Nehemia 5:10 - Mukanda Wa Zambi 1970

¹⁰ Yami, ni masepa jami, ni akwa milimo jami tunakasondamisa mbongo ni yakulia kuli atu. Ni haliabwila kanda tujikala.

MUKANDA USANDU WA ZAMBI 1975

¹⁰ Chipwe yami nawa ni usoko wami ni atu jami mutuhasa kwaaha mbongo ni mbuto ha mbwezo. Ngunaliumbu, litwaminenu chuma chino cha mbwezo.

Nehemia 5:10 Iomraidhean Croise

Nehemia 10:32

Mutubwa nikuhana grame jitano ja mbongo ja prata milambu ya mu zuwo lia Zambi mwaka ha mwaka.

Nehemia 5:11

Jimunenu makongo jo: mbongo, ni yakulia, ni vinyu, ni maji a olive, ni mazuwo jo.”

Nehemia 5:7

yingubatula ngwami, mungubajila miata ni akwa kuyula akwo mumu kaakutambula mbwezo kuli usoko wo. Yingwatambika ku punga yinene ni kusopa mulonga wo,

Nehemia 5:9

Yingwamba nawa ngwami: “Chuma chino nwakulinga hi chibema ko. Chanutamba kuvwila Zambi woma ni kulinga chibema, mba kunuchi kuhana jila kuli mavungu akwo ha kutuchoka.

Miaso (Masamu) 15:5

yoze keshi kuhana mbongo jenyi ni kutambula mbwezo, yoze keshi kutambula mbongo ja mbenga. Yoze malinga yuma yino, mabwa mu uhwimino matangwa eswe.

Izaya 58:6

“Ndako ya kulitwamina kulia yize nakuzanga yili yino: echenu kubinjisa chenu ni uhenge wenu; jitulenu atu waze nwakubinjisa.

Ezekiel 18:13

Kakuhana mbongo ni kufumbula mbwezo. Mwana ngwe yoze makatwama ni mwono, nyi? Kaa! Hanalingi yuma yino yeswe ya kuzelwokesa, kashika kumakafwa. Uhiso wa kufwa chenyi muukabwa wa iye mwene.

Ezekiel 18:7

Keshi kubinjisa niumwe, keshi kwiya. Kakuhilwisa tombo, kakulisa akwa zala, kakujika waze ali ni uvu.

Ezekiel 18:8

Keshi kufumbula mbongo ku mbwezo, keshi kulinga yibi. Kakubatula milonga ni ululi,

Mika 2:1

Lamba linji mulikabwa hali waze akunongama ni kululika alinge yibi! Muze hikwacha kaakuya hazehene ni kulinga ungulungulu uze anyonganga,

2 Korintu 5:11

Tunanyingika chize chatutamba kwivwila Mwene Zambi woma. Kashika tuneseka kulongesa atu. Zambi kanatunyingika kanawa, ni ngunafuliela ngwami, mu mbunge jenu nunangunyingika nawa.

2 Korintu 5:20

Kashika, tunanwambe mu jina lia Kristu ngwetu, Zambi iye mwene hanatutumu ni kunulongesa. Mu jina lia Kristu tunaliumbu kuli yenu ngwetu, wanenu ni Zambi.

2 Korintu 6:1

Kashika yetu, waze twakulinga hamwe ni Zambi, tunaliumbu kuli yenu ngwetu, kanda nulelesa utu uze Zambi hananulweze.

Shimbi 15:2

Lingemu chino. Mutu mweswe yoze hahana kongo kuli mwenyembo wenyi Kaisraele, chatamba kujimuna kongo lize. Kuchatambile kumuketeka ha kulifweta, mumu Mwene Zambi halijimuna kulu.