Nehemia 5:16 - Mukanda Wa Zambi 1970

¹⁶ Chikwo nawa yingulihana ni kutungulula chipanga cha limbo lia Yerusaleme, chalanjile kwami minda, ni akwa milimo jami eswe yaalikunjika ni kutunga.

MUKANDA USANDU WA ZAMBI 1975

¹⁶ Chikwo nawa nanyongonwene mu milimo ya chipanga chino cha mawe. Kutwalanjile minda niyimwe, ni ngamba jami eswe aswilile ku milimo.

Nehemia 5:16 Iomraidhean Croise

Nehemia 5:15

Alioze akwa kuyula waze aliangile te kaakutambula milambu kuli atu tangwa ha tangwa ya yakulia ni vinyu ya makumi awana a mbongo ja prata. Chibwe tuvumbi two yaabinjisa atu. Alioze yami chalingile ngwe chize, mumu nevwilile Zambi woma.

Nehemia 5:17

Ayuda ni miata jo 150 te kaakulia ku mesa yami, kuweza ho nawa atu waze te akwizaza ku mavungu waze akutujingilika.

Kwalula 16:15

Mose yevwa ufwatulo, yambila Mwene Zambi ngwenyi: “Kanda utambula milambu niyimwe yize malunga wano maaneha. Niumwe wa kuli ayo chamulingile chibi. Chatambwile chibwe chimbulu umuwika kuli ayo ka.”

Luka 8:15

Atu akwo akutambula mbuto ha mavu abema. Enoo akwivwa liji lia Zambi, ni akulifunga mu mbunge jibema ja kushishika. Kaakunyongonona nikwima mihuko.

A-ROMA 2:7

Zambi makahana mwono wa miaka yeswe kuli atu waze akunyongonona ha kulinga yibema, waze akufupa uhenya ni ulemu uze wakukatuka kuli Zambi, ni mwono uze kuushi kuhwa.

1 Korintu 15:58

Kashika, akwetu akwa Kristu, manenu nguu, kanda nukokoloka. Takamenu matangwa eswe mu milimo ya Mwene Yesu, mumu nunanyingika ngwenu, Chuma nichimwe chize nwakulinga mu milimo ya Mwene muchikabwa chamokomoko.

Galashia 6:9

Kanda tukokoloka ha kulinga kanawa, mumu tangwa mulikeza lize mutukahela mihuko, nyi kutwakokolokele.