Nehemia 6:16 - Mukanda Wa Zambi 1970

¹⁶ Muze akwa kole jetu waze atujingilika haachivwa, yaanyingika ngwo, mana kaasula, mumu mutu mweswe yanyingika ngwenyi, milimo yino twayilinga ni ndundo ja Zambi.

MUKANDA USANDU WA ZAMBI 1975

¹⁶ Mba muze akwa kole jetu achivwile, mavungu eswe a kutujingilika evwile woma; ahombwele kumeso mumu anyingikine, milimo yino hayilinga kuli Zambi yetu.

Nehemia 6:16 Iomraidhean Croise

Nehemia 2:10

Alioze Sambalate, wa ku limbo lia Bete Horone, ni Tobia, umwe mwata wa mu chifuchi cha Amone, yeevwa ngwo, umwe lunga weza ko ni kukwasa Aisraele. No yeevwa wuli unji.

Nehemia 4:1

Muze Sambalate hevwa ngwo, Ayuda haabutuka kutungulula chipanga cha mawe, yevwa ufwatulo unji, yabutuka kwachoka.

Nehemia 4:7

Muze Sambalate ni Tobia, ni atu a ku Arabia, ni Amone, ni akwa Ashdode heevwa ngwo, milimo ya kutungulula chipanga cha Yerusaleme yinayi kulutwe, ni yituwa haayijikajika, yeevwa ufwatulo.

Nehemia 6:17

Ha matangwa waze eswe miata ja Ayuda yaalisonekena mikanda ni Tobia.

Miaso (Masamu) 109:27

Akwa kole jami anyingike ngwo, yena wakungulamwina.

Miaso (Masamu) 126:2

Cho kuseha, cho kwimba cha uwahililo! Mba mavungu akwo yaamba ngwo: “Mwene Zambi haalingila yuma ya kukomwesa.”

Miaso (Masamu) 129:5

Eswe waze akuvutwokela Zione, aakumbe kama, evwe sonyi.

Miaso (Masamu) 147:2

Mwene Zambi kakutungulula Yerusaleme; kakuhilwisa mu chifuchi cho waze te atwama mu undungo.

Kutuhuka 14:25

Yakalisa molu ja matemba jo, hanga eche kwenda kanawa. Akwa Egiptu yaamba ngwo: “Tuchinenu Aisraele, mumu Mwene Zambi kanaashila jita.”

Jeremia 33:9

Yerusaleme mulikabwa limbo lia chiseke, ni ulemu, ni liakuchichimieka nalio. Mavungu eswe a hashi kumaakevwa woma, kumaakachikima muze maakevwa yuma yibema yize hinalinga akwa Yerusaleme, ni chize hinaayukisa.”

Kwalula 23:23

Kuli Aisraele chibwe wanga chibwe ngombo kuyichi kulinga nichimwe, unalikatalisa tuhu. Atu kumaahanjika hakutwala kuli Aisraele ngwo: “Talenu chize Zambi halinga!”

Yilinga 5:38

Kashika ha mulonga uno, ngunanwambe ngwami, atu wano echenu. Yize analingi, nyi kuli atu yinakatuka, kumuyikahwa.

Yoshua 2:11

Muze twevwile sango jino, yitwivwa woma, Yetu eswe yitulekumuka mumu hali yenu. Mwene Zambi, Zambi yenu, kali Zambi wa mwilu ni hashi.

Yoshua 2:9

yaalweza ngwenyi: “Ngunanyingika ngwami, Mwene Zambi hanwaha chifuchi chino. Atu eswe mu chifuchi kaananuvwila woma, haalekumuka.

Yoshua 5:1

Mianangana ja Aamore eswe waze te atwama ku chitokelo cha Yordau ni mianangana ja Akanana eswe waze te atunga ku kalunga lwiji Mediterane yeevwa chize Mwene Zambi omishine Yordau ndoo muze Aisraele eswe azaukile. Yaabutuka kwivwila Aisraele woma, yaalekumuka.