Nehemia 6:6 - Mukanda Wa Zambi 1970

⁶ Yasoneka ngwenyi: “Gesheme hangulweza ngwenyi, sango hijamwangana mukachi ka mavungu waze tunasulangana no ngwo, yena ni Ayuda nuneseka kulimika ni mwanangana, kashika hinwatungulula chipanga. Nawa ngwenyi, unambe kulipwisa mwanangana yena mwene.

MUKANDA USANDU WA ZAMBI 1975

⁶ mwenamo mwasonewa ngwo, Kanachambe hakachi ka mavungu, ni Geshemu kanachambe nawa ngwo, Yena ni A-Yunda nunambe kuvunduka; kashika nunatungu chipanga-cha-mawe. Ni maliji jo nawa ngwo, Yena muopwa mwanangana wo.

Nehemia 6:6 Iomraidhean Croise

Ezra 4:12

“Vulie mwanangana! Tunanunyingikisa ngwetu, Ayuda waze atuhukile mu yifuchi yenu yikwo haatunga mu Yerusaleme. Kaanatungulula limbo lize libi ni lia uhulia. Haabutula kutunga yipanga, hasala hakepe ayimanunune.

Ezra 4:15

Tunanyongo ngwetu, chibema mwanangana kuhana Shimbi ya kuhengula mu yisoneko ya tushakulu twenu. Nyi nwachilinga munumona ngwenu, akwa limbo lino kuma matangwa eswe te kaakwete uhulia. Chize ku shakulu te kaakuneha Vunda kuli mianangana ni akwa kuyula a mu chifuchi. Atu jamo matangwa eswe kaabwile akalu kuli akwa lutwe. Kashika akwa lutwe yaabuba lie limbo.

Nehemia 2:19

Alioze muze Sambalate, ni Tobia, ni umwe Karabia Gesheme heevwa chize twalulikile, yaatuseha nikwamba ngwo: “Chika nunambe kulinga? Munuhamika ni mwanangana, nyi?”

Nehemia 6:13

Haamwaha mbongo hanga anguvwise mwongo hanga nguvulumune, abihise lufuma wami, anguvwise sonyi.

Nehemia 6:5

Mba ha chisuho cha muchitano, mwe Sambalate yangutumina kavumbi kenyi ni mukanda uze te kuushi kukasa.

Nehemia 6:7

Hiwalulika kulu hanga amwe akwa munanyi ja Zambi ambujole mu Yerusaleme ngwo, yena uli mwanangana wa Ayuda. Tala, Chuma chino mwanangana machivwa. Kashika nanyonga ngwami, yena ni yami tweya tulitakane hanga tululike Chuma chino.”

Jeremia 20:10

Nakwivwa atu eswe kulinyenyeta ngwo: “Mwongo kuma kweswe! Tumusumenu ku meso ja akwa kuyula!” Chibwe masepa jami kaakuzanga kachi ngulimbuke kama. Kaakwamba ngwo: “Hanji tunahase kumwonga, mba hanga tumukwate, tumufwetese.”

Mateu 5:11

“Kunwawaha muze atu maanuchoka, ni muze maanuhungumiona, ni muze maanulamikiza ungulungulu mumu hali yami.

Luka 23:2

yaabutuka kumusuma ngwo: “Tunakawana lunga yono nikubinjisa atu jetu, ngwenyi: ‘Kanda nulambula mwanangana wa Aroma lijimu.’ Ni kakulipwisa iye mwene Kristu, mwanangana.”

Yoano 19:13

Muze hevwa maliji wano, Pilatu yatuhwisa Yesu haze, mba yatwama ha chitwamo cha ubatwilo, jina liacho: “Yize ya Mawe.” (Mu hebreu linalumbunuka ngwo: “Gabata.”)

A-ROMA 3:8

Kuchi kevwe kutwahashile kwamba ngwetu: “Tulingenu yibi hanga yibema yikeze”? Chamwenemwene amwe atu kaakwamba ngwo, yami Paulu ngunahanjika yuma ngwe yize. Kaakuchamba ha kungulelesa. Atu wano kumaakahisa ngwe chinalite.

2 Korintu 6:8

Kaakutulemesa ni kutuvwisa sonyi. Kaakutushililika ni kutuchichimieka. Kaakutumona ngwe tuli akwa mahuza, alioze twakuhanjika umwenemwene;

1 Petulu 3:16

Alioze Chilingenu ni uhomboloji ni vumbi. Bwenu ni mbunge yibema, hanga waze akunushililika ha yitanga yibema yize nwakulinga mumu nuli akwa Kristu, akevwe sonyi.