Nehemia 4:15 - Mukanda Wa Zambi 1970

¹⁵ Akwa kole jetu yeevwa ngwo, hitwanyingika kulu punga yize atwamine, yaanyingika nawa ngwo, Zambi hamwanga punga yo. Mba yetu eswe yituhiluka ni kutungulula che chipanga.

MUKANDA USANDU WA ZAMBI 1975

¹⁵ Muze akwa kole jetu hevwa chino chuma, ngwe etu hitwanyingika mana jo, ni Zambi halelesa kutaka cho, mba etu eswe twahilukile ku chipanga, mutu mweswe ku milimo yenyi.

Nehemia 4:15 Iomraidhean Croise

2 Samuel 15:31

Muze umwe mutu halweza mwanangana ngwenyi, Ahitofele halichinga ni mbunga ya Absalome, mwe mwanangana yalemba ngwenyi: “Mwene Zambi, ngunaliumbu, alumuna manyonga ja Ahitofele abwe a uhepuke!”

2 Samuel 17:14

Absalome ni Aisraele eswe yaamba ngwo: “Mana ja Hushai kaanahiana mana ja Ahitofele.” Mumu Zambi hanyonga ngwenyi, chibwe mana ja Ahitofele kaali abema, kuchatambile kwakaula hanga Absalome amone lamba.

Nehemia 4:16

Chize ku tangwa lize mbunga yimuwika ya malunga yaalinga milimo. Mbunga yikwo yaabwa tufunga, yaazala mahina a utale a jita, yaakwata makunga, ni kebwe, ni mata a kwasa. Ni e miata jetu yaatakamisa atu waze te anatungu che chipanga. Chibwe waze te anambata yuma ya kutunga nayo, yaachilinga ni kwoko limuwika, ni kwoko likwo anakwata chitwa cha jita.

Yishima 21:30

Mana, ni yinyingi, ni ukanyame wa mutu kuyahashile kumukwasa nyi Mwene Zambi kakulimika nenyi.

Izaya 44:25

Yami nakuhepwisa tahi; ni kubinjisa maliji a munanyi. Maliji ja akwa mana nakwapwisa amokomoko, ni kusolola uhepuke wa malinjekela jo.

Izaya 8:10

Twamenu punga jenu! Alioze kujichi kakola. Hanjikenu ngwe chize nunazange! Alioze kuchichi kunukwasa nichimwe mumu Zambi kali hamwe ni yetu.

Marku 13:34

Kafwa ngwe mutu yoze unahichika zuwo lienyi ni kuya mu wenyi. Kanahane chiyulo kuli tuvumbi twenyi, mutu mweswe milimo yenyi. Kanambila mukwa kufunga zuwo ngwenyi: ‘Ukanyama.’

A-ROMA 12:11

Lingenu ni tachi, hi ni ngwaza ko. Lingilenu Mwene Zambi ni mbunge yeswe.

1 Tesalonika 4:11

Nweseke kubwa mu uhwimino, ni kutala yuma ya yenwene, ni kukilikita ni moko ja yenwene, ngwe chize twanwambile kulu,