Nehemia 3:25 - Mukanda Wa Zambi 1970

^25-26 Palale mwana wa Uzai, yatunga chize chasulile ko, chize ku mbango ya chipanga ndoo ku zuwo lisuku lia kukoleka ku zuwo lia mwanangana hehi ni yiize ya tufunga. Pedaya mwana wa Paroshe yatunga chize chasulile ko, ndoo kuma kumwe ku chivumbuko hehi ni ku chikolo cha Meya ni zuwo lisuku lia kukoleka lize liakufunga zuwo lia Zambi. (Kwabwile hehi ni Chihanda cha limbo chize akuvuluka ngwo, Ofele, kuze te kwatwama akwa milimo ya mu zuwo lia Zambi.)

MUKANDA USANDU WA ZAMBI 1975

²⁵ Palale mwana Uzai yalulika hatalanganyi ni chihata cha yipanga-ya-mawe ni ku kaposhi yoze watunda ku zuwo lia mwanangana ku tunda, kwe ku yize ya tulayi. Yahatako ku milimo Pedaia mwana Paroshe.

Nehemia 3:25 Iomraidhean Croise

Ezra 2:3

Kwoka cha Aisraele a ku jimo ni jimo waze ahilukile: Jimo Atu Paroshe 2,172 Shefatia 372 Ara 775 Pahate Moabe (vungu lia Yeshua ni Joabe) 2,812 Elame 1,254 Zatu 945 Zakai 760 Bani 642 Bebai 623 Azgade 1,222 Adonikame 666 Bigvai 2,056 Adine 454 Atere (te kaakumuvuluka nawa ngwo, Hezekia) 98 Bezai 323 Jora 112 Hashume 223 Gibare 95.

Nehemia 12:39

Katu kwenako yituhiana chikolo cha Efraime, ni cha Jeshana, ni cha Yishi, ni zuwo lisuku lia kukoleka lia Hananele, ni lia Kulakaji, ni ndoo ku chikolo cha Mapanga. Kwenda chetu yichisulila ku chikolo cha zuwo lia Zambi.

Nehemia 7:8

Kwoka cha Aisraele a ku jimo ni jimo waze ahilukile: Paroshe - 2,172 Shefatia - 372 Ara - 652 Pahate Moabe (vungu lia Yeshuani Joabe) - 2,818 Elame - 1,254 Zatu - 845 Zakai - 760 Binwi - 648 Bebai - 628 Azgade - 2,322 Adonikame - 667 Bigvai - 2,067 Adine - 655 Atere (jina likwo Hezekia) - 98 Hashume - 328 Bezai - 324 Harife - 112 Gibeone - 95

Nehemia 8:4

Hako Ezra te kanamana ha chitamba cha mitondo chize alulikile mumu ha tangwa lize. Atu wano yaamanyina ku kwoko lia chindume: Matitia, ni Shema, ni Anaya, ni Uria, ni Hilkia, ni Maseya. Ku kwoko lienyi lia chimeso yikubwa: Pedaya, ni Mishaele, ni Malkija, ni Hashume, ni Hashbadana, ni Zakaria, ni Meshulame.

Jeremia 22:14

Lamba kuli mutu yoze wakwamba ngwenyi: “Mungutunga zuwo linene lia yami mwene ni yibatulo yinene ya kwilu.” Mba malisa tupenda, ni kuhola ni mabaya a sedru, ni kulikwita ulombo uchila.

Jeremia 32:2

Ha matangwa waze tujita twa mwanangana wa Babilonia yaasa jita ni Yerusaleme; yami te haangusa mu zuwo lia lamba mu yiize ya zuwo lia mwanangana.

Jeremia 33:1

Muze nabwile mu zuwo lia lamba mu yiize ya zuwo lia mwanangana, Mwene Zambi, yoze watangile hashi ni kululika ho, jina lienyi Mwene Zambi, yeza ni kunguhanjikisa nawa ngwenyi;

Jeremia 37:21

Kashika mwanangana yalulika kungusa mu zuwo lia lamba mu yiize ya zuwo lia mwanangana. Yingutwama ko. Tangwa heswe te kakupa mbolo yimuwika ndoo mbolo ya mu limbo yahwile.

Jeremia 38:13

No yaangusosa ni kungutuhwisa mu shima. Mwabwamuze yaangufunga mu yiize ya zuwo lia mwanangana.

Jeremia 39:8

Muze akwa Babilonia hoocha zuwo lia mwanangana ni mazuwo eswe ja atu, yaabuzula yipanga ya Yerusaleme.

Mika 4:8

Yena Yerusaleme, muma muze Zambi akufungila atu jenyi ngwe kafunga ka mapanga, kumuukabwa nawa limbo lia wanangana uze wabwile niwe.