Nehemia 6:13 - Mukanda Wa Zambi 1970

¹³ Haamwaha mbongo hanga anguvwise mwongo hanga nguvulumune, abihise lufuma wami, anguvwise sonyi.

MUKANDA USANDU WA ZAMBI 1975

¹³ Hamufweta hanga angukolese woma ngumutayize, nguvulumune, hanga o akapwe ni chikuma cha kunguchoka nacho, afumanyise saki.

Nehemia 6:13 Iomraidhean Croise

Nehemia 6:12

Muze hinanyonga hakutwala ku Chuma chize, yingunyingika ngwami, Zambi kahanjikile ko kuli Shemaya, alioze ngwami, Tobia ni Sambalate enoo haamwaha mbongo angwambe maliji wano.

Nehemia 6:6

Yasoneka ngwenyi: “Gesheme hangulweza ngwenyi, sango hijamwangana mukachi ka mavungu waze tunasulangana no ngwo, yena ni Ayuda nuneseka kulimika ni mwanangana, kashika hinwatungulula chipanga. Nawa ngwenyi, unambe kulipwisa mwanangana yena mwene.

Yishima 22:1

Nyi unambe kutongola mukachi ka yuma yaali, lufuma mubema hanji ubite unji, tongola lufuma mubema.

Yishima 29:5

Nyi wakubebieka masepa je, wakulitela muheto yena mwene.

Longeshi 7:1

Maji a ndando yinji a vumba libema, kaanabeme, alioze kubwa ni lufuma mubema chinabeme kuhiana. Tangwa lia kusemuka linabeme, alioze lia kufwa linabeme kuhiana.

Izaya 51:7

“Ngubanjikenu, yenu nwanyingika yize yinalite, yenu nuli ni longeso liami mu mbunge jenu. Kanda nwivwa woma muze atu maanuchoka ni kunusaula;

Izaya 57:11

Mwene Zambi kanahula ngwenyi: “Mazambi aka waze akunuvwisa woma, kashika nwakuhanjika mahuza kuli yami ni kunguvulama lume liakulu? Hinunalitwamina kungulemesa mumu nakuhola shimbu lisuku, nyi?

Jeremia 1:17

Jeremia, lipupwise; yako wambulule yuma yeswe yize mungukulweza. Kanda wevwila woma haliabwila. Nyi ka, mungukuvwisa woma kuhiana muze muubwa no.

Jeremia 18:18

Mba atu yaamba ngwo: “Tuyenu tutwame Jeremia punga! Matangwa eswe mutubwa ni mahako akutulongesa, ni akwa mana akutuyula, ni akwa munanyi akwambujola maliji a Zambi. Tumusumenu mulonga, kanda tumubanjika nawa.”

Jeremia 20:10

Nakwivwa atu eswe kulinyenyeta ngwo: “Mwongo kuma kweswe! Tumusumenu ku meso ja akwa kuyula!” Chibwe masepa jami kaakuzanga kachi ngulimbuke kama. Kaakwamba ngwo: “Hanji tunahase kumwonga, mba hanga tumukwate, tumufwetese.”

Ezekiel 2:6

“Alioze yena, mwana mutu, kanda weevwila woma ku yize anahanjika, chibwe muubwa ngwe mutu yoze unatwama mukachi ka mikalale ni mbimbo ni tuvwanda.

Mateu 10:28

Kanda nuvwila woma waze maashiha mujimba wika, hindu kaahashile kushiha mwono wamwenemwene. Shinoho muvwilenu woma Zambi yoze mahasa kwonona yeswe yaali, mujimba ni mwono wamwenemwene, ni kuyimbila mu kahia.

Mateu 22:15

Hohene Afariseu yaaya ni kutwama punga ngwe chize maahasa kutela Yesu muheto ni chihula.

Mateu 26:59

Mahako a lutwe ni ngaji eswe akwo a ku Mbunga ya Ngaji ja Ayuda yaafupa shindakenyo ya mahuza hanga ashihise Yesu.

Yilinga 6:13

Yaaneha nawa yela ja mahuza waze ambile ngwo: “Mutu yono keshi kulitwamina kushililika zuwo lia Zambi lia chijila ni Shimbi ja Mose.

2 Korintu 11:12

Yize nakulinga, mungunyongonona kuyilinga, ha kuchiza mahuza ja waze akuzanga kulisamba, waze akwamba ngwo, kaakulinga ngwe yetu.

1 Timoteu 5:14

Kashika ngunazange ngwami, ana mapwo waze haanafwisa malunga, aye nawa ku malo, aseme ana, ayule mazuwo jo, hanga akwa kole jetu kaahashile kuhanjika yibi hali yetu.

2 Timoteu 1:7

Mumu Mwiku uze atuhele Zambi kuushi kutuvwisa woma, alioze wakutwaha tachi, ni zango, ni mana a kuliyula.

Titu 2:8

Hanjika maliji waze atu kaahashile kulelesa, hanga akwa kole je evwe sonyi mumu kaahashile kutwamba chibi nichimwe.

Tiangu (Jake) 4:17

Kashika, mutu yoze Unanyingika yibema yize te chamutamba kulinga, alioze nyi keshi kuyilinga, kakuvulumuna.

Usolwelo 21:8

Alioze akwa mwongo, ni waze keeshi kufuliela, ni akwa kuzelwokesa, ni akwa kushiha atu, ni yitanji, ni akwa kupanda wanga, ni akwa kukombelela mahamba, ni akwa mahuza eswe—chihanda cho muchikabwa mu wina wakuyila kahia ni fundanga, Chenacho che kufwa cha muchaali.”