Nehemia 6:14 - Mukanda Wa Zambi 1970

¹⁴ Yingulemba ngwami: “Aa Zambi, iwuluka chize Tobia ni Sambalate haalinga, amwese kama lamba. Iwuluka nawa pwo yoze mukwa munanyi Nodia ni akwa munanyi akwo eswe waze anakazanga kunguvwisa woma.”

MUKANDA USANDU WA ZAMBI 1975

¹⁴ Zambi yami, iwuluka kama Tobia ni Sambalate nikulita ni yitanga yo; ni profeta wa pwo Noadia, ni aprofeta akwo waze anazange kungukolesa woma.

Nehemia 6:14 Iomraidhean Croise

Nehemia 13:29

Aa Zambi yami, iwuluka kama atu waze, mumu haanabihisa milimo ni Usendo uze wakolesele ni mahako ni Alevi!

Nehemia 5:19

Aa Zambi, ngunakulembe, ngwiwuluke kama ha yuma yeswe yize hinalingila atu wano.

Miaso (Masamu) 137:7

Mwene Zambi, iwuluka kama chize alingile Aedome, muze akwa kole jetu akumbile Yerusaleme. Iwuluka chize te akwamba ngwo: “Libuzulenu! Libuzulenu! Libuzulenu ni lie fundamentu yalio!”

Miaso (Masamu) 22:1

Zambi yami, Zambi yami, kuchi mba hiwangwehuka? Hingunalili chinji ungulamwine, hindu kuwangukwashile.

Miaso (Masamu) 63:1

Aa Zambi, yena uli Zambi yami, nakukuvwila usona. Nakukuzanga kuhiana, mbunge yami yeswe yakukuvwila usona, ngwe mavu omu waze keeshi meya.

Kutuhuka 15:20

Mba mukwa munanyi Miriame, ndumbwa Arone, yanda muyaya, yabutuka kwimba, ni mapwo eswe ja Aisraele yaamukaula nikwimba miyaya ni kuhangana.

Jeremia 14:15

Yami, Mwene Zambi, ngunakulweze chize mungulinga kuli akwa munanyi waze chaatumine, hindu kaakuhanjika mu jina liami nikwamba ngwo, jita ni zala kuyichi kubwa mu chifuchi. Mungwashihila mu jita ni zala.

Jeremia 14:18

Muze nakuya mu yambu, nakumona afu waze haashiha mu jita; muze nakuya mu yihunda, nakumona waze haafwa ni zala. Akwa munanyi ni mahako kaakulinga milimo yo, alioze yize akulinga kaayinyingikine.’ ”

Jeremia 28:1

Ha we mwaka uze, mu kakweji wamuchitano ha mwaka wa muchiwana wa kuyula cha mwanangana Zedekia, Hanania mwana wa Azure, mukwa munanyi wa ku limbo lia Gibeone, yanguhanjikisa mu zuwo lia Zambi. Ku meso ja mahako ni atu eswe

Jeremia 28:10

Hohene Hanania yachiza kanga ha kota yami, yayibatwola,

Jeremia 28:15

Yingulweza Hanania maliji wano ni kuweza ho ngwami: “Banjika, Hanania! Mwene Zambi kakutumine ko; yena kuwakwonga atu wano.

Mateu 24:11

Akwa munanyi a kupiangula anji maakasoloka, maakapiangula anji.

Mateu 24:24

Mumu yilamwina a mahuza ni akwa munanyi a kupianguka kumaakasoloka ni kulweza yilayi yinene ni yipupu hanga apiangule, nyi muchihasa kubwa, chibwe waze Zambi hanatongola.

Mateu 7:15

“Nukanyama mumu hali akwa munanyi a kupiangula. Kaakunusolokela ngwe mapanga, alioze muchima kaali tungunga asasu.

2 Timoteu 3:8

Ngwe Jane ni Jambre alimikine ni Mose, chimuwika nawa malunga wano kaakulimika ni umwenemwene malunga waze akwete manyonga a uhepuke, keeshi ufulielo wamwenemwene.

1 Yoano 5:16

Nyi umwe mamona mukwo kanavulumuna, alioze hi mulonga wa kufwa ko, chamutamba kumulembela Zambi, yoze makamwaha mwono. Kukuli mulonga ukwo uze wakutwala atu ku kufwa. Chambile ngwami, chanutamba kulemba Zambi ha mulonga ngwe uze.

Usolwelo 19:20

No yaakwata mwe ngongo ni mahuza yoze te wakulinga yilayi ku meso jenyi. (Ni yilayi yize yonga atu waze atambwile mifunda kuli ngongo yoze, ni waze te akuwayila kaponya kenyi.) Ngongo ni mukwa munanyi wa mahuza yaambila ni mwono mu wina uze wakulekwoka kahia ni fundanga.