Nehemia 4:7 - Mukanda Wa Zambi 1970

⁷ Muze Sambalate ni Tobia, ni atu a ku Arabia, ni Amone, ni akwa Ashdode heevwa ngwo, milimo ya kutungulula chipanga cha Yerusaleme yinayi kulutwe, ni yituwa haayijikajika, yeevwa ufwatulo.

MUKANDA USANDU WA ZAMBI 1975

⁷ Muze Sambalate, ni Tobia, ni A-Arabia, ni A-Amone, ni A-Ashedode hevwa ngwo, Milimo ya kululika yipanga-ya-mawe ya Yerusaleme yinayi kulutwe, ni yituwa kanaputuka kuyijika, yatenuka chikolo.

Nehemia 4:7 Iomraidhean Croise

Ubutukilo 3:15

Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

1 MIANANGANA 24:2

Mwene Zambi yatuma mbunga yeka ni yeka ya tujita alimike nenyi hanga onwone Ayuda: Ababilonia, ni Asiria, ni Amoabe, ni Aamone. Yachilinga amanunune maliji waze ambilile tuvumbi twenyi akwa munanyi akalweze atu.

2 Sango Ja Mianangana 20:1

Muze yimwe miaka hiyabalika tujita twa yifuchi ya Moabe ni Amone, yaakunguluka hamwe ni Ameune waze te haalikate no, akase jita ni Ayuda.

Ezra 5:8

“Mwanangana, tunanunyingikisa ngwetu, yetu tunakaya ku chifuchi cha Yuda, yituwana, kuma zuwo lia Zambi munene kaanalitungulula ni mawe anene ni mitondo ya kukolesa nayo mambango. Milimo kaanayilingi ni utotombo Wahiana, yinayi kulutwe nikawashi.

Nehemia 2:10

Alioze Sambalate, wa ku limbo lia Bete Horone, ni Tobia, umwe mwata wa mu chifuchi cha Amone, yeevwa ngwo, umwe lunga weza ko ni kukwasa Aisraele. No yeevwa wuli unji.

Nehemia 2:19

Alioze muze Sambalate, ni Tobia, ni umwe Karabia Gesheme heevwa chize twalulikile, yaatuseha nikwamba ngwo: “Chika nunambe kulinga? Munuhamika ni mwanangana, nyi?”

Nehemia 4:1

Muze Sambalate hevwa ngwo, Ayuda haabutuka kutungulula chipanga cha mawe, yevwa ufwatulo unji, yabutuka kwachoka.

Nehemia 4:6

Alioze chibwe chocho yetu yitunyongonona kutungulula chipanga. Mba ha kashimbu lume chipanga hichaheta hakachi ka chizundamo chacho, mumu atu yaalihana ku milimo.

Nehemia 4:8

Mba yaatwama punga ya kwasa jita ni yetu akwa Yerusaleme hanga atubinjise.

Nehemia 6:16

Muze akwa kole jetu waze atujingilika haachivwa, yaanyingika ngwo, mana kaasula, mumu mutu mweswe yanyingika ngwenyi, milimo yino twayilinga ni ndundo ja Zambi.

Jeremia 41:10

Hohene ana mapwo a ku zuwo lia mwanangana yaapwisa funge, ni atu akwo waze asalile mu limbo lia Mizpa, waze Nebuzaradane mwata wa tujita akunjikile mu moko ja Gedaliya aafunge. Ishmaele yakatuka ni kuya no ku chifuchi cha Amone.

Amose 1:13

Mwene Zambi kanambe ngwenyi: “Atu a mu chifuchi cha Amone haanavulumuna nawa ni nawa, chamwenemwene mungukaamwesa lamba. Mumu ashile jita ha kutohwesa chifuchi, yaabulabula tufumbakaji a mu chifuchi cha Gileade.

Amose 1:8

Mungukachiza akwa kuyula a mu membo ja Ashdode ni Ashkelone. Mungukamwesa akwa limbo lia Ekrone lamba, akwa Filistia waze haasala eswe kumaakafwa.”

Amose 3:9

Ambulwilenu waze atwama mu mazuwo ja mawanangana mu chifuchi cha Egiptu ni mu limbo lia Ashdode ngwenu: “Kungulukenu ha milundu yize yinajingilika Samaria, hanga nukevwe chizungozungo, nukamone chize akubinda.”

Yilinga 5:33

Muze Mbunga ya Ngaji ja Ayuda heevwa liji lino, yeevwa ufwatulo, yaatwama punga ya kwashiha.

Usolwelo 12:17

Mwe dragau yevwila pwo ufwatulo mba yaya ni kwasa jita ni atu akwo a ku Chikota chenyi, waze akufunga Shimbi ja Zambi, waze akushindakenya hakutwala kuli Yesu.

1 Samuel 11:2

Nahashi yaakumbulula ngwenyi: “Mungukolesa nenu usendo nyi munutayiza ngunutombongone meso jenu a chindume hanga ngukolese Aisraele eswe sonyi.”