Nehemia 6:9 - Mukanda Wa Zambi 1970

⁹ Ayo eswe yeeseka kutuvwisa woma, hanga tulekumuke tulitwamine kulinga milimo. Alioze yingulemba ngwami: “Aa Zambi! Haliabwila ngutakamise kama!”

MUKANDA USANDU WA ZAMBI 1975

⁹ Mumu te kanafupu kutukolesa woma ngwo, Mutuhongesa moko jo ku milimo mba kechi kuyilinga. Alioze yena Zambi, ungukolese moko jami haliapwila.

Nehemia 6:9 Iomraidhean Croise

2 Sango Ja Mianangana 15:7

Alioze takamenu, kanda nukokoloka. Milimo yize nwakulinga maakayikundulula.”

2 Sango Ja Mianangana 32:18

Miata ja Asuria yaakololoka maliji wano mu hebreu kuli akwa Yerusaleme waze abwile helu lia chipanga, akeevwise woma ni kwalekumuna, hanga ayo akumbe lie limbo.

Ezra 1:6

Enyembo jo eswe yaakwasa, yaaha yuma yinji: prata, ni oru, ni yakulia, ni yikashi ya kumbachila yuma, ni yuma yikwo yilemu, ni milambu ya kulambula mu zuwo lia Zambi.

Nehemia 6:14

Yingulemba ngwami: “Aa Zambi, iwuluka chize Tobia ni Sambalate haalinga, amwese kama lamba. Iwuluka nawa pwo yoze mukwa munanyi Nodia ni akwa munanyi akwo eswe waze anakazanga kunguvwisa woma.”

Miaso (Masamu) 138:3

Muze nakutambikile, wangukumbulwile; yiungutakamisa ni ndundo je.

Miaso (Masamu) 56:3

Aa Mwene Zambi, Mukwa Ndundo Jeswe, nyi mungwivwa woma, mungushachila hali yena.

Miaso (Masamu) 68:35

Zambi kakulisolola kole ni woma kuze ku zuwo lienyi lia chijila. Mwene Zambi ya Israele kakuhana tachi ni ngolo kuli atu jenyi. Fumanyisenu Zambi!

Miaso (Masamu) 71:1

Mwene Zambi, hineza kuli yena hanga ungufunge, kanda unguvwisa kama sonyi nilimwe tangwa!

Izaya 40:29

Kakutakamisa akwa kuhonga. Kakukolesa akwa mulekeleke.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Jeremia 38:4

Mwabwamuze akwa kuyula yaaya kuli mwanangana, yaamba ngwo: “Vulie mwanangana! Mutu yono chamutamba kufwa. Mumu maliji jenyi kaakulekumwisa tujita ni atu akwo eswe waze haasala mu limbo. Kasolo kukwasa atu, kanazange shina kwamwesa lamba.”

Ezekiel 30:24

Mba mungukatakamisa chiyulo cha mwanangana wa Babilonia ni kumwaha mukwale wami. Alioze mungukamakuna moko ja mwanangana wa Egiptu. Neye makateta, makafwa ku meso ja mukwa kole wenyi.

Zakaria 10:12

Mungukatakamisa atu jami; kumaakanguwayila ni kungwononokena.” Mwene Zambi hachamba.

2 Korintu 12:9

Yangukumbulula ngwenyi: “Utu wami unakuzuku, mumu ndundo jami jakusoloka kuhiana muze unalele.” Nakuwahilila kuhiana kulisamba ha ulelu wami, hanga ndundo ja Kristu jibwe muli yami.

Efesu 3:16

Ngunaliumbu kuli Zambi, nikulita ni kulumbama cha uhenya wenyi, anutakamise ni ndundo ja Mwiku wenyi mu mbunge jenu.

Efesu 6:10

Hakusula, litakamisenu mu kulinunga chenu ni Mwene Yesu, ni mu tachi ja ndundo jenyi.

Filipu 4:13

Ngunatakama mu yuma yeswe ni tachi ja Kristu, yoze unangutakamisa.

Hebreu 12:12

Kolesenu moko jenu a ubekebeke ni makungunwa jenu a kukokoloka.

1 Petulu 5:10

Alioze, muze hinwamona lamba ha shimbu likepe, Zambi ya utu weswe, yoze wanutambikile hanga nubwe ni kamwe ka uhenya wenyi wa miaka yeswe mu kulinunga ni Kristu, makanupwisa angunu, makanutakamisa, makanujikijisa.

1 Samuel 30:6

David yalibikala kuhiana mumu tujita twenyi yaabwa ni ufwatulo kuhiana ha kutoka cha ana jo eswe. Yaamba kushiha David ni mawe, alioze Mwene Zambi, Zambi yenyi, yamutakamisa.