Nehemia 6:15 - Mukanda Wa Zambi 1970

¹⁵ Milimo ya chipanga cha mawe yichihwa ha tangwa makumi aali ni lia muchitano lia kakweji wa Elule, muze te hitwalinga kulu milimo matangwa makumi atano ni aali.

MUKANDA USANDU WA ZAMBI 1975

¹⁵ Chocho chipanga-cha-mawe twachimanunwine ha tangwa makumi aali ni liamuchitano lia kakweji Elule, milimo ya makumi atano a matangwa ni matangwa aali.

Nehemia 6:15 Iomraidhean Croise

Ezra 6:14

Miata ja Ayuda yaalikoleleza kutunga zuwo lia Zambi, ni akwa munanyi Hagai ni Zakaria yaatakamisa. Yaamanununa zuwo nikulita ni Shimbi yize ahele Zambi ya Aisraele ni ya Siruse ni Dariuse, ni Artasherke, mianangana ja Persia.

Ezra 6:15

Yaalimanununa ha tangwa lia muchitatu lia kakweji wa Adare ha mwaka wa muchisambano wa kuyula cha mwanangana Dariuse.

Nehemia 7:1

Muze chipanga cha mawe hichahwa ni hitwasa yajilo yeswe, yitukunjika tufunga twa zuwo lia Zambi ni mbunga ya njimba ni Alevi ku milimo yo.

Miaso (Masamu) 1:3

Kali ngwe mutondo ku mbumbulu ya lwiji, uze wakwima mihuko yawo ha tungonde twawo, mafwo jawo keeshi kuma. Kakuyuka yeswe yize akulinga.

Miaso (Masamu) 147:2

Mwene Zambi kakutungulula Yerusaleme; kakuhilwisa mu chifuchi cho waze te atwama mu undungo.

Daniel 9:25

Sako chinyingi, unyingike kanawa: chize ku tangwa lize ambile lia kutungulula Yerusaleme, ndoo ni ku tangwa lize mukwa lutwe yoze atongwele Zambi makasoloka, miaka shimbiali yisuho shimbiali muyikabalika. Yerusaleme maakamutungulula, ni e majila jamo, ni ye yipanga ya kukoleka. Mba makalinduluka miaka shimbiali yisuho makumi asambano ni yaali, alioze maakabwa matangwa a lamba.