu ni waze keeshi nayo. Mumu musono lili tangwa lia chijila lia Mwene Zambi yetu, kashika kanda nunenganyana. Uwahililo uze Mwene Zambi ananwehe muunutakamisa.”

MUKANDA USANDU WA ZAMBI 1975

¹⁰ Aye yamba kuli ayo ngwenyi, Yénu kwenu nukalie ya maji, nukanwe yiyema, nukatume yihanda kuli waze kaalulikilile nichimwe. Mumu tangwa lino lisandu kuli Yehova, kashika kanda nwivwa chinyengo, mumu tachi jenu jinejila ku uwahililo wa Mwene wetu.

Nehemia 8:10 Iomraidhean Croise

1 Yitanga Ya Mianangana 8:66

Ha tangwa lia muchinake, mwanangana yashika Aisraele. No eswe yaamuchichimieka, mba yaaya ku membo jo ni uwahililo mumu te Mwene Zambi hawahisa kavumbi kenyi David ni atu jenyi Aisraele.

1 Sango Ja Mianangana 16:27

Mwene Zambi kali ni uhenya ni ulamba, ndundo ni uwahililo yili mu zuwo lienyi.

Nehemia 8:11

Alevi yaaholesa atu ngwo: “Holenu, kanda nulinyenga, mumu tangwa lino lili lia chijila.”

Nehemia 8:12

Mba atu eswe yaahilwoka ku mazuwo jo, yaahaha, yaanwanwa ni uwahililo, yaalianyino yakulia yo ni yiswale, mumu evwile kanawa ulumbunwiso wa maliji waze.

Estere 9:19

Kashika Ayuda waze te atwama mu yihunda akufunga tangwa kumi ni lia muchiwana lia kakweji Adare libwe tangwa lia kulia ni kuwahilila ni kuhana yawana kuli masepa jo.

Estere 9:22

Wano yaabwa matangwa ja Ayuda muze alilamwinyine kuli akwa kole jo. Mwe kakweji wa chinyengo walumukine wa chiseke, ni kulila chalumukine uwahililo. Mordekai yasoneka ngwenyi, chatamba kufunga matangwa wano, akabwe matangwa a kulia ni a kuwahilila, ni a kuliaha yawana ya yakulia, ni a kukwasa yiswale.

Miaso (Masamu) 149:2

Aisraele, wahililenu, mumu kali tangi yenu; likwizenu akwa Zione, mumu kali mwanangana wenu!

Miaso (Masamu) 89:17

Wakutukwasa kukumba kuhiana, mumu ha zango lie twakukumba.

Yishima 17:22

Kuwahilila chili ngwe yitumbo yize yakuwuka mutu, alioze kunenganyana kuchakuhana mulekeleke mu mujimba.

Longeshi 11:2

Tulikila mbongo je kuli akwa milimo eka ni eka, mumu kuwanyingikine chibi chize muchikabwa kulutwe hano hashi.

Longeshi 2:24

Chinabeme mutu kulia ni kunwa, ni kuwahilila ni chize hafumbula. Hindu yingumona ngwami, uwahililo kuwakukatuka kuli Zambi hi ku kulia ni kunwa ko.

Longeshi 3:13

Yetu eswe chatutamba kulia ni kunwa ni kuwahilila ni yeswe yize hitwalinga. Yili yawana ya Zambi.

Longeshi 5:18

Namona ngwami, chinabeme mutu alie, ni anwe, ni awahilile ni yeswe yize ahondanganyine mu mwono wenyi uze amuhele Zambi; chino che Chihanda chenyi.

Longeshi 9:7

Likoleleze ulie yakulia ye, awahilile; nwako vinyu ye ni kuwahilila. Yino yeswe yinawaha ku meso ja Zambi.

Mwaso Ubema Wahiana 5:1

Nandungi yami kanda ndumbwami, hinanjila mu munda wami. Ngunakungika mira ni yuma yami yikwo ya vumba libema; ngunali wuchi ni ye yibuta yami; ngunanu vinyu ni yamwa yami. Akwetu a zango, lienu, nwenu, ndoo ni muze hinwabwa ni zango liahiana.

Izaya 49:5

Muze te kanda nguchisemuka, Mwene Zambi te hanangutambika; yangupwisa kavumbi kenyi hanga nguhilwise atu jenyi, nguhilwise mbunga ya Aisraele waze haanamwangashana. Mwene Zambi hanangulemesa; kali chishina cha tachi jami.

Izaya 61:10

Yerusaleme kanawahilila ha yize Mwene Zambi hanalingi. Kali ngwe nandungi yoze hazala mahina a umbachiso. Zambi hanamujiki mahina a ulamwino ni ululi.

Joele 2:23

“Yenu akwa Zione wahililenu, likwizenu ha yize Mwene Zambi hanulingila. Hanwaha vula musazu; hanunokesela vula yoze wa kuzalisa njiji, ni vula wa mubatuko.

Zakaria 14:21

Ndeho (yimbia) jeswe mu Yerusaleme ni mu Yuda mujikabwa ja chijila hanga awayile najo Mwene Zambi Mukwa Ndundo Jeswe. Atu waze akulambula milambu, maakayitambwola ha kuteleka mo yifwo ya milambu. Muze tangwa lize hilieza, kukuchi kabwa nawa umwe mukwa kulanjisa mu zuwo lia Mwene Zambi Mukwa Ndundo Jeswe.

Luka 11:41

Alioze ahenu yiswale yize yili mu misenge yenu ni mu yenga yenu, mba yeswe muyinubemena.

2 Korintu 8:2

Akwa Yikungulwila yize, chibwe amwene lamba liahiana, chibwe abwile yiswale, hindu yaawahilila kuhiana mu kuhana yawana yinji.

Filipu 3:4

Alioze, nyi umwe manyonga kulisamba ni ndako ya uutu, shinoho

Usolwelo 11:10

Akwa hashi maakawahilila ha kufwa cha yela waze aali. Kumaakalinga yiteleka, maakaliaha yawana, mumu akwa munanyi waze amwesene akwa hashi lamba linji.

1 Samuel 25:8

Hula tufunga twe kumaakulweza. Musono ha tangwa lia chiwayino, David kaneza, kanazange waatambule kanawa. Kanalembe ngwenyi, ahe kama tuvumbi twenyi chize Unahase kwaaha.’ ”