Nehemia 5:8 - Mukanda Wa Zambi 1970

⁸ yingwamba ngwami: “Ni tachi jeswe jize twabwile najo hitunakulu usoko wetu Ayuda waze abichiwile kuli yilambala. Kuma nunashinjika nawa akwenu alilanjise kuli usoko wo Ayuda, nyi?” Miata yaahola kuluu, kaanyingikine chize maamba.

MUKANDA USANDU WA ZAMBI 1975

⁸ Yingwamba kuli ayo ngwami, Etu nikulita ni kuhasa chetu hitwakula usoko wetu A-Yunda waze aalanjishile kuli akwa mavungu, mba haliapwila te munulanjisa akwenu, twakule nawa yetu? Yahola, kapwile ni liji lia kukumbulula.

Nehemia 5:8 Iomraidhean Croise

Nehemia 5:9

Yingwamba nawa ngwami: “Chuma chino nwakulinga hi chibema ko. Chanutamba kuvwila Zambi woma ni kulinga chibema, mba kunuchi kuhana jila kuli mavungu akwo ha kutuchoka.

Jobe 29:10

Chibwe akwa lufuma te kaakuhola lume kuluu.

Jobe 32:15

Mwata Jobe nwamona, haahola kuluu, keeshi nawa ni maliji akuhanjika.

Kutuhuka 21:16

“Mweswawo makwata mukwo ni kumulanjisa hanji kutwama nenyi, akamushiha.

Mateu 22:12

yamwamba ngwenyi: ‘A mbayi, ngwe kuchi wanjilanga muno kuushi mahina ja umbachiso?’ Alioze mwe mutu yahola kuluu.

Mateu 25:15

Yaaha mutu mweswe Chihanda cha mbongo nikulita ni kuhasa chenyi, umuwika tununu atano, mukwo tununu aali, wa muchitatu kanunu. Mba yaya mu wenyi.

Mateu 25:29

Mumu mutu mweswe yoze ukwete, makamuweza hanga akabwe nayo yakulumbama, alioze yoze keshi nacho, makamutambula chibwe chize chikepe ali nacho.

A-ROMA 14:15

Nyi wakuvwisa mukwenu chinyengo ha yakulia yize wakulia, kumana kuushi kumuzanga nawa. Tala kanawa, kuchina mutu yoze Kristu hanamufwila, makatoka mumu ha yakulia ye.

A-ROMA 3:19

Tunanyingika ngwetu, yize yeswe Shimbi jinambe, yinahanjikila waze ali mu chiyulo cha Shimbi, hanga usambiso kuuchikatuhuka ku makanwa ja atu, hanga akwa hashi eswe akahie ku meso ja Zambi.

1 Korintu 8:11

Mba yoze mulelu, mukwetu yoze Kristu hanamufwila, kumakatoka mumu ha “yinyingi” ya yena!

2 Korintu 8:12

Mumu, nyi mutu mazanga kuhana chawana, Zambi matayiza chawana chenyi nikulita ni chize ali nacho, hi nikulita ko ni chize keshi nacho.

Galashia 6:10

Ha chino, shimbu tuchili ni mwaka, tulingenu yibema kuli eswe, alioze kuhiana kuli akwetu akwa kufuliela.

Shimbi 24:7

“Mweswawo meya usoko wenyi Kaisraele ni kumupwisa ndungo yenyi hanji kumulanjisa, mutu yoze chatamba kumushiha. Chenacho munukachiza chibi chize mukachi kenu.