Nehemia 7:1 - Mukanda Wa Zambi 1970

¹ Muze chipanga cha mawe hichahwa ni hitwasa yajilo yeswe, yitukunjika tufunga twa zuwo lia Zambi ni mbunga ya njimba ni Alevi ku milimo yo.

MUKANDA USANDU WA ZAMBI 1975

¹ Muze te hatunga chipanga-cha-mawe, hinamika mapito, ni akwa mapito ni njimba ni A-Levi hanaatongola,

Nehemia 7:1 Iomraidhean Croise

1 MIANANGANA 7:10

Chenacho atuhukile mu musumba wa Asiria, yaahiluka ku limbo lia Samaria, yaakololoka kuli tufunga ku yikolo ngwo: “Twayanga ku musumba wa Asiria, kutwamwene ko mutu hanji kutwevwile ko liji nilimwe. Twawana lume tuvwalu ni yimbulu yakukasa mbembembe, ni mazuwo a makubu chizechene.”

2 Sango Ja Mianangana 31:2

Mwanangana Hezekia yalulika milimo ya mahako ni Alevi nikulita ni mbunga jo, mutu ni mutu ku milimo yenyi. Milimo yo te yenayi ayi: kulambula milambu ya kwocha ni ya kulivwa ni Zambi, ni kusongwela uwayilo mu zuwo lia Zambi, ni kuchichimieka ni kusakwila Zambi homa heka ni heka mu zuwo lia Zambi.

Ezra 3:8

Chenacho ha kakweji wa muchaali wa mwaka wa muchaali chize kuze ahilukile ku Yerusaleme, atu yaabutuka milimo. Zerubabele, ni Yoshua, ni enyembo jo akwo a mu chifuchi, ni mahako, ni Alevi, ni eswe waze atuhukile mu undungo ni kwiza ku Yerusaleme, yaalichinga ku milimo. Alevi eswe waze te haabwa ni miaka makumi aali ni helu yaapwisa akwa lutwe ni kutungulula zuwo lia Zambi.

Nehemia 10:39

Aisraele ni Alevi chaatamba kuneha milambu ya mbuto, ni ya vinyu, ni ya maji a olive, ku yibatulo ya kutulikila yuma, muze akufungila yikashi ya mu zuwo lia Zambi, ni kuze mahako akualingila milimo yo, ni kuze tufunga twa zuwo lia Zambi, ni mbunga ya njimba akutwama. Kutuchi kwehuka nawa zuwo lia Zambi yetu.

Nehemia 11:3

Mu membo akwo ni yihunda yikwo Aisraele ni mahako, ni Alevi, ni akwa milimo a ku zuwo lia Zambi, ni vungu lia tuvumbi twa Solomone yaatwama mu yihinga ni mu yihunda yo ene. Wano kaali majina ja atu alemu a mu chifuchi cha Yuda waze atwamine mu Yerusaleme.

Nehemia 12:24

Akwa lutwe ja Alevi: Hashabia, ni Sherebia, ni Yeshua, ni Binwi, ni Kadmiele, yaalianyina mu jimwe mbunga. Mbunga jaali meemba ni kulikumbwiza nikuhalisa Zambi, ni kumusakwilila nikulita ni Shimbi jize ahanyine mwanangana David, mutu wa Zambi.

Nehemia 6:1

Sambalate, ni Tobia, ni Gesheme, ni akwa kole jetu akwo yeevwa ngwo, hitwamanununa kutungulula chipanga cha mawe, nawa ngwo, kukwasalile chituwa nichimwe. Alioze kanda te luchisa yajilo.

Nehemia 6:15

Milimo ya chipanga cha mawe yichihwa ha tangwa makumi aali ni lia muchitano lia kakweji wa Elule, muze te hitwalinga kulu milimo matangwa makumi atano ni aali.

Nehemia 6:19

Atu yaangulweza yitanga yibema yeswe yize Tobia alingile, yaamulweza nawa yeswe yize nahanjekele. Kashika yanyongonona kungusonekena mikanda yakunguvwisa woma.