Nehemia 6:8 - Mukanda Wa Zambi 1970

⁸ Yingumukumbulula ngwami: “Yeswe yize unambe hi yamwenemwene ko. Yena mwene wayitomba.”

MUKANDA USANDU WA ZAMBI 1975

⁸ Namutumine liji ngwami, Kalingile yuma yize unambe. Unatutambilayo mu mbunge ye.

Nehemia 6:8 Iomraidhean Croise

Nehemia 6:7

Hiwalulika kulu hanga amwe akwa munanyi ja Zambi ambujole mu Yerusaleme ngwo, yena uli mwanangana wa Ayuda. Tala, Chuma chino mwanangana machivwa. Kashika nanyonga ngwami, yena ni yami tweya tulitakane hanga tululike Chuma chino.”

Jobe 13:4

Alioze yenu nwakusweka uhepuke wenu ni mahuza; nuli ngwe mbuki waze kaahashile kuwuka mutu niumwe.

Miaso (Masamu) 36:3

Yize akwamba yili yibi ni ya mahuza, keshi kulinga nawa yuma yibema ni ya mana.

Miaso (Masamu) 38:12

Atu waze akuzanga kungushiha kaakungutela makambwila, waze akuzanga kungulemeka kaakunguhalila; keeshi kwecha kungutwama punga.

Miaso (Masamu) 52:2

Wakufupa mana a kwonona atu akwo; kanwa lie lili ngwe tewula yambuka. Wakuhanjika mahuza matangwa eswe.

Izaya 59:4

Nwakuya ku chota, alioze kunushi kusopa ni ululi. Nwakuhanjika mahuza ha kulisambisa. Nwakwaka uhuka ni kusema Vunda.

Daniel 11:27

Hohene mianangana waze aali maakatwama ku meza yimuwika nikulia, alioze maakalionga ene. Keechi kafumbula mu yize te maakazanga kulinga, mumu tangwa liayo kanda lichiheta.

Mateu 12:34

Yenu vungu lia yihili! Ngwe kuchi yenu abi munuhasa kuhanjika yibema. Mumu kanwa liakuhanjika yize yinalumbama mu mbunge.

Yoano 8:44

Nuli ana ja Tatenu Sakwonga. Nwakuzanga kulinga yize akuzanga Tatenu. Iye wabwile mukwa kushiha atu chize ku Ubutukilo. Kabwile ko mu umwenemwene nichimwe, mumu muli iye umwenemwene kuushimo. Muze akuhanjika mahuza, kakuhanjika nikulita ni ndako jenyi, mumu kali mukwa mahuza ni tato ya mahuza.

Yilinga 25:10

Alioze Paulu ngwenyi: “Ngunamana ku meso ja chisopelo cha mwanangana wa Aroma. Kwenako chaatamba kungusopesela. Chalingile chibi nichimwe kuli Ayuda, ni yena mwene unachinyingika kanawa.

Yilinga 25:7

Muze mwe Paulu haheta, Ayuda waze akatukile ku Yerusaleme yaamujingilika, yaabutuka kumusuma ni yitela yinji yikalu yize kaahashile kuyishindakenya ngwo, yamwenemwene.