Nehemia 7:5 - Mukanda Wa Zambi 1970

⁵ Mba Zambi yangwaha manyonga akukungulula miata, ni makulwana, ni atu akwo asoneke akwa majiko jo. Yinguwana mukanda wa majina jo waze atuhukile hatangu mu undungo, yaasoneka mo chino.

MUKANDA USANDU WA ZAMBI 1975

⁵ Mba Zambi yami yasa mu mbunge yami kukungulula e alemu, ni akwa kuyula, ni atu akwo aasoneke nikulita ni yisemuko yo. Nawanyine mukanda wa yisemuko ya waze ejile hatangu, natanga chize chasonewenemo ngwo:

Nehemia 7:5 Iomraidhean Croise

Ezra 7:27

Ezra yamba ngwenyi: “Mwene Zambi, Zambi ya tushakulu twetu, afumane! Mumu hananyongesa mwanangana alemese zuwo lia Mwene Zambi mu limbo lia Yerusaleme.

Nehemia 5:19

Aa Zambi, ngunakulembe, ngwiwuluke kama ha yuma yeswe yize hinalingila atu wano.

Nehemia 6:14

Yingulemba ngwami: “Aa Zambi, iwuluka chize Tobia ni Sambalate haalinga, amwese kama lamba. Iwuluka nawa pwo yoze mukwa munanyi Nodia ni akwa munanyi akwo eswe waze anakazanga kunguvwisa woma.”

Nehemia 7:4

Limbo lia Yerusaleme te linene, alioze atu jamo te akehe. Te kanda achitunga mazuwo anji.

Yishima 2:6

Mwene Zambi mwe wakuhana mana, ni malinjekela, ni yinyingi.

Yishima 3:6

Iwuluka Mwene Zambi mu yuma yeswe yize wakulinga, neye makulweza jila yoloka.

1 Korintu 15:10

Alioze ku utu wa Zambi nguli chize nguli, ni utu uze angulwezele hi wamokomko ko. Mumu hingunahondangana kuhiana tunganda akwo eswe, alioze yize yeswe hi tachi ja yami mwene ko, alioze utu wa Zambi uze walinga hamwe ni yami.

2 Korintu 3:5

Mumu kutwahashile kwamba ngwetu, tunahase kulinga milimo yino ku tachi ja yetwene, alioze ku tachi ja Zambi.

2 Korintu 8:16

Tunasakwila Zambi yoze hanahane zango linji kuli Titu lia kunukwasa, ngwe yetu nawa tunazange kunukwasa.

Kolosu 1:29

Ha kumanununa milimo yino, nakuhondangana ni kulitachika ni tachi jize akuhana Kristu, tachi jize jakulinga muli yami.

Tiangu (Jake) 1:16

Akwetu akwa Kristu, kanda nulionga.