Nehemia 4:6 - Mukanda Wa Zambi 1970

⁶ Alioze chibwe chocho yetu yitunyongonona kutungulula chipanga. Mba ha kashimbu lume chipanga hichaheta hakachi ka chizundamo chacho, mumu atu yaalihana ku milimo.

MUKANDA USANDU WA ZAMBI 1975

⁶ Chocho twatungile chipanga-cha-mawe, necho cheswe achinungine ndo ku chihanda cha ha muchima cha Chizundamo chacho; mumu te atu apwile ni mbunge ya kukilikita.

Nehemia 4:6 Iomraidhean Croise

1 Sango Ja Mianangana 29:14

“Alioze yami ni atu jami kutwahashile kukwaha Chuma nichimwe, mumu yuma yeswe yaakukatuka kuli yena. Kafwa yetu hitwahilwisa lume yize niye.

1 Sango Ja Mianangana 29:3

Kuweza ku yize yeswe, hingunahane prata ni oru ya yami mwene mumu ngunazange zuwo lia Zambi.

2 Sango Ja Mianangana 29:36

Mwanangana Hezekia yawahilila hamwe ni atu eswe mumu Zambi yaakwasa kulinga yino yeswe nikawashi.

Nehemia 4:5

Kanda wakonekena uhenge wo, kanda ujimuna milonga yo, mumu haatuchoka ha yize tunalingi.”

Nehemia 4:7

Muze Sambalate ni Tobia, ni atu a ku Arabia, ni Amone, ni akwa Ashdode heevwa ngwo, milimo ya kutungulula chipanga cha Yerusaleme yinayi kulutwe, ni yituwa haayijikajika, yeevwa ufwatulo.

Nehemia 6:15

Milimo ya chipanga cha mawe yichihwa ha tangwa makumi aali ni lia muchitano lia kakweji wa Elule, muze te hitwalinga kulu milimo matangwa makumi atano ni aali.

Miaso (Masamu) 110:3

Tangwa lize muukasa jita ni akwa kole je, atu je maakalihana kuli yena. Ngwe chize mume wakusulumioka chichamene cheswe, akweze je maakeza kuli yena ha milundu ye ya chijila.

Miaso (Masamu) 122:3

Yerusaleme hamutungulula, hiliabwa limbo libema liahiana!

Hagai 1:14

Mwene Zambi yakolesa atu eswe kululika zuwo lia Zambi: Zerubabele mukwa kuyula wa Yuda, ni Yoshua mwata wa mahako ja Zambi, ni eswe waze akatukile mu undungo. Yaabutuka kululika zuwo lia Mwene Zambi Mukwa Ndundo Jeswe, Zambi yo,

Filipu 2:13

Mumu, tangwa ha tangwa Zambi kakulinga muli yenu, nikunwaha zango ni tachi ha kumanununa chize anapale.