Nehemia 3:16 - Mukanda Wa Zambi 1970

¹⁶ Nehemia mwana wa Azbuke, mukwa kuyula Chihanda cha chifuchi cha Betzure, yatunga Chipinji chize chasulile ko, ndoo ku fuka lia David, ni ku chitende, ni ku zuwo lia tujita.

MUKANDA USANDU WA ZAMBI 1975

¹⁶ Yahatako ha kululika Nehemia mwana Azubuku, mukwa kuyula chihanda cha ha muchima cha chifuchi cha Mbete-Zure, ndo hatalanganyi ni mafuka a David, ni ndo ku Chitende chize alingile, ni ku zuwo lia akwa ndundo.

Nehemia 3:16 Iomraidhean Croise

1 MIANANGANA 20:20

Yitanga yikwo ya mwanangana Hezekia, ni hamu lienyi Heswe, ni chize atungile chitende, ni chize abulile jila mu mawe ya kutwala meya mu limbo, yeswe hanayisoneka mu mukanda wa Sango ja Mianangana ja Yuda.

1 Sango Ja Mianangana 2:45

Shamai yasema Maone, Maone yasema Betzure.

2 Sango Ja Mianangana 16:14

yaamufunda mu fuka lia liwe lize alitotelele iye mwene mu Limbo lia David. Atu yaalulika mujimba wenyi ni maji ni yitumbo ya vumba libema, yaala tanda yinene ni kumulila.

Nehemia 2:14

Mba ku sali lia chivumbuko lia limbo yinguya ku norde ndoo ku chikolo cha Shima ni ndoo ku chitende cha mwanangana. Alioze chimbulu hali yoze te ngunendela kamwene ko haze mabalikila.

Nehemia 3:12

Shalume mwana wa Haloheshe, mukwa kuyula wa Chihanda chikwo cha chota cha Yerusaleme, yatunga Chipinji chize chasulile ko. (Ana jenyi a mapwo yaamukwasa.)

Nehemia 3:14

Malkija mwana wa Rekabe, mukwa kuyula chifuchi cha Bete Hakereme, yatungulula chikolo cha Pinga. Yaasako yajilo, ni yikungo ya kukashila yajilo.

Nehemia 3:17

Alevi wano yaatungulula yimwe yipinji ya chipanga cha mawe chize chasulile ko: Rehume mwana wa Bani yatunga Chipinji chize chasulile ko. Hashabia, mukwa kuyula wa Chihanda cha chota cha Keila, yatunga Chipinji chize chasulile ko mumu ha chifuchi chenyi.

Nehemia 3:9

Refaya mwana wa Hure, mukwa kuyula wa Chihanda cha chota cha Yerusaleme, yatunga Chipinji chize chasulile ko.

Longeshi 2:6

Yingufula yitende ya meya ya kuyihinjila.

Mwaso Ubema Wahiana 3:7

Talenu Solomone kaneza, kaanamumbachila mu chipoya chenyi! kaanamumbata kuli tujita, tufunga makumi asambano, tujita a tachi a mu Israele.

Izaya 22:11

yinutunga chitende mu limbo cha kufunga meya waze maatuhuka mu chitende chikulu. Alioze kunwashinginyekene ko Zambi, yoze walulikile yuma yize yeswe chize ku shakulu, yoze wayimanunwine.

Izaya 22:9

Yinuwana kuma kuze kunabuzuka yipanga ya Yerusaleme yinatela kululika. Yinwendesa mazuwo eswe a mu Yerusaleme, yinububa amwe, yinwanda e mawe ni kululika no yipanga ya limbo. Mumu ha lamba lia meya,

Izaya 7:3

Mwene Zambi yambila Izaya ngwenyi: “Yako ni mwane Sheare Jashube utakane mwanangana Ahaze. Muumutakana mu jila muze akwa kutunga mahina akulingila milimo yo, ku songo lia kapila yoze wakuneha meya a ku chitende cha ku tunda.

Yilinga 2:29

“Akwetu, ngutayizenu kama kuhanjika mwazu kuli yenu hakutwala kuli kashakulu ketu David. Hanafu, haanamufundu. Fuka lienyi lili mukachi ketu ndoo musono uno.

Yoshua 15:58

Kwabwile nawa membo asambano hamwe ni yihunda ya kusulangana: Halula, ni Bete Zure, ni Gedore, ni Marata, ni Betanote, ni Eltekone.