Nehemia 7:65 - Mukanda Wa Zambi 1970

⁶⁵ Mukwa kuyula wa Ayuda yaalweza ngwenyi: “Kanda nulia yakulia yize haalambula kuli Zambi shina ndoo muze hikwabwa umwe hako yoze malinga ni Urime ni Tumime.”

MUKANDA USANDU WA ZAMBI 1975

⁶⁵ Mwe mukwa kuyula yamba kuli ayo ngwenyi, Kanda nulia ya yuma yisandu yahiana, ndo masoloka umwe sasendote ni Urimi ni Tumimi.

Nehemia 7:65 Iomraidhean Croise

Ezra 2:63

Mukwa kuyula wa Yuda yaambila ngwenyi: “Kanda nulia yakulia ya mulambu uze atu haalambula kuli Zambi ndoo ni muze hinwabwa ni umwe hako yoze mahasa kuhula kuli Zambi ni Urime ni Tumime.”

Nehemia 10:1

Atu waze asele chinyingi cho ku Usendo wano: Nehemia mwana wa Hakalia, mwe mukwa kuyula. Zedekia, Seraya, Azaria, Jeremia, Pashure, Amaria, Malkija, Hatushe, Shebania, Maluke, Harime, Meremote, Obadia, Daniele, Ginetone, Baruke, Meshulame, Abija, Mijamine, Mazia, Bilgai, Shemaya.

Nehemia 7:66

Kwoka cha atu eswe waze atuhukile mu undongo - 42,360 Tuvumbi two a malunga ni a mapwo - 7,337 Njimba a malunga ni a mapwo — 245 Tuvwalu - 736 Mula - 245 Tumelu - 435 Yimbulu 6,720.

Nehemia 7:70

Atu anji ahanyine milambu ya kutungulula nayo zuwo lia Zambi: Mukwa kuyula: oru kilo 8 mbashila - 50 mahina ja mahako 530 Miata ja majimo: oru kilo 168 prata kilo 1,250 Atu akwo: oru kilo 168 prata kilo 140 mahina ja mahako 67.

Nehemia 8:9

Muze atu heevwa ulumbunwiso wa mukanda wa Shimbi, eswe yaabutuka kulila. Kashika mwe mukwa kuyula Nehemia, ni hako Ezra kanda longeshi ya Shimbi, ni Alevi waze alumbunwine we mukanda yaamba ngwo: “Akwetu, lino lili tangwa lia chijila lia Mwene Zambi, kashika kuchanutambile kunenganyana ni kulila.

Kutuhuka 28:30

“Ukasa nawa mu chibwiko Urime ni Tumime, hanga Arone ayimbate ha tulo yenyi matangwa eswe muze meza ku meso ja yami Mwene Zambi. Ha chino mahasa kushindakenya chize ngunapale mumu hali Aisraele.

Alevi 2:10

Yize muyikasala yili ya mbala ya mahako. Kuuli mulambu wa chijila kuhiana, chize kuze waulambwile kuli Mwene Zambi.

Alevi 2:3

Uze muukasala ho, wa mbala wa mahako. Kuuli mulambu wa chijila kuhiana, chize kuze waulambwile kuli Mwene Zambi.

Alevi 8:8

Yamujika chibwiko, yasa mo Urime ni Tumime.

Kwalula 27:21

Makashachila hali hako Eleazare yoze makamuhulila ubatwilo wa Urime ni Tumime. Chenacho Eleazare masongwela Yoshua ni Chikungulwila cheswe cha Aisraele mu yuma yeswe.”

Shimbi 33:8

Hakutwala ku vungu lia Levi yamba ngwenyi: “Mwene Zambi, wakusolola chize unazange ku Urime ni Tumime ku moko ja Alevi, tuvumbi twe akwa kushishika. Weesekele ku meya a Masa, waatayijile ku meya a Meriba.