Nehemia 5:9 - Mukanda Wa Zambi 1970

⁹ Yingwamba nawa ngwami: “Chuma chino nwakulinga hi chibema ko. Chanutamba kuvwila Zambi woma ni kulinga chibema, mba kunuchi kuhana jila kuli mavungu akwo ha kutuchoka.

MUKANDA USANDU WA ZAMBI 1975

⁹ Yingwamba nawa ngwami, Chino chuma nunalingi hi chipema ko. Chanutamba kwenda ni woma wa Zambi mumu ha sau lia akwa kole jetu a mavungu.

Nehemia 5:9 Iomraidhean Croise

Ubutukilo 20:11

Abrahama ngwenyi: “Mumu ngunakanyonga ngwami, kuno kukushi niumwe wakwivwila Zambi woma. Nyi nahola kuluu, mangushiha hanga atambule mukwetu pwo.

Ubutukilo 42:18

Ha tangwa lia muchitatu Josefe yaamba ngwenyi: “Nakwivwila Zambi woma, nyi nunazange kubwa ni mwono, lingenu chino:

2 Samuel 12:14

Alioze mwe mwana yoze kumakafwa mumu hiwalelesa Mwene Zambi ha chize walinga.”

Nehemia 4:4

Mba yami Nehemia yingulemba ngwami: “Aa Zambi yami, banjika kama chize anatuchoko! Hilwisa kama luchoko yono hali ayo ene. Yuma yize yeswe anabichi ayiye kama kuli eji, apwise kama funge mu chifuchi cha yilambala.

Nehemia 5:10

Yami, ni masepa jami, ni akwa milimo jami tunakasondamisa mbongo ni yakulia kuli atu. Ni haliabwila kanda tujikala.

Nehemia 5:15

Alioze akwa kuyula waze aliangile te kaakutambula milambu kuli atu tangwa ha tangwa ya yakulia ni vinyu ya makumi awana a mbongo ja prata. Chibwe tuvumbi two yaabinjisa atu. Alioze yami chalingile ngwe chize, mumu nevwilile Zambi woma.

Miaso (Masamu) 90:11

Iya hanevu ndundo ja ufwatulo we? Iya Unanyingika mwongo weswe wa utenu we?

Yishima 16:29

Akwa kushiha atu kaakwonga masepa jo, kaakwatwala mu jila ya lamba.

Yishima 17:26

Hi chibema ko kutambula mbongo ja uhiso kuli mukwa ululi; ubatwilo wakubiha muze ngaji akumwesa akwa ululi lamba.

Yishima 18:5

Hi chibema ko kusambisa akwa uhiso, ni kuhisa akwa kusamba.

Yishima 19:2

Kulihana ku milimo, hindu kuhona chinyingi hi chibema ko; kulipupwisa muchikoka Vunda.

Yishima 24:23

Akwa mana yaata yishima yino: Hi chibema ko ngaji kubatula milonga ni katonde.

Ezekiel 36:20

Kuze kweswe ayileyile, yaakolesa jina liami lia linanga sonyi, mumu te atu kaakuhanjeka ngwo: ‘Atu wano kaali atu ja Zambi, alioze iye yaakatwisa mu chifuchi chize aahele.’

Alevi 25:36

Kanda umutambula mbwezo niyimwe, alioze vwila Zambi woma, tayiza usoko we kubwa hamwe ni yena.

Yilinga 9:31

Mba Chikungulwila cheswe mu Yudea, ni mu Galilea, ni mu Samaria yaabwa ni uhwimino, yeenda ni woma ku meso ja Mwene Yesu, yooka ku tachi ja Mwiku wa Linanga.

A-ROMA 2:24

Ngwe hichinasonewa mu Mukanda wa Zambi ngwo: “Mavungu akwo kaakutuka jina lia Zambi mumu hali yenu Ayuda.”

1 Timoteu 5:14

Kashika ngunazange ngwami, ana mapwo waze haanafwisa malunga, aye nawa ku malo, aseme ana, ayule mazuwo jo, hanga akwa kole jetu kaahashile kuhanjika yibi hali yetu.

Titu 2:5

abwe akwa kuliyula, akwa mbunge jibema, akwa kufunga mazuwo jo, azeyele kuli malunga jo, hanga mutu niumwe kechi kashililika maliji a Zambi.

1 Petulu 2:12

Bwenu ni ndako yibema hakachi ka waze hi akwa Kristu ko. Nyi nwalinga chino, chibwe maanusuma mulonga ngwo: “Nwakuvulumuna”, hindu maamona yitanga yenu yibema. Kashika maakafumanyisa Zambi ha tangwa lize makeza.

1 Samuel 2:24

Ana jami, echenu, mumu lufuma wenu mubi. Nwakuvulumwisa atu ja Mwene Zambi.