Nehemia 3:21 - Mukanda Wa Zambi 1970

²¹ Meremote, mwana wa Uria mujikulu wa Hakoze, yatunga chize chasulile ko, ndoo ku songo lia zuwo lia Eliashibe.

MUKANDA USANDU WA ZAMBI 1975

²¹ Hikuhatako Meremote mwana Uriya mwana Koze, yalulika chihanda chikwo, chize ku chikolo cha zuwo lia Eliashipe ndo ku songo lia zuwo lia Eliashipe.

Nehemia 3:21 Iomraidhean Croise

1 Sango Ja Mianangana 4:8

Koze yasema Anube ni Zobeba, ni kashakulu ka majimo ja Chisemuko cha Aharhele, mwana wa Harume.

Ezra 2:61

Atu wano a ku majimo ja mahako te kaahashile kusa chinyingi ngwo, tuli a ku vungu lia Israele: Habaya, ni Hakoza, ni Barzilai. (Kashakulu ka jimo lia mahako Barzilai yambata umwe pwo wa ku jimo lia Barzilai wa ku chifuchi cha Gileade, yanda jina lienyi ku vungu lia Ukwe wenyi.) Yaafupa kunyingika majimo ja tushakulu two, alioze kaahashile ko kusa chinyingi. Kashika akwa lutwe kaatayijile ko kubwa mahako.

Ezra 8:33

Mba ha tangwa lia muchiwana yituya ku zuwo lia Zambi, yitupezalisa prata, ni oru, ni yikashi, yituyikunjika mu moko ja hako Meremote, mwana wa Uria. Neye yabwa hamwe ni Eleazare mwana wa Finehase ni Alevi aali, Jozabade mwana wa Yeshua, ni Noadia mwana wa Binwi.

Nehemia 3:1

Chipanga cha mawe cha Yerusaleme yaachitungulula ngwe chino. Mwata wa mahako Eliashibe ni mahako akwo yaatungulula chikolo cha Mapanga, yaachikunjika; yaasako yajilo. Yaakunjika chipanga ndoo ku zuwo lisuku lia kukoleka lia Kulakaji ni lia Hananele.

Nehemia 3:20

Baruke mwana wa Zabai, yatunga chize chasulile ko, ndoo ku chikolo cha zuwo lia mwata wa mahako Eliashibe.

Nehemia 3:22

Mahako wano yaatungulula yimwe yipinji ya chipanga yize yasulile ko: Mahako waze akutwama hehi ni Yerusaleme yaatungulula chize chasulile ko.

Nehemia 3:4

Meremote, mwana wa Uria mujikulu wa Hakoze, yatunga Chipinji chize chasulile ko. Meshulame mwana wa Berekia mujikulu wa Meshezabele, yatunga Chipinji chize chasulile ko. Zadoke mwana wa Bana yatunga Chipinji chize chasulile ko.

Nehemia 7:63

Majina ja majimo ja mahako wano kaamonekene ko: Hobaya, ni Hakoze, ni Barzilai. (Mwe kashakulu ka mahako wa jimo lia Barzilai yambata pwo wa ku jimo lia Barzilai wa ku Gileade, yamuluka jino lia Ukwe wenyi.) Kaahashile ko kwaasa chinyingi cha mavungu jo, kashika kaatayijile ko kubwa mahako.