Nehemia 7:3 - Mukanda Wa Zambi 1970

³ Yingwalweza ngwami: Kanda nwazulula yajilo ya mu Yerusaleme shimbu tangwa kanda lichituhuka; ha kutoka cha tangwa nukasa yajilo chikolo muze tufunga kanda achikotoka ku milimo. Tongolenu tufunga mukachi ka atu waze atwama mu Yerusaleme, amwe afunge yihela yeka ni yeka, akwo afunge hatalanganyi ni mazuwo jo.

MUKANDA USANDU WA ZAMBI 1975

³ Nambile kuli ayo ngwami, Mapito a Yerusaleme kanda aazulula ndo tangwa hiliatwa mwalwa; shimbu tulayi aliko, ajile mapito nikwayika mbe ni njalo. Selenu tulayi a kuli A-Yerusaleme, mutu mweswe ni ulayi wenyi, mutu mweswe hatalanganyi ni zuwo lienyi mwene.

Nehemia 7:3 Iomraidhean Croise

Nehemia 13:19

Kashika yinguhana Shimbi ya kukasa yajilo ya limbo ha kabutu ka lieswe tangwa lia kuhwima, ha kutoka cha tangwa, kuyazulula ka ndoo ku songo lia tangwa lia kuhwima. Mba yingusa amwe malunga ku yajilo, atale kanawa hanga atu kanda anjila ni yuma ha tangwa lia kuhwima.

Nehemia 3:23

Benjamine ni Hashube yaatunga Chipinji chize chasulile ko, chize chabwile kulutwe lia mazuwo jo. Azaria, mwana wa Maseya mujikulu wa Anania, yatunga Chipinji chize chasulile ko, kulutwe lia zuwo lienyi.

Nehemia 7:2

Yingusa malunga aali ayule limbo lia Yerusaleme: mwanakwetu Hanani ni Hanania, mwata wa tujita a lie limbo, te mukwa ululi, kakuvwila Zambi woma kuhiana atu akwo.

Nehemia 7:4

Limbo lia Yerusaleme te linene, alioze atu jamo te akehe. Te kanda achitunga mazuwo anji.

Miaso (Masamu) 127:1

Nyi Mwene Zambi katungile zuwo, milimo ya tungi yili kwayo yamokomoko. Nyi Mwene Zambi kafungile limbo, tufunga kaakutwama chamokomoko.

Miaso (Masamu) 147:13

Kakufunga yajilo ya limbo lienu kanawa, kakuwahisa atu jenu.

Mateu 10:16

“Achivwenu! Ngunanutumu ngwe mapanga mukachi ka tungunga. Kanyamenu ngwe tupela, bemenu ngwe membe.