Nehemia 5:13 - Mukanda Wa Zambi 1970

¹³ Mba yingulikukumuna hina lize te ngunazala mu zalilo yami ni kulizula. Yingwalweza ngwami: “Chenacho makalinga Zambi kuli yenu nyi kunuchi kufunga chilakenyo chenu. Zambi makatambula mazuwo jenu ni yuma yenu yeswe, makanukatwisa mokomoko.” Atu eswe waze te anamana ko yaamba ngwo: “Chibwe kama Chenacho!” Mba yachichimieka Mwene Zambi. Miata yaafunga yilakenyo yo.

MUKANDA USANDU WA ZAMBI 1975

¹³ Yingusakumuna hina liami nikwamba ngwami, Chocho Zambi asakumwine ku zuwo lienyi, ni ku milimo yenyi mutu mweswe yoze kalingile nikulita ni chilakenyo chino; chocho amusakumwine ni kumumwanga. Ni akwa chikungulwila eswe yamba ngwo, Amene, ni kuhalisa Yehova. Mba atu yalinga nikulita ni chilakenyo chino.

Nehemia 5:13 Iomraidhean Croise

1 MIANANGANA 23:3

Mwanangana yamana ku nguji lia wanangana, yakolesa Usendo ni Mwene Zambi amwononokene, ni kufunga Shimbi jenyi ni yiyulo yenyi ni mbunge yenyi yeswe ni mwono wenyi weswe, ni kufunga Usendo nikulita ni Shimbi ja mu mukanda. Atu eswe yaatayiza kufunga we Usendo.

1 Sango Ja Mianangana 16:36

Chichimiekenu Mwene Zambi, Zambi ya Aisraele! Muchichimiekenu chize musono ndoo ku miaka yeswe! Mba atu eswe yaamba ngwo: “Chibwe kama Chenacho.” Yaahalisa Mwene Zambi.

Nehemia 8:6

Hako Ezra yachichimieka Mwene Zambi, mwe Zambi munene. Atu eswe yaazundula moko jo helu, yaamba ngwo: “Chibwe kama Chenacho! Chibwe kama Chenacho!” Yaafulamana hashi, yaawayila Mwene Zambi.

Miaso (Masamu) 119:106

Hingunalakenya kwononokena longeso lie liamwenemwene.

Miaso (Masamu) 50:14

Lambulenu Zambi milambu ya kusakwila, manununenu yilakenyo yenu yeswe kuli Mukwa Ndundo Jeswe.

Miaso (Masamu) 76:11

Mwehenu Mwene Zambi, Zambi yenu, yuma yize nwamulakenyene, mavungu waze nuli hakamwihi munehenenu milambu yenu, Zambi kakuvwisa atu woma;

Yishima 28:4

Nyi wakukolema Shimbi, kafwa ngwe uli mu mbunga yimuwika ni yingulungulu; alioze nyi wakufunga Shimbi, unalimika no.

Longeshi 5:5

Hi chibema ko kulakenya nyi kuuchi kuhasa kuchilinga.

Kwalula 5:22

Meya wano anjile mu jimo lie, alijimbise, ni asosewese ku mahie.” Mwe pwo akumbulule ngwenyi: “Chibwe Chenacho. Mwene Zambi achilinge.”

Mateu 10:14

Nyi zuwo limwe hanji chihunda chimwe maakanulituna, hanji keechi kanwivwa, katukenu ko, kukumunenu fufuta ya ku molu jenu.

Yilinga 13:51

Mba Paulu ni Barnaba yaakukumuna fufuta ya ku molu jo, yaaya ku limbo lia Ikoniu.

Yilinga 18:6

Alioze yaalimika nenyi ni kumushililika. Paulu yakukumuna fufuta ku mahina jenyi. (Ha chino, yaalweza ngwenyi, kanalihandununa no.) Mba yaamba ngwenyi: “Nyi munukafwa mu milonga yenu, ayo yinanutale. Yami ngunasambe. Chize ku haliabwila ngunayi kuli waze hi Ayuda ko.”

1 Korintu 14:16

Muze unasakwila Zambi ni mbunge wika, ngwe kuchi yoze kanyingikine yize unahanjika mahasa kwamba ngwenyi: “Chibwe kama Chenacho,” ku kusakwila che? Kahashile kunyingika chize unambe.

1 Samuel 15:28

Samuel yamba ngwenyi: “Mwene Zambi habatula wanangana wa Aisraele kuli yena musono, hauhana kuli umwe mukwenu mubema Wahiana yena.