Nehemia 4:9 - Mukanda Wa Zambi 1970

⁹ Alioze yetu yitulemba kuli Mwene Zambi, yitusa tufunga a mwalwa ni a ufuku.

MUKANDA USANDU WA ZAMBI 1975

⁹ Alioze etu twalembele kuli Zambi yetu, ni kusela tulayi mwalwa ni ufuku mumu hali ayo.

Nehemia 4:9 Iomraidhean Croise

Ubutukilo 32:28

Mutu yoze ngwenyi: “Jina lie kulichi kubwa nawa Yakoba, mumu hiwalitachika ni Zambi ni atu, hiwakumba. Kashika maakuvuluka ngwo, Israele.”

Nehemia 4:10

Ayuda te kaanembi mwaso uno ngwo: “Hitwalekumuka ni kumbata yiteli; yiswaswa yinji yiliko ya kuchiza. Ngwe kuchi mutuhasa kutunga chipanga musono?”

Nehemia 4:11

Akwa kole jetu te kaananyongo ngwo, kutuchi kwamona hanji kunyingika manyonga jo ndoo haatuheta atushihe, ni kukinda milimo yetu.

Jobe 5:12

Kakuhepwisa manyonga ja akwa mana, kakwakwachila ku ukanyame wo, keeshi kuyuka ni moko jo.

Miaso (Masamu) 33:10

Mwene Zambi, yiyulo ya mavungu kakuyipwisa yamokomoko; kakwakanjisa, kanda alinga chize ananyongo.

Miaso (Masamu) 50:15

Ngutambikenu ha tangwa lia lamba; mungunupulula, mba mununguchichimieka.”

Yishima 22:12

Mwene Zambi kakufunga umwenemwene muze akukununa maliji ja akwa mahuza.

Mateu 26:41

Nongamenu, lembenu, yenu eswe, hanga kunuchi kunjila mu cheseko. Mbunge ya mutu yinalulika, alioze mujimba wenyi ulelu.”

Luka 21:36

Kanyamenu, lembenu matangwa eswe, hanga nukabwe ni tachi ja kuchina yize yeswe muyikabwa, ni kumana ku meso ja Mwana Mutu.”

1 Petulu 5:8

Limukenu, kanyamenu! Mumu mukwa kole yenu, Sakwonga, kakwendangana ngwe tambwe yoze wakukenana, ni kufupa yoze malia.