Nehemia 6:12 - Mukanda Wa Zambi 1970

¹² Muze hinanyonga hakutwala ku Chuma chize, yingunyingika ngwami, Zambi kahanjikile ko kuli Shemaya, alioze ngwami, Tobia ni Sambalate enoo haamwaha mbongo angwambe maliji wano.

MUKANDA USANDU WA ZAMBI 1975

¹² Mumu nanyingikine ngwami, Hi Zambi ko wamutumine; alioze waprofetezele chocho kulimika ni yami; a Tobia ni Sambalate hamufweta.

Nehemia 6:12 Iomraidhean Croise

Nehemia 6:11

Yingukumbulula ngwami: “Mutu ngwe yami munguhasa kuchina, nyi? Kuma Unanyongo mutu ngwe yami mungweseka kulilamwina nguswame mu zuwo lia Zambi, nyi? Chayile ko.”

Nehemia 6:13

Haamwaha mbongo hanga anguvwise mwongo hanga nguvulumune, abihise lufuma wami, anguvwise sonyi.

Izaya 56:11

Kaali lume ngwe tuwa waze akwete lwahu, keeshi kukuta. Miata waze keeshi mana. Mutu mweswe wa kuli ayo kakulinga chize chinamuwahila, ni kufupa shina yuma yenyi mwene.

Jeremia 14:14

Alioze Mwene Zambi yakumbulula ngwenyi: “Akwa munanyi kaakunguliongela, chaatumine kwami, hanji kwambila hanji kwalweza limwe liji. Usolwelo uze akulumbununa, hi wa kuli yami ko. Kuuli wa mahuza, yilota yamokomoko.

Jeremia 23:16

Mwene Zambi Mukwa Ndundo Jeswe kanambila akwa Yerusaleme ngwenyi: “Kanda nubanjika yize anahanjika akwa munanyi; kaananulongesa maliji amokomoko. Kaakunwambulwila yize akunyonga ayo ene, hi yize ko ngunahanjika yami.

Jeremia 23:25

Ngunanyingika yeswe yize akwamba akwa munanyi waze akuhanjika mahuza mu jina liami ni akwambujola ngwo, hingunalweze maliji jami mu yilota yo.

Jeremia 28:15

Yingulweza Hanania maliji wano ni kuweza ho ngwami: “Banjika, Hanania! Mwene Zambi kakutumine ko; yena kuwakwonga atu wano.

Ezekiel 13:19

Nwakungulelesa ku meso ja atu jami hanga nuzomone mukamo wa masa ni yimwe mbolo. Nwakushiha atu waze kaatelele kufwa, ni kufunga ni mwono waze atela kufwa. Nwakuhanjika mahuza kuli atu jami, no kaakunufuliela.”

Ezekiel 13:22

“Ni mahuza jenu nwakulekumuna akwa ululi, waze Chazangile kwivwisa chinyengo. Nwakukwika yingulungulu kwecha ungulungulu wo hanga alilamwine.

Ezekiel 13:7

Ngunaalweze ngwami: Usolwelo uze nunamono uli wa mahuza, ni munanyi uze nwakuhanjika uli wa kwonga. Nunambe ngwenu, kaali maliji jami. Alioze chahanjikile kuli yenu.”

Mika 3:11

Miata ja limbo kaakuyula mumu ha mbongo ja mbenga, mahako kaakulongesa Shimbi ja Zambi hanga aafwete, akwa munanyi kaakulumbununa Usolwelo wo mumu ha ubite. Hindu ayo eswe kaakwamba ngwo: “Mwene Zambi kali hamwe ni yetu. Chibi nichimwe kuchichi kutuwana.”

Yilinga 20:33

Chevwile ko lwahu wa mbongo, chibwe oru, chibwe mahina ja mutu niumwe.

1 Korintu 12:10

Wakuhana kuli umwe tachi ja kulinga yipupu, kuli mukwo mana a kuhanjika munanyi. Kuli mutu mukwo, nawa, wakuhana mana a kunyingika Mwiku wamwenemwene ni uze wa mahuza. Kuli umwe, Mwiku wakuhana yinyingi ya kuhanjika maliji waze kaanyingikine ko, ni kuli mukwo yinyingi ya kulumbununa e maliji.

1 Korintu 2:15

Mutu yoze ukwete Mwiku wa Zambi kanahase kubatula yuma yeswe ni kwamba ngwenyi: “Ayi yilemu, ayi yilelu,” alioze iye, niumwe mamubatwila.

1 Timoteu 3:3

hi mukwa kuzengewa ko, hi mukwa chimbangunya ko, chimbovu, mukwa sambukila, hi mukwa lwahu wa mbongo ko.

Titu 1:7

Kuchamutambile kubwa ni kapalia mumu kali mukwa lutwe wa milimo ya Zambi. Hi mukwa kulisuta ko, hi chitenu ko, hi mukwa kuzengewa ko, hi mukwa kulambana ko, hi mukwa lwahu wa mbongo ko,

1 Petulu 5:2

bwenu tufunga twa mbunga yize anukunjikile Zambi. Atalenu kanawa, hi ni kuzangisa ko, alioze ngwe chize anazange Zambi. Manununenu milimo yenu, hi ni lwahu wa mbongo ko, alioze ni

2 Petulu 2:3

Mumu ha lwahu wo wa mbongo maakanulongesa mahuza. Alioze hasuku Ngaji yo hanalilulika ha kwabatwila, ni Chononyi cho kakunongama!

1 Yoano 4:1

Akwetu, kanda nufuliela eswe waze akwamba ngwo, Mwiku wa Zambi akwete, alioze esekenu ha kumona nyi Mwiku uze ali nawo kuuli wa kuli Zambi, nyi ka. Mumu akwa munanyi a mahuza anji haanamwangana hashi heswe.

Usolwelo 18:13

ni yakulia yiyema ngwe kanela ni mulungo, ni yitumbo ya vumba libema yeka ni yeka, ni vinyu, ni maji, ni wunga, ni tiriku, ni ngombe, ni mapanga, ni tuvwalu, ni matemba, ni ndungo, ni miono ya atu nawa.