Nehemia 8:1 - Mukanda Wa Zambi 1970

¹ Ha kakweji wa muchishimbiali Aisraele eswe te haatwama kulu mu membo jo. Mba ha tangwa litangu lia kakweji ayo eswe yakunguluka mu limbo lia Yerusaleme, mu lwaza hehi ni chikolo cha Meya. Yaahula hako Ezra anehe mukanda wa Shimbi jize Mwene Zambi ambilile Mose alweze Aisraele.

MUKANDA USANDU WA ZAMBI 1975

¹ Mba atu eswe akungulukilile ngwe mutu umuwika mu lwaza kulutwe lia chikolo cha meya. Yamba kuli Ezera mukwa kusonyeka anehe we mukanda wa shimbi ja Mose jize Yehova watuminyine A-Izalele.

Nehemia 8:1 Iomraidhean Croise

1 MIANANGANA 23:2

No yaaya ku zuwo lia Zambi, hamwe ni mahako ni akwa munanyi ja Zambi ni atu akwo eswe pichi ni yiswale. Ku meso ja atu mwanangana yatanga mukanda weswe wa Usendo uze te haawana mu zuwo lia Zambi.

2 Sango Ja Mianangana 34:15

Yambila Shafane ngwenyi: “Tala hinawana mukanda wa Shimbi muno mu zuwo lia Zambi.” Yauhana kuli Shafane.

2 Sango Ja Mianangana 34:30

No yaaya ku zuwo lia Zambi, hamwe ni mahako ni Alevi ni atu akwo eswe, pichi ni yiswale. Ku meso ja atu mwanangana yatanga mukanda weswe wa Usendo, uze te haawana mu zuwo lia Zambi.

Ezra 7:1

Miaka te hiyabalika, mba mu kuyula cha Artasherke mu chifuchi cha Persia, yikubwa umwe lunga jina lienyi Ezra. Atu a ku vungu lienyi ndoo kuli Arone mwata wa mahako ja Zambi wano: Seraya, ni Azaria, ni Hilkia, ni Shalume, ni Zadoke, ni Ahitube, ni Amaria, ni Azaria, ni Merayote, ni Zerahia, ni Uzi, ni Buki, ni Abishua, ni Finehase, ni Eleazare, ni Arone.

Ezra 7:10

Ezra te hanalikunjika ni kulilongesa Shimbi ja Zambi ni kujilinga ni kujilongesa jeswe kuli Aisraele.

Ezra 7:11

Chino che Chisoneko chize mwanangana Artasherke ahanyine kuli Ezra, hako kanda longeshi, yoze te wanyingika kanawa Shimbi ni yiyulo yize Mwene Zambi ahanyine kuli Aisraele, ngwenyi:

Ezra 7:6

Ezra te kali longeshi wa mana, yanyingika kanawa Shimbi jize Mwene Zambi, Zambi ya Aisraele ahanyine kuli kavumbi kenyi Mose. Mwanangana wa Persia yamwaha yuma yeswe yize echile, mumu Mwene Zambi, Zambi yenyi, wabwile hamwe nenyi. Ha mwaka wa muchishimbiali wa kuyula cha mwanangana Artasherke, Ezra yatuhuka mu chifuchi cha Babilone ni kuya ku limbo lia Yerusaleme hamwe ni mbunga ya Aisraele: mahako, ni Alevi, ni njimba ni tufunga twa zuwo lia Zambi, ni akwa milimo.

Nehemia 12:26

Atu waze abwile ko ha matangwa ja Joakime, mwana wa Yoshua, mujikulu wa Jehozadake, ni ha matangwa ja mukwa kuyula Nehemia, ni ha matangwa ja hako Ezra, longeshi wa Shimbi.

Nehemia 12:37

Ku chikolo cha Shima lia Meya, yaanyina ha ukandukilo wa ku Limbo lia David, yaahiana zuwo lia mwanangana David ndoo ni ku chikolo cha Meya ku chivumbuko cha limbo.

Nehemia 8:16

Chenacho atu ayile ni kubatwola mitango, yaatunga yikulika ha mafulumba ja mazuwo jo, ni mu maaze jo, ni mu yiize ya zuwo ha Zambi, ni mu malwaza hehi ni chikolo cha Meya ni chikolo cha Efraime.

Nehemia 8:3

Kwe ku lwaze hehi ni chikolo Ezra yaatangila we mukanda wa Shimbi, chize ku chichamene ndoo ni tangwa ha muchima. Eswe yaabanjika kanawa.

Izaya 8:20

Akumbulule ngwe: “Banjikenu chize Mwene Zambi anangulongesa! Kanda ubanjika kuli tahi. Yuma yize akwamba kuyishi kunukwasa nichimwe.”

Alevi 9:5

Yaaneha yuma yeswe yize Mose ambile ku chikolo cha zuwo lia Zambi lia makubu. Chikungulwila cheswe yaakunguluka ko ni kuwayila Mwene Zambi.

Malaki 4:4

“Iwulukenu longeso lia kavumbi kami Mose, Shimbi ni yiyulo yize namuhele ha mulundu wa Sinai mumu hali Aisraele eswe.

Mateu 13:52

Mba yaamba ngwenyi: “Chenacho longeshi mweswe wa Shimbi yoze mabwa kambaji mu Wanangana wa mwilu walifwa ngwe mwenya zuwo yoze matuhwisa mu chibatulo muze akuswekela ubite wenyi, yuma yaha ni yikulu.”

Mateu 23:13

“Lamba lienu alongeshi a Shimbi ni Afariseu, yilembekese! Mumu nwakukasa chajilo cha Wanangana wa mwilu ku meso ja atu! Kunushi kunjila mo yenwene, ni waze akuzanga kunjila mo kunushi kwatayiza! [

Mateu 23:2

“Alongeshi a Shimbi ni Afariseu haanatambula yilemu ya kulumbununa Shimbi ja Mose.

Mateu 23:34

Kashika, talenu, mungunutumina akwa munanyi a Zambi, ni akwa mana, ni alongeshi a Shimbi. Munukashiha amwe, munukahachila akwo ha makulusu, munukalamba amwe ni fimbo (shikote) mu mazuwo jenu a kuwayila ni kwahungumiona ku limbo ni limbo.

Shimbi 31:11

Jitangenu kuli Aisraele eswe muze aneza ni kuwayila Mwene Zambi, Zambi yenu, homa hamuwika haze makatongola ha kuwayila.

Akwa Kuyula 20:1

Hohene Aisraele eswe, chize ku Dane ku norde ndoo ku Bersheba ku sude, ni ku chifuchi cha Gileade ku chivumbuko, yeeza, yaakunguluka ngwe mutu umuwika kuli Mwene Zambi ku Mizpa.

Akwa Kuyula 20:8

Atu eswe yaakatuka ngwe mutu umuwika yaamba ngwo: “Niumwe wa kuli yetu kanda ahiluka ku mahienyi, chibwe waze atwama mu mazuwo ja makubu hanji mu mazuwo anene.